१ थेसलोनिकी 5:1 - परमेश्‍वरए ताँ तमु क्युइर

¹ ओ अलि-अङाँमैं, च ताँ खोंयों तम् बिसि ङइ क्‍हेमैंलाइ तोइ प्‍ह्रिल् आत्‍हु,

१ थेसलोनिकी 5:1 Iomraidhean Croise

मत्ती 24:3

येशू जैतून बिबै कोंर क्हुँरिमा खीए चेलामैं खाबज्यै आसेल्‍ले खी ङाँर खसि खीने ङ्योएइ, “छाबै त्हे खोंयों तम्? धै क्‍हि एयुबै त्हे नेरो चु ह्‍युल नास तमा खैबै चिनुमैं तमुँ?”

मत्ती 24:36

“च दुःख तबै त्हिंइ नेरो त्हे खोंयों तब्‍मुँ बिसि खाबज्यै था आसे। स्‍वर्गर मुँबै स्‍वर्गदूतमैंज्यै आसे, परमेश्‍वरए च्‍हज्यै या आसे। च ताँ परमेश्‍वर आबाजी मत्‍त्रे सेइमुँ।

चेला चिब्मैंए केमैं 1:7

खीजी चमैंने बिइ, “परमेश्‍वर आबाजी ह्रोंसए हगउँइँले तोक्‍दिबै त्हे खीजीन् सेमुँ, क्‍हेमैंइ सेल् आत्‍हु।

२ कोरिन्थी 9:1

यहूदीया ह्‍युलर्बै बिश्‍वासीमैंए ल्हागिर पिंबै भेटिए बारेर ङइ क्हेमैंलाइ प्‍ह्रिरिल् आत्हु।

१ थेसलोनिकी 4:18

छतसि घ्रिइ घ्रिने चु ताँमैं बिमिंसि सैं क्‍होमिंन्।

१ थेसलोनिकी 4:9

अलि-अङाँमैं न्होंरि लल् त्हुबै म्हाँयाए बारेर खाबज्यै क्हेमैंलाइ प्ह्रिल् आत्हु, तलेबिस्याँ घ्रिइ घ्रिने म्हाँया लरिगे बिसि परमेश्‍वरजीन् क्हेमैंने लोमिंइमुँ।

यहूदाइ प्‍ह्रिबै प्ह्रिछ्या 1:3

ओ ङए खोबै थुमैं, ङ्यो ताँनइ योंबै मुक्‍तिए बारेर्बै ताँमैं प्‍ह्रिबै सैं ङल मुँल। दिलेया तोगो ङ्योइ बिश्‍वास लल् त्हुबै ताँए बारेर प्‍ह्रिल् त्‍हुइमुँ। खोंयोंन् बिलै तरिबै ल्हागिर परमेश्‍वरजी तिखेर्न खीए म्‍हिमैंलाइ च ताँ लोमिंल् खाँइ। च ताँ जोगेसि थेंन् बिबै ल्हागिर ङइ चु प्ह्रिछ्या प्ह्रिल् त्हुदा ङ्हाँइ।