१ थेसलोनिकी 5:6 - परमेश्‍वरए ताँ तमु क्युइर

⁶ छतसि अरूमैं धोंले ङ्यो न्‍हरु आच्‍हुइल्‍ले बरु न्ह क्रों मि क्रोंले टिले।

१ थेसलोनिकी 5:6 Iomraidhean Croise

हितोपदेश 19:15

प्ल्हेगु तसेरो न्हरु ल्हें खम्, धै प्ल्हेगु म्हि फतेन् तब्मुँ।

योना 1:6

छाब् म्रोंमा झाजर्बै कप्‍तान खसि योनाने बिइ, “कति रोल् खाँल? रेसि ह्रोंसए परमेश्‍वरने ग्वार ह्रिद्! ङ्यो खाबै नास आतरिगे बिसि खीजी जोगेमिंम् उ?”

मत्ती 13:25

दिलेया म्‍हुँइँसर म्‍हिमैं रोबै त्हेर चए शत्तुर खसि गहुँए न्होंरि सम्रिं रुँइँथेंसि ह्‍याइ।

मत्ती 24:42

“छतसि न्हक्रों-मिक्रोंले टिद्, तलेबिस्याँ क्‍हेमैंए प्रभु खोंयों युब्‍मुँ बिसि क्‍हेमैंइ आसे।

मत्ती 25:13

“छतसि न्हक्रो मिक्रोले टिद्, तलेबिस्याँ ङ एयुबै त्हिंइ नेरो त्हे खोंयों तमुँ बिसि क्‍हेमैंइ आसे।

मत्ती 25:5

प्ह्रेंरो खब क्‍हैल् लबइले च कन्येमैं ताँन् न्‍हरु च्‍हुइयाइ।

मत्ती 26:38

छतमा खीजी चमैंने बिइ, “ङए सैंर थेबै शोक तसि सिब् धोंन् तइमुँ। क्‍हेमैं न्हरु आच्हुल्‍ले ङने बालुन् चुर्न टिद्।”

मर्कूस 13:37

छतसि ङइ क्‍हेमैंने बिब् धोंलेन्, ताँन् म्हिमैंने ‘न्हक्रों मिक्रोंले टिद्!’ बिमुँ।”

लूका 12:37

धिं क्‍ल्‍हे एखमा केब्छैंमैं तयार तसि न्ह क्रों मि क्रोंले टिरिब स्यास्‍याँ क्ल्हे सैं तोंसि केब्छैंमैंइ स्‍याबासि योंब्‍मुँ। क्ह्रोंसेंन ङ क्‍हेमैंने बिमुँ, धिं क्‍ल्‍हेइ ह्रोंसए केब्छैंमैं प्‍ह्रेंमैं धोंले टिबै सै तिमिंसि चबै सैं चल् पिंम्।

लूका 12:39

“अझै चु ताँ सैंर मैंथेंन्, ह्‍यो कति त्‍हेर खमुँ बिसि सेस्‍याँ धिं क्‍ल्‍हे न्हरु आच्हुइल्‍ले टिरिमल, धै ह्‍यो धिं न्होंर होंल् आपिंमल।

लूका 21:36

छतसि च ङ्हिंन् तबै ताँमैंउँइँले जोगेसि म्हिए च्हए उँइँर राल् योंबै ल्हागिर परमेश्‍वरने प्राथना लब्रें लसि न्ह क्रोंले टिद्।”

लूका 22:46

येशूजी चमैंने बिइ, “क्‍हेमैं तले रोरिल? रेद्, पापर आच्होरिगे बिसि प्राथना लद्।”

चेला चिब्मैंए केमैं 20:31

छतसि चु ताँ मैंसि छेनाले टिद्! सोंदिं समन् त्हिंयाँ म्‍हुँइँसा मिक्लि पिंदै ताँन् म्हिमैंने ङइ लोमिंबै ताँ आम्‍लेद्।

१ कोरिन्थी 15:34

सैं चित्, तारे पिरु पाप के आलद्। छाबै आछ्याँबै केमैं क्‍हेमैंए ल्हागिर फापिन् तबै ताँ ग। छतसि चु ताँ ङइ क्हेमैंने बिल् त्हुम्, तलेबिस्याँ क्‍हेमैंए न्‍होंरि को-कोइ म्हिमैंइ परमेश्‍वरलाइ छेनाले ङो आसेइमुँ।

१ कोरिन्थी 16:13

न्ह क्रों मि क्रोंले टिद्, बिश्‍वासर भों तद्, सैं भोंब् लद्, आङ्हिंन्ले टिद्।

एफिसी 2:3

च म्हिमैं धोंलेन् ङ्यो ताँनइ ओंसों ङ्योए सैंउँइँले खबै आछ्याँबै इच्‍छा पूरा लबै ल्हागिर लोब लमल। छतसि अरूमैंने धोंले ङ्योने या परमेश्‍वर ह्रिस खल।

एफिसी 5:14

छतसि “ओ न्‍हरु च्हुइरिब्‍मैं रेद्, सियाब्मैंए म्हाँजोउँइँले रेखो! झाइले ख्रीष्‍ट क्‍हिए फिर चारब्‍मुँ,” बिसि म्हिमैंइ बिम्।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

