१ थेसलोनिकी 5:5 - परमेश्‍वरए ताँ तमु क्युइर

⁵ तलेबिस्याँ क्‍हेमैं ताँन् चारबै ह्‍वेए सन्तान नेरो त्हिंर्बै सन्तान ग। ङ्यो म्‍हुँइँसर्बै नेरो मिछु खैबर्बै म्‍हिमैं आङिं।

१ थेसलोनिकी 5:5 Iomraidhean Croise

लूका 16:8

“च बेमान लबै नाइकेइ छले असामिमैंए छे च्युगुदे लमिंइ बिब् सेसि च क्‍ल्‍हेइ नाइके बाठो मुँन बिसि सेइ। तलेबिस्याँ चु ह्‍युलर्बै म्‍हिमैंइ ह्रोंसए थुमैंने के लमा चारबै ह्‍वे योंबै परमेश्‍वरए सन्तानमैं भन्दा बेल्‍ले बाठो तम्।

यूहन्‍ना 12:36

क्हेमैं चारबै ह्‍वे योंब्मैं तरिगे बिसि ह्‍वे क्हेमैंने मुँरिबर्न चारबै ह्‍वेर बिश्‍वास लद्।” चु ताँ बिबै लिउँइँ येशू च क्ल्ह्‍योउँइँले ह्‍याइ, धै चमैंउँइँले लोसि टिइ।

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’

एफिसी 5:8

ओंसों क्हेमैं मिछु खैबर मुँल, दिलेया तिंजोरो प्रभुए म्‍हिमैं तबइले क्‍हेमैं या खीए ह्‍वेर टिइमुँ। खीए ह्‍वेर टिसि छ्याँबै छ्ह थोद्।

१ थेसलोनिकी 5:8

दिलेया ङ्योम् त्हिंर्बै म्‍हिमैं तबइले ङ्यो न्ह क्रों मि क्रोंले टिल् त्‍हुम्। सिपाइमैंइ तिं थोबए ल्हागिर खिबै ढाल धोंले ङ्योए सैं जोगेमिंबै ल्हागिर ङ्योइ बिश्‍वास नेरो सब् लमिंबै म्हाँया लल् त्‍हुम्, झाइले क्र जोगेबै ल्हागिर कुबै कुले धोंले ङ्योइ स्‍वर्गर ह्‍याबै क्ह्रोंसेंन्बै आशा लल् त्‍हुम्।

१ यूहन्‍ना 2:8

दिलेया चु घ्रिइ घ्रिने सैं न्होंउँइँलेन् म्हाँया लल् त्हुम् बिबै ताँ ख्रीष्‍टए छ्हर नेरो क्‍हेमैंए छ्हरै या म्‍हिमैंइ म्रोंल् खाँम्। छतसि क्हेमैंए ल्हागिर ङइ प्ह्रिबै ताँ छारा मुँ। तलेबिस्याँ तोगो मिछु खैब ह्‍याल् खाँइमुँ, क्ह्रोंसेंन्‍बै ह्‍वे ओंसों ओंनोंन् चारइमुँ।