१ तिमोथी 1:4 - परमेश्‍वरए ताँ तमु क्युइर

⁴ धै चमैं स्‍योंम्‍बै स्‍योर ताँमैं नेरो खेमैंए खोंयोंइ आनुबै ताँर सैं आह्‍यारिगे, तलेबिस्याँ च ताँमैंउँइँले झन प्होंगि कैगि मत्‍त्रे तम्। बरु क्ह्रोंसेंन्बै परमेश्‍वरए ताँमैं क्होबर खीए फिर बिश्‍वास लल् त्हुम्।

१ तिमोथी 1:4 Iomraidhean Croise

२ कोरिन्थी 1:12

चु ताँ बिल् योंमा ङि ङ्‍हो च्हौ प्ल्ह्‍याब् धों ङ्हाँइमुँ, ङिए सैंज्यै या छान् बिम्। ङिइ चु ह्‍युलर छ्ह थोमा छ्याँबै केमैं लसि छेनाले प्रब्-टिब लइ, क्‍हेमैंने मुँमै या ङि छेनाले प्रब्-टिब पोंब लसि परमेश्‍वरए क्‍ह्रोंसेंन्बै घ्याँर प्रल। ङिइ छाबै केमैं म्‍हिए ज्ञान बुद्धिउँइँले लब आङिं, चु केमैं ङिइ परमेश्‍वरए दयाम्हाँयाउँइँले लल् खाँब् ग।

एफिसी 3:2

अरू ह्रेंमैंए फिरै या खीए दयाम्हाँया उँइँबर परमेश्‍वरजी क्‍हेमैंए ल्हागिर्न ङलाइ खटिदिइमुँ बिसि क्‍हेमैंज्यै सेइमुँ।

१ तिमोथी 3:16

येशू ख्रीष्‍टए बारेर परमेश्‍वरजी उँइँमिंबै ताँमैं कति थेब मुँ बिसि ङ्योइ क्ह्रोंसेंन्ले थहा सेसि बिम्: येशू ख्रीष्‍ट म्‍हिए क्हो किंसि चु ह्‍युलर युइ, पबित्र प्ल्हउँइँले खी ठिक ठर्दिइ, स्वर्गदूतमैंइ खीलाइ म्रोंइ, ह्रें ह्रेंर्बै म्‍हिमैंए म्हाँजोर खीए बारेर्बै ताँ म्हिमैंइ बिप्रइ, ताँन् ह्‍युलर्बै म्‍हिमैंइ खीए फिर बिश्‍वास लइ, झाइले थेबै मानले खी स्‍वर्गउँइँ क्वेयाइ।

१ तिमोथी 4:7

छतसि केर आफेबै स्‍योलिबै ताँमैंउँइँले स्‍योले टिद्। बरु परमेश्‍वरए केर फेबै म्हि तबर भों लद्।

१ तिमोथी 6:11

छतसि बाबु, क्‍हि परमेश्‍वरए म्‍हि ग। क्‍हिइ चु छाबै लोबए केमैं आलद्। बरु परमेश्‍वरए उँइँर छेनाले सेवा लबर, बिश्‍वासर, म्हाँयार, खैतबै दुःखन् तलेया भोंब् तसि सैदिसि थेब् आप्हैंनले ढुक्‍कले टिद्।

१ तिमोथी 6:20

ओ तिमोथी, ङइ क्हिने बिबै ताँमैं छेनाले सैंर मैंथेंन्। कोइ म्हिमैं बुद्धि मुँब प्‍हैंसि आछ्याँबै स्योलिबै ताँ लम्, धै फाक्‍कर्न प्होंगि मिम्। छाबै ताँउँइँले स्‍यो तद्।

२ तिमोथी 2:14

छतसि च्युथिरि ताँमैं लाँछेंसि छ तइ छु तइ आबि प्रद् बिसि चमैंने बिद्, तलेबिस्याँ परमेश्‍वरए प्हसेमैं छ तब आङ्‍हें, छाबै ताँमैंइ म्हिए सैं मत्‍त्रे न्होंवाम्। छाबै ताँमैंइ तोइ फायदा आत।

२ तिमोथी 2:22

छतसि क्हि फ्रेंसि तमा ज्युइँले खबै आछ्याँबै केउँइँले स्यो तद्, धै छ्याँबै सैंउँइँले प्रभुए मिं किंब्मैंने बा-बालु छ्याँबै केमैं लदै, बिश्‍वासर भोंब् तसि म्हाँयार क्ह्रिसि प्रद्।

२ तिमोथी 2:23

दिलेया केर आफेबै तामैं आपोंन्, तलेबिस्याँ छाबै ताँमैंउँइँले प्होंगि तम् बिसि क्हिइ सेइमुँ।

२ तिमोथी 4:4

छले चमैं क्‍ह्रोंसेंन्‍बै ताँमैंउँइँले स्योयासि स्योलिबै ताँमैंए लिलि प्रयाब्मुँ।

तीतस 1:1

परमेश्‍वरए के लबै म्हि, येशू ख्रीष्‍टजी कुल्मिंबै चेला चिब ङ पावलउँइँले तीतसलाइ जय मसीह मुँ। परमेश्‍वरजी त्‍हाँबै म्‍हिमैंए बिश्‍वास भोंब् लमिंबर नेरो खीए उँइँर खैले छ्याँबै छ्ह थोल् त्‍हुम् बिबै क्ह्रोंसेंन्बै ताँ लोमिंबर खीजी ङ कुलब् ग।

तीतस 1:14

झाइले परमेश्‍वरजी बिब् आङिंब्मैंइ बिबै ताँ नेरो यहूदीमैंए स्योंम्बै स्‍योलिबै कथामैंर चमैंए सैं आह्‍यारिगे।

तीतस 3:9

दिलेया केर आफेबै ताँ लब्‍मैं, खेमैंए बारेर्बै ताँ लब, प्होंगि लब्मैं, झाइले मोशाइ प्ह्रिबै ठिमए (नियमए) बारेर प्होंगि लब्मैंने स्‍यो तद्। तलेबिस्याँ चु ताँन् ताँमैं फाकर्बै केर आफेब् मुँ।

हिब्रू 13:9

क्‍हेमैं तब आतबै ताँमैं लोमिंबै म्हिमैंए लिलि आप्रद्। चु चल् तमु, चु चल् आत िबबै ताँ म्हिमैंइ बिबै ताँ मत्‍त्रे ग, बरु परमेश्‍वरए दयाम्हाँयाउँइँले ङ्योइ सैं भोंब् लबै ताँ छ्याँबै मुँ। चु चल् तमु, चु चल् आत िबबै ताँ ङिंब्मैंइ मुक्‍ति आयों, चमैंला बिब् धोंइ तोइ आतइमुँ।

२ पत्रुस 1:16

ङ्योए प्रभु येशू ख्रीष्‍टए शक्‍तिए बारेर नेरो खी धबै युब्मुँ बिबै ताँ ङिइ क्‍हेमैंने बिल। चु ताँ म्हिमैंइ पार्दिबै स्योलिबै ताँमैं आङिं। खीए थेबै शक्‍तिए औदिबै केमैं ङिए मिइन म्रोंल।