फिलिप्पी 4:5

क्हेमैं सैदिल् खाँब्मैं ग बिब ताँन् म्हिमैंइ सेरिगे। प्रभु युनन् युमुँ,

कलस्सी 4:2

परमेश्‍वरलाइ धन्‍यवाद पिंसि आनारल्‍ले न्ह क्रो मि क्रोंले खोंयोंइ या प्राथना लरिद्।

१ थेसलोनिकी 4:13

ओ अलि-अङाँमैं, न्‍हरु च्‍हुइरिब्‍मैंए बारेर क्‍हेमैंइ था सेरिगे झाइले प्रभु येशूए फिर आशा आलब्‍मैंइ धोंले न्हुँ आलरिगे बिब ङिए सैं मुँ।

१ थेसलोनिकी 5:10

खी युबै त्हेर ङ्यो सिलेन् सोलेन् तोइ फरक आत, ङ्यो येशूने खोंयोंन् बिलै टिल् योंरिगे बिसि ङ्योए ल्हागिर ख्रीष्‍ट सिमिंइ।

१ थेसलोनिकी 5:8

दिलेया ङ्योम् त्हिंर्बै म्‍हिमैं तबइले ङ्यो न्ह क्रों मि क्रोंले टिल् त्‍हुम्। सिपाइमैंइ तिं थोबए ल्हागिर खिबै ढाल धोंले ङ्योए सैं जोगेमिंबै ल्हागिर ङ्योइ बिश्‍वास नेरो सब् लमिंबै म्हाँया लल् त्‍हुम्, झाइले क्र जोगेबै ल्हागिर कुबै कुले धोंले ङ्योइ स्‍वर्गर ह्‍याबै क्ह्रोंसेंन्बै आशा लल् त्‍हुम्।

१ तिमोथी 2:15

दिलेया च्हमिरिमैं थेब आप्हैंल्‍ले, बिश्‍वासर, म्हाँया नेरो पबित्र तइ टिइ बिस्याँ प्‍हसे फिमा परमेश्‍वरजी चमैं जोगेमिंब्मुँ।

१ तिमोथी 2:9

छलेन च्हमिरिमैंज्यै या ङ्‍हेंबै पैरन लसि, छ्याँबै बानि ब्योरमैं उँइँसि प्राथना लरिगे। धै छ्याँरिगे बिसि सै ल्हें फेबै क्वेंमैं नेरो घाँनामैं खिसि ठाँन् आतेरिगे।

१ तिमोथी 3:11

छलेन च्हमि-रिमैं या छ्याँबै बानि ब्योर मुँब, फ्रम् ताँ क्योंम् ताँ आलब, आछ्याँबै केमैं आलब, ताँनइ क्वेंब तल् त्‍हुम्।

१ तिमोथी 3:2

छतसि बिश्‍वासीमैं न्होंर्बै चिब तोइ छ्याब् आरेब, प्ह्रेंस्यो घ्रि मत्‍त्रे मुँब, आछ्याँबै सैमैंउँइँले जोगेल् खाँब, ताँनने क्ह्रिल् खाँब, ताँनइ क्वेंब, प्ह्रेंमैं मान लल् ह्रब, झाइले म्हिमैं छेनाले लोमिंल् खाँब,

२ तिमोथी 4:5

क्‍हि बिस्याँ दुःख तलेया सैं तोंबै ताँमैं बिप्रबै के लब आपिद्। धै खैतबै दुःख तलेया सैदिद्, छले परमेश्‍वरउँइँले खबै सैं तोंबै ताँ बिप्रदै खीए के छेनाले लद्।

तीतस 2:12

खीए दयाम्हाँयाउँइँले खीजी ङ्योलाइ पाप केमैं नेरो चु ह्‍युलर्बै सैमैं पिवासि, आछ्याँबै केमैंउँइँले सैं फैसि, भक्‍ति लसि छ्याँबै छ्ह थोब लोमिंम्।

तीतस 2:6

छलेन फ्रेंसिमैंने या आछ्याँबै केमैंउँइँले ह्रोंसए सैं फैल् खाँल् त्हुम् बिसि छेनाले लोमिंन्।

१ पत्रुस 1:13

छतसि च्हैंब् मैंब् लद्, न्ह क्रों मि क्रों तद्। येशू ख्रीष्‍ट धबै स्‍वर्गउँइँले युमा क्हेमैंइ योंबै दयाम्हाँयार क्ह्रोंसेंन्बै आशा थेंन्।

१ पत्रुस 4:7

ताँन् सै नुयाबै त्हे तखइमुँ। छतसि प्राथना लल् खाँरिगे बिसि छ्याँबै सैं प्ह्‍यासि न्ह क्रों मि क्रों तरिद्।

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।

दर्शन 16:15

प्रभु येशूजी बिइ, “थेद्, क्‍हेमैंइ था आसेल्‍ले ङ ह्‍यो धोंले युब्मुँ। छतसि न्ह क्रों मि क्रोंले टिबै म्हि ङ्‍हो सब् ग। ह्रोंस क्‍लुना तसि म्‍हिमैंए उँइँर फा पिन् आतरिगे बिसि ह्रोंसए क्‍वें ह्रोंसनेन् साँथेंम्।”

दर्शन 3:2

छतसि रेसि न्ह क्रों मि क्रों तद्, झाइले न्होंयाबै केमैं क्योंएँन्। तलेबिस्याँ क्‍हेमैंइ लबै केमैं ङए परमेश्‍वरए उँइँर ठिक आतब ङइ म्रोंइमुँ।