१ थेसलोनिकी 5:9 - परमेश्‍वरए ताँ तमु क्युइर

⁹ तलेबिस्याँ परमेश्‍वरजी ङ्योलाइ दण्ड पिंबै ल्हागिर त्‍हाँब आङिं, दिलेया ङ्योए प्रभु येशू ख्रीष्‍टउँइँले जोगेबर ओंसों ओंनोंन् खीजी ङ्योलाइ त्‍हाँब् ग।

१ थेसलोनिकी 5:9 Iomraidhean Croise

प्रस्थान 9:16

दिलेया ह्‍युल तिगोंन् ङए मिं बिप्ररिगे धै ङए शक्‍ति क्हिइ म्रोंल् खाँरिगे बिसि ङइ क्हिलाइ सोगों थेंइमुँ।

हितोपदेश 16:4

याहवेहजी तोन्दोंरि सैमैं खीए सैंर मैंब् धोंले बनेइमुँ, खीजी दुष्‍ट म्हिमैं या नास तबै त्हिंइए ल्हागिर साँथेंइमुँ।

मत्ती 26:24

परमेश्‍वरए छ्वेर प्‍ह्रिब् धोंले म्हिए च्ह सिलन् त्‍हुम्, दिलेया म्हिए च्ह क्हाल् पिंबै म्हिलाइ धिक्‍कार मुँ। च म्हि आफिस्याँ चए ल्हागिरि छ्याँब तमल।”

चेला चिब्मैंए केमैं 1:20

धबै पत्रुसइ बिइ, “भजनसंग्रह बिबै कितबर छले प्‍ह्रिइमुँ, ‘चए धिं क्होत्‍तेन् तरिगे, धै चर टिब्मैं खाबइ आयोंरिगे।’ छलेन ‘चइ लबै केए जिम्मा आगुइ योंरिगे।’

चेला चिब्मैंए केमैं 1:25

तलेबिस्याँ च यहूदा क्हिए के लबै ल्हागिर कुल्मिंबै चेला चिब तबर क्हिजी त्हाँलेया चइ च के पिसि सजैं योंबै क्ल्ह्‍योर ह्‍याइ।”

चेला चिब्मैंए केमैं 13:48

पावलइ बिबै ताँ थेसि अरू ह्रेंमैं सैं तोंइ, धै परमेश्‍वरए ताँ बेल्‍ले छ्याँब मुँ बिसि थेब् लइ, धै खोंयोंन् बिलै आखाँबै छ्ह योंबर परमेश्‍वरजी ओंसों ओंनोंन् त्हाँब्मैंइ येशूए फिर बिश्‍वास लइ।

रोमी 11:30

स्‍योंम क्‍हेमैं अरू ह्रेंर्बै म्‍हिमैंइ परमेश्‍वरए ताँ आक्वेंमल, दिलेया यहूदीमैंइ परमेश्‍वरजी बिब् आङिंबइले क्‍हेमैंइ परमेश्‍वरए ल्हयो योंबै मौका योंइमुँ।

रोमी 11:7

छ बिस्‍याँ चु ताँए अर्थ तो तइ दि? खेंमैंइ म्‍हैबै मुक्‍ति ताँन् यहूदीमैंइ आयों। दिलेया परमेश्‍वरजी त्‍हाँबै यहूदीमैंइ मत्‍त्रे मुक्‍ति योंइ। अरू चैबै यहूदीमैंए सैं सारो तइ।

१ थेसलोनिकी 1:10

झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

१ थेसलोनिकी 3:3

नाँसथेंमैंइ क्हेमैंलाइ दुःख पिंमा क्हेमैं खाबज्यै बिश्‍वास लब आपिरिगे बिसि तिमोथीइ क्हेमैंए बिश्‍वास भोंसि लबर लोदा सैंदा लरिगे बिसि ङिइ चलाइ क्‍हेमैं ङाँर कुल्‍मिंइमुँ। ङ्योइ चु दुःख सैदिल् त्‍हुम् बिसि क्हेमैंज्यै या सेइमुँ।

१ तिमोथी 1:13

ओंसों ङइ खीए बिरोधर आछ्याँबै केमैं लसि खीलाइ बेल्‍ले ह्रुगुदिइ। तलेबिस्याँ च त्हेर ङइ खीए फिर बिश्‍वास आलल छतसि ङइ तो लरिइमुँ बिसि ङइ था आसेल, दिलेया परमेश्‍वरए ल्हयो ङइ योंइ।

१ तिमोथी 1:16

धै पापिमैं न्होंरि ताँन् भन्दा ल्हें पाप लबै म्‍हि ङ मुँनबिलेया खीए फिर बिश्‍वास लसि खोंयोंइ आखाँबै छ्ह योंब्‍मैं ताँनए ल्हागिर ङ नमुना तरिगे बिसि येशू ख्रीष्‍टए सैदिबै शक्‍ति ङउँइँले म्हिमैंइ म्रोंरिगे बिसि परमेश्‍वरजी ङए फिर ल्हयो लइ।

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

१ पत्रुस 2:10

ओंसों क्‍हेमैं परमेश्‍वरए म्हिमैं आतल, दिलेया तिंजोरो क्हेमैं खीए म्हिमैं तइमुँ। ओंसों क्हेमैंइ परमेश्‍वरए म्हाँया आयोंल, दिलेया तिंजोरो क्‍हेमैंइ परमेश्‍वरए म्हाँया योंइमुँ।

१ पत्रुस 2:8

अर्को क्ल्ह्‍योरै या छ बिइमुँ, “च युमाँ खीए फिर बिश्‍वास आलब्मैंलाइ थुरल् लबै युँमा धै प्हलेर्न कुरल् लबै युँमा ग।” तलेबिस्याँ चमैंइ परमेश्‍वरए छ्वेर्बै ताँमैं आक्वें। छतसि चमैं थुरम् धै नास तयाम्। चमैंए ल्हागिरि छान् तबर तोक्दिल।

२ पत्रुस 1:1

येशू ख्रीष्‍टए के लबै कुल्मिंबै चेला चिब ङ सिमोन पत्रुसउँइँले क्हेमैंलाइ जय मसीह मुँ। ङ्योए परमेश्‍वर नेरो ङ्योलाइ जोगेमिंबै येशू ख्रीष्‍टजी खाबलाज्यै या आफेलल्‍ले ठिक के लइमुँ। खीजी ङिलाइ पिंब् धोंले क्हेमैंलाज्यै या ठिक बिश्‍वास लल् पिंइमुँ।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।

यहूदाइ प्‍ह्रिबै प्ह्रिछ्या 1:4

तलेबिस्याँ को-कोइ म्‍हिमैं स्योलिबै ताँ बिबर क्हेमैंए म्हाँजोर था आसेल्‍ले होंयाल् खाँइमुँ। चुमैंइ परमेश्‍वरलाइ आम्हाँदि, धै चुमैंए आछ्याँबै केमैं लबै ल्हागिर ङ्योए परमेश्‍वरए दयाम्हाँयालाइ तो धोंइ आङ्हाँन्ल्‍ले छाइ खैने माइ खै लवाम्। धै ङ्योए घ्रि मत्‍त्रे क्ल्हे प्रभु येशू ख्रीष्‍टए फिर चमैंइ बिश्‍वास आल। छतसि ओंसों ओंनोंन् चमैं दण्ड योंबर ठर्दिल् खाँइमुँ।