१ थेसलोनिकी 5:18 - परमेश्‍वरए ताँ तमु क्युइर

¹⁸ तो तलेया परमेश्‍वरलाइ धन्‍यबाद पिंरिद्, तलेबिस्याँ क्‍हेमैं ख्रीष्‍ट येशूने बालु छ्ह थोमा परमेश्‍वरजी छान् तरिगे ङ्हाँइमुँ।

१ थेसलोनिकी 5:18 Iomraidhean Croise

भजनमैं 34:1

खोंयोंन् बिलेया ङ याहवेहए मिं क्वेरिब्मुँ; ङए सुँर खोंयोंन् बिलै खीलाइन थेब् लबै ताँमैं तरिब्मुँ।

एफिसी 5:20

झाइले खोंयोंन् बिलै तोन्दोंरि सैए ल्हागिर प्रभु येशू ख्रीष्‍टए मिंर परमेश्‍वर आबालाइ धन्‍यबाद पिंन्।

फिलिप्पी 4:6

छतसि तोइ ताँरै या न्हुँ आलद्, बरु तो चैदिले या ताँन् सैए ल्हागिर परमेश्‍वरलाइ धन्यबाद पिंसि प्राथनार ह्रोंस चैदिबै सैमैं ह्रिद्।

कलस्सी 3:17

क्हेमैंइ तो ताँ पोंलेया, तो के ललेया, येशूउँइँलेन् परमेश्‍वर आबालाइ धन्यबाद पिंदै प्रभु येशूए मिंर लद्।

१ थेसलोनिकी 4:3

छलेन क्‍हेमैं परमेश्‍वरए सैंर मैंब् धोंले पबित्र छ्ह थोद्, धै क्हेमैं फ्रें क्ल्योंब ने रण्डि-बाजी लबउँइँले स्यो तद्।

हिब्रू 13:15

छतसि येशूए मिंउँइँले परमेश्‍वरए सैं तोंबै ख्रो खोंयोंन् बिलै ङ्योइ पिंरिले। “येशू ङए प्रभु ग,” बिब्मैंइ परमेश्‍वरए छ्याँबै बयन लदै पोंस्याँ, चुन् ङ्योइ परमेश्‍वरए मिंर पिंबै ख्रो धों तब् ग। छले ङ्योइ येशू ख्रीष्‍टन् प्रभु ग बिबन् परमेश्‍वरए सैं तोंन् लबै ख्रो ग।

१ पत्रुस 2:15

तलेबिस्याँ क्हेमैंइ दुष्‍ट म्हिमैंए उँइँर छ्याँबे के लसि आमादुमैंए सुँ म्रुल् त्हुम् बिब परमेश्‍वरए सैं मुँ।

१ पत्रुस 4:2

धै चइ ह्रोंसए चैबै छ्ह म्हिमैंए सैंर मैंब् धोंले आङिं, परमेश्‍वरए सैंर मैंब् धोंले थोल् त्हुम्।

१ यूहन्‍ना 2:17

चु ह्‍युल नेरो म्‍हिमैंइ म्हाँया लबै सैमैं ताँन् नास तयाम्, दिलेया परमेश्‍वरए सैंर मैंब् धों तबै के लब्मैं खोंयोंन् बिलै तरिम्।