१ तिमोथी 1:13 - परमेश्‍वरए ताँ तमु क्युइर

¹³ ओंसों ङइ खीए बिरोधर आछ्याँबै केमैं लसि खीलाइ बेल्‍ले ह्रुगुदिइ। तलेबिस्याँ च त्हेर ङइ खीए फिर बिश्‍वास आलल छतसि ङइ तो लरिइमुँ बिसि ङइ था आसेल, दिलेया परमेश्‍वरए ल्हयो ङइ योंइ।

१ तिमोथी 1:13 Iomraidhean Croise

लूका 12:47

“ह्रोंसए क्ल्हेए सैंर्बै ताँ क्होसेया खीए सैंर मैंब् धों आलब्मैंइ बेल्‍ले दुःख योंब्मुँ।

लूका 23:34

च्हमा येशूजी बिइ, “ओ आबा, चुमैं क्षमा लमिंन्, तलेबिस्याँ चुमैंइ तो लरिइमुँ बिब था आसे।” दिलेया सिपाइमैंइ येशूए क्वें चिट्ठा झोंसि खेंमैंए न्‍होंरि चुइ।

चेला चिब्मैंए केमैं 22:4

येशूए घ्याँर प्रबै म्हिमैंलाइ ङइ ह्रुगुदिसि सैल् म्हैमल, मुँयुँमैं नेरो च्हमिरिमैं ङ्हिंना-ङ्हिंन् फैसि झेलर च्युवामल।

चेला चिब्मैंए केमैं 3:17

“ओ आघें अलिमैं, क्‍हेमैं नेरो क्‍हेमैंए चिबनाँब्मैंइ येशू खाब् जा बिब् आसेसि खीलाइ सैइ बिब ङइ सेइमुँ।

चेला चिब्मैंए केमैं 8:3

शाऊल बिस्याँ धिं-धिंर होंसि चर्च नास लरिल। चइ मुँयुँमैं नेरो च्हमिरिमैं स्याला म्हालाले चैंबोसि झेलर च्युवामाल।

चेला चिब्मैंए केमैं 9:1

शाऊल अझै समा प्रभुए चेलामैंए बिरोध लसि सैबै धम्कि लदै यरूशलेमर्बै ख्रो पिंबै खेगि क्रथे ङाँर ह्‍याइ।

चेला चिब्मैंए केमैं 9:13

दिलेया हननियाइ बिइ, “प्रभु, चु म्हिइ यरूशलेमर क्‍हिए म्हिमैं फिर बेल्‍ले दुःख पिंइँमुँ बिबै ताँ ङइ ल्हें म्हिउँइँले थेइमुँ।

चेला चिब्मैंए केमैं 9:5

चइ बिइ, “प्रभु, क्‍हि खाब् जा?” छबिमा खीजी बिइ, “ङ क्हिइ ह्रुगुदिरिबै येशू ग।

१ कोरिन्थी 15:9

तलेबिस्याँ कुल्मिंबै चेला चिब्मैं न्‍होंरि ङ धाँसे केर आफेब् ग। ङ कुल्मिंबै चेला चिब बिबै लायकर्बै आरे, तलेबिस्याँ ङइ ओंसों परमेश्‍वरए म्‍हिमैंलाइ बेल्‍ले दुःख पिंल।

१ कोरिन्थी 7:25

तारे कन्‍येमैंए बारेर प्रभु येशूउँइँले बिल् त्‍हुबै ताँ ङने तोइ आरे। दिलेया प्रभु येशूउँइँले दयाम्हाँया योंसि ङ म्हिमैंइ क्वेंल् खाँबै म्हि तबइले ङइ क्‍हेमैंलाइ सल्‍ला पिंम्।

गलाती 1:13

ङइ ओंसों खैले छ्ह थोल बिबै ताँ क्‍हेमैंइ थेल् खाँइमुँ: ङइ यहूदी धर्म म्हाँदिबै त्हेर परमेश्‍वरए म्हिमैंलाइ बेल्‍ले ह्रुगुदिसि नास लल् म्हैल।

फिलिप्पी 3:6

जोसए बारेर बिले बिस्याँ, ङइ येशू ख्रीष्‍टए फिर बिश्‍वास लब्मैं ह्रुगुदिइ! धै ठिक केमैंए बारेर बिले बिस्याँ मोशाइ प्ह्रिबै ठिममैंइ बिब् धोंबै केमैं लसि छ्याब् आरेबै म्हि मुँल।

१ तिमोथी 1:16

धै पापिमैं न्होंरि ताँन् भन्दा ल्हें पाप लबै म्‍हि ङ मुँनबिलेया खीए फिर बिश्‍वास लसि खोंयोंइ आखाँबै छ्ह योंब्‍मैं ताँनए ल्हागिर ङ नमुना तरिगे बिसि येशू ख्रीष्‍टए सैदिबै शक्‍ति ङउँइँले म्हिमैंइ म्रोंरिगे बिसि परमेश्‍वरजी ङए फिर ल्हयो लइ।

हिब्रू 4:16

छतसि ङ्योलाइ खाँचो तबै त्हेर खीए साहयता नेरो परमेश्‍वरए दयाम्हाँया योंल् खाँरिगे बिसि सैं भोंब् लसि दयाम्हाँया मुँबै परमेश्‍वरए ङाँर ङ्यो ह्‍याले।

१ पत्रुस 2:10

ओंसों क्‍हेमैं परमेश्‍वरए म्हिमैं आतल, दिलेया तिंजोरो क्हेमैं खीए म्हिमैं तइमुँ। ओंसों क्हेमैंइ परमेश्‍वरए म्हाँया आयोंल, दिलेया तिंजोरो क्‍हेमैंइ परमेश्‍वरए म्हाँया योंइमुँ।