१ तिमोथी 1:14 - परमेश्‍वरए ताँ तमु क्युइर

¹⁴ ङ्योए प्रभुजी खीए बेल्‍ले थेबै दयाम्हाँया ङलाइ उँइँमिंइ। धै ङलाइ खीने घ्रिन् लमिंसि बिश्‍वास नेरो म्हाँया लबै शक्‍ति ङलाइ पिंइ।

१ तिमोथी 1:14 Iomraidhean Croise

प्रस्थान 34:6

च लिउँइँ याहवेह चए ओंसोंउँइँले ह्‍यासि छ बिसि ओरइ, “याहवेह, याहवेह! ङ म्हिमैंए फिर बेल्‍ले म्हाँया नेरो ल्हयो खबै पइरमेश्‍वर ग! ङ युनन् ह्रिस आख, थेबै म्हाँया लमुँ, भर पर्दिल् खाँब् मुँ।

मत्ती 20:9

छबिमा ङेसर्बै ङ्‍ह ह्राबै त्हेर खसि के लब्मैं खइ। चमैं ताँनइ तिंगेंर्बै नों सै योंइ।

चेला चिब्मैंए केमैं 15:11

दिलेया प्रभु येशूए फिर बिश्‍वास लबइले खीए दयाम्हाँयाउँइँले ङ्योइ खैले मुक्‍ति योंइमुँ, छलेन चमैंज्यै या मुक्‍ति योंइमुँ।”

रोमी 16:20

ङ्योलाइ शान्‍ति पिंबै परमेश्‍वरजी युनन् दुष्‍टलाइ क्‍हेमैंए प्‍हलेइ प्‍लेल् पिंब्‍मुँ। ङ्योए प्रभु येशूए थेबै दयाम्हाँया क्‍हेमैंने बालु तरिगे।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

१ कोरिन्थी 3:10

परमेश्‍वरउँइँले योंबै ज्ञान बुद्धिउँइँले ङइ धिं बनेबै सिपालु कर्मिइ धोंले छेनाले तें (जग) झोंइमुँ। च तेंए फिर गारा झोंब्मैं ताँनइ छेनाले च्हैंसि मैंसि परमेश्‍वरउँइँले योंबै भों मुँबै बरदान अनुसार के लसि छेनाले गारा झोंल् त्हुम्।

२ कोरिन्थी 13:14

प्रभु येशू ख्रीष्‍टजी पिंबै दयाम्हाँया, परमेश्‍वर आबाजी लबै म्हाँया नेरो पबित्र प्ल्हउँइँले तबै संगति क्‍हेमैं ताँनने तरिगे।

२ कोरिन्थी 4:15

तलेबिस्याँ ङिइ दुःख नोदै के लब क्‍हेमैंए ल्हागिर्न ग। खैले परमेश्‍वरए दयाम्हाँया ल्हें म्‍हिमैंइ योंइमुँ, छलेन परमेश्‍वरए मान कति थेब मुँ बिसि धन्‍यबाद पिंब्‍मैं या ल्हेंन् तब्मुँ।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

गलाती 1:13

ङइ ओंसों खैले छ्ह थोल बिबै ताँ क्‍हेमैंइ थेल् खाँइमुँ: ङइ यहूदी धर्म म्हाँदिबै त्हेर परमेश्‍वरए म्हिमैंलाइ बेल्‍ले ह्रुगुदिसि नास लल् म्हैल।

१ थेसलोनिकी 1:3

छले प्राथना लमा चु ताँमैं सों ङिए सैंर मैंम्: क्‍हेमैंइ प्रभु येशूए फिर बिश्‍वास लसि छ्याँबै के लइमुँ। झाइले ताँनने म्हाँया लसि क्‍हेमैंइ थेबै के लइमुँ। प्रभु येशू ख्रीष्‍ट क्ह्रोंसेंन धबै युब्‍मुँ बिसि क्‍हेमैंइ थेबै बिश्‍वास लइमुँ।

१ थेसलोनिकी 5:8

दिलेया ङ्योम् त्हिंर्बै म्‍हिमैं तबइले ङ्यो न्ह क्रों मि क्रोंले टिल् त्‍हुम्। सिपाइमैंइ तिं थोबए ल्हागिर खिबै ढाल धोंले ङ्योए सैं जोगेमिंबै ल्हागिर ङ्योइ बिश्‍वास नेरो सब् लमिंबै म्हाँया लल् त्‍हुम्, झाइले क्र जोगेबै ल्हागिर कुबै कुले धोंले ङ्योइ स्‍वर्गर ह्‍याबै क्ह्रोंसेंन्बै आशा लल् त्‍हुम्।

१ तिमोथी 2:15

दिलेया च्हमिरिमैं थेब आप्हैंल्‍ले, बिश्‍वासर, म्हाँया नेरो पबित्र तइ टिइ बिस्याँ प्‍हसे फिमा परमेश्‍वरजी चमैं जोगेमिंब्मुँ।

१ तिमोथी 4:12

ताँनए फिर म्हाँया लइरि बिश्‍वासर भोंब् तसि, छ्याँबै ताँमैं पोंसि, छ्याँबै बानि ब्योर उँइँसि, छेनाले छ्ह थोसि बिश्‍वासीमैंए उँइँर छ्याँबै नमुना तद्। तलेबिस्याँ फ्रेंसि छजोरे बिसि खाबज्यै या क्हिलाइ आक्वेंब आतरिगे।

१ तिमोथी 6:11

छतसि बाबु, क्‍हि परमेश्‍वरए म्‍हि ग। क्‍हिइ चु छाबै लोबए केमैं आलद्। बरु परमेश्‍वरए उँइँर छेनाले सेवा लबर, बिश्‍वासर, म्हाँयार, खैतबै दुःखन् तलेया भोंब् तसि सैदिसि थेब् आप्हैंनले ढुक्‍कले टिद्।

२ तिमोथी 1:13

छतसि ङइ लोमिंबै ताँमैं छेनाले सैंर थेंसि च धोंले छ्ह थोद्। धै येशू ख्रीष्‍टउँइँले खबै बिश्‍वास नेरो म्हाँया खोंयोंन् बिलै लरिद्।

२ तिमोथी 2:22

छतसि क्हि फ्रेंसि तमा ज्युइँले खबै आछ्याँबै केउँइँले स्यो तद्, धै छ्याँबै सैंउँइँले प्रभुए मिं किंब्मैंने बा-बालु छ्याँबै केमैं लदै, बिश्‍वासर भोंब् तसि म्हाँयार क्ह्रिसि प्रद्।

तीतस 2:2

खेब्‍मैंलाइ “सैं फैल् खाँब, छ्याँबै बानि प्‍ह्‍याब, ताँ क्होब, बिश्‍वासर भोंब, ताँनलाइ म्हाँया लब, धै दुःखन् तलेया सैदिल् खाँब तल् त्हुम्,” बिसि लोमिंन्।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

१ यूहन्‍ना 4:10

ङ्योइ परमेश्‍वरलाइ म्हाँया लबइले आङिं, दिलेया खीजीन् ङ्योए फिर म्हाँया लसि ङ्योए पाप क्षमा लमिंबर खीजी ह्रोंसए च्‍ह ख्रो तबै ल्हागिर कुल्‍मिंइ।

दर्शन 22:21

प्रभु येशूए दयाम्हाँया परमेश्‍वरए ताँन् म्‍हिमैंने तरिगे। छान् तरिगे!