१ थेसलोनिकी 3:2 - परमेश्‍वरए ताँ तमु क्युइर

² ङ्योए अलि तिमोथी क्‍हेमैं ङाँर कुलइमुँ। च परमेश्‍वरए सेवा लसि येशू ख्रीष्‍टए बारेर्बै सैं तोंबै ताँ बिप्रबै म्हि ग।

१ थेसलोनिकी 3:2 Iomraidhean Croise

चेला चिब्मैंए केमैं 16:1

पावल डर्बि नेरो लुस्‍त्रा बिबै सहररै या खइ। चर तिमोथी मिं मुँबै चेला घ्रि मुँल। चए आमा येशूए फिर बिश्‍वास लबै यहूदीस्यो मुँल, आबा बिस्याँ ग्रिक ह्रेंर्बै म्हि मुँल।

चेला चिब्मैंए केमैं 16:5

छतसि बिश्‍वासीमैं बिश्‍वासर भोंब् ततै ह्‍याइ धै त्हिंइ ह्रोंसे बिश्‍वासीमैं ल्हें बडिदै ह्‍याइ।

चेला चिब्मैंए केमैं 18:5

झाइले सिलास नेरो तिमोथी माकेडोनियाउँइँले फेखमा पावल अरू के आलल्‍ले परमेश्‍वरए ताँ बिमिंमल, धै “येशून् परमेश्‍वरजी कुल्मिंबै म्रुँ ख्रीष्‍ट ग!” बिसि यहूदीमैंने ग्वाइ पिंमल।

रोमी 16:21

ङने बालु के लबै तिमोथी, धै ङए यहूदी अलिमैं लुकियस, यासोन नेरो सोसिपात्रोज्‍यै या क्‍हेमैंने जय मसीह बिमिंइमुँ।

१ कोरिन्थी 3:10

परमेश्‍वरउँइँले योंबै ज्ञान बुद्धिउँइँले ङइ धिं बनेबै सिपालु कर्मिइ धोंले छेनाले तें (जग) झोंइमुँ। च तेंए फिर गारा झोंब्मैं ताँनइ छेनाले च्हैंसि मैंसि परमेश्‍वरउँइँले योंबै भों मुँबै बरदान अनुसार के लसि छेनाले गारा झोंल् त्हुम्।

१ कोरिन्थी 4:17

ङइ क्हेमैं ङाँर प्रभुए फिर बिश्‍वास लबै खोबै तिमोथी कुलइमुँ। च ङए च्‍ह धोंन् तब् ग। ङइ क्ल्ह्‍यो-क्ल्ह्‍योर्बै बिश्‍वासीमैंलाइ लोमिंब् धोंलेन् ख्रीष्‍टर ङइ खैबै छ्ह थोइमुँ बिबै ताँ चइ क्‍हेमैंने बिब्‍मुँ।

२ कोरिन्थी 1:1

परमेश्‍वरए इच्‍छाउँइँले येशू ख्रीष्‍टजी के लबर कुल्मिंबै चेला चिब ङ पावल नेरो ङ्योए अलि तिमोथीउँइँले कोरिन्‍थ सहरर्बै बिश्‍वासीमैं नेरो ग्रिस ह्‍युलर्बै परमेश्‍वरए ताँन् म्‍हिमैंलाइ जय मसीह मुँ।

२ कोरिन्थी 1:19

परमेश्‍वरए च्‍ह येशू ख्रीष्‍टए बारेर बिबै ताँ “ङिंबन् ग” नेरो “आङिं” आत। तलेबिस्याँ येशू ख्रीष्‍टर मुँबै ताँन् सै खोंयोंन् बिलै “ङिंबन् तम्” बिसि सिलास, तिमोथी नेरो ङइ क्हेमैंए म्हाँजोर खीए बारेर बिल।

२ कोरिन्थी 2:12

ख्रीष्‍ट येशूउँइँले खबै सैं तोंबै ताँ बिबर ङ त्रोआस बिबै नाँसर ह्‍यामा प्रभुजी ङलाइ चर खीए के लबै मौका पिंइ।

२ कोरिन्थी 2:13

दिलेया चर ङए अलि तीतसलाइ त्‍होल् आयोंमा ङए सैं आतों। छतसि तीतसने घ्‍याँर त्‍होम् उ ङ्हाँसि चर्बै म्‍हिमैंने बिदा तसि ङ माकेडोनिया ह्‍युलउँइँ ह्‍याइ।

२ कोरिन्थी 8:23

तीतस बिस्याँ ङए थु तसि ङने बालुन् क्हेमैंलाइ ल्होबै के लम्। चने बालु खबै अरू अलिमैं ख्रीष्‍टए मान तबै के लबर बिश्‍वासीमैंइ कुल्मिंब् ग।

फिलिप्पी 1:25

च ताँ क्ह्रोंसेंन ङइ सेइमुँ: क्हेमैंए बिश्‍वास भोंसि ततै ह्‍यासि क्हेमैं सैं तोंन् लबर ङ अझै सोम्।

कलस्सी 1:1

परमेश्‍वरजी त्हाँबइले येशू ख्रीष्‍टजी कुल्मिंबै चेला चिब ङ पावल नेरो ङ्योए अलि तिमोथीउँइँले,

कलस्सी 1:7

ङिने बालु के लबै खोबै थु इपाफ्रासउँइँले क्हेमैंइ सैं तोंबै ताँ थेइ। चइ क्हेमैंए ल्हागिर येशू ख्रीष्‍टए भर पर्दिल्‍ले के लइमुँ।

कलस्सी 4:12

क्‍हेमैं न्‍होंर्बै अर्को येशू ख्रीष्‍टए के लबै म्‍हि इपाफ्रासज्यै या क्‍हेमैंने जय मसीह बिमिंइमुँ। क्‍हेमैंए सैं भोंब् तरिगे, ताँन् सैरि पक्‍का तरिगे, झाइले परमेश्‍वरजी बिब् धोंले क्‍हेमैंइ ताँन् लरिगे बिसि चइ खोंयोंइन क्‍हेमैंए ल्हागिर बेल्‍ले प्राथना लसेन्‍मुँ।

कलस्सी 4:9

चने बालु क्‍हेमैंए नाँसर्बै ओनेसिमस बिबै म्‍हि या ङइ कुल्‍मिंइमुँ। च येशू ख्रीष्‍टर बिश्‍वास लबै खोबै अलि ग। चुर तरिबै ताँन् ताँमैं चमैंइ क्‍हेमैंने बिमिंब्‍मुँ।

१ थेसलोनिकी 3:13

खीजी क्हेमैंलाइ भोंब् लमिंब्मुँ, धै प्रभु येशू खीए म्हिमैंने बालु धबै चु ह्‍युलर युमा क्हेमैं ङ्योए परमेश्‍वर आबाए उँइँर बेल्‍ले छ्याँब खोट आरेब तब्मुँ।

१ थेसलोनिकी 3:5

छतमा ङए सैंइ ङलाइ सुखन् आपिं। धै “दुष्‍टइ क्‍हेमैंलाइ बिश्‍वासउँइँले स्योवासि ङिइ लबै दुःख खेरो ह्‍याम् उ?” बिब् ङ्हिंसि क्हेमैंए बिश्‍वास कति थेब् मुँन बिसि क्होबर ङइ तिमोथी कुल्‍मिंब् ग।

२ थेसलोनिकी 2:17

क्‍हेमैंए सैं भोंब लमिंरिगे धै तोन्‍दोंरि छ्याँबै केमैं लबर नेरो छ्याँबै ताँमैं पोंबर ल्होमिंरिगे बिसि ङइ प्राथना लमुँ।