१ तिमोथी 1:5 - परमेश्वरए ताँ तमु क्युइर5 चर्बै ताँन् प्रभुए फिर बिश्वास लब्मैंइ क्ह्रोंसेंन्बै बिश्वासउँइँले, छ्याँबै खों प्ह्यासि छ्याँबै सैंउँइँले, ताँनने म्हाँया लरिगे बिसि ङइ चु ताँ बिइ। Faic an caibideil |
१ तिमोथी 1:5
43 Iomraidhean Croise
चु ताँ बिल् योंमा ङि ङ्हो च्हौ प्ल्ह्याब् धों ङ्हाँइमुँ, ङिए सैंज्यै या छान् बिम्। ङिइ चु ह्युलर छ्ह थोमा छ्याँबै केमैं लसि छेनाले प्रब्-टिब लइ, क्हेमैंने मुँमै या ङि छेनाले प्रब्-टिब पोंब लसि परमेश्वरए क्ह्रोंसेंन्बै घ्याँर प्रल। ङिइ छाबै केमैं म्हिए ज्ञान बुद्धिउँइँले लब आङिं, चु केमैं ङिइ परमेश्वरए दयाम्हाँयाउँइँले लल् खाँब् ग।
चु नाँ बाडिए क्यु बप्तिस्माए नमुना ग, तलेबिस्याँ नोआ नेरो चए परवालाइ क्युउँइँले जोगेब् धोंले क्हेमैंलाज्यै या येशूए मिंर क्युर प्ल्हुँसि जोगेमिंब्मुँ। खैले जोगेम् बिस्याँ परमेश्वरजी येशू ख्रीष्टलाइ सिबइले धबै सोगों लमिंबइले क्हेमैंइ छारा छ्ह योंइमुँ। चु बप्तिस्मा क्युइ ज्यु ख्रुब् धों तब आङिं, बरु क्हेमैंए सैं छ्याँब् प्ह्यासि बानि ब्योर छ्याँब् तरिगे बिबै ल्हागिर परमेश्वरउँइँले खबै बाछा ग।
Sanasan