१ थेसलोनिकी 3:12 - परमेश्‍वरए ताँ तमु क्युइर

¹² धै ङिइ क्‍हेमैंने म्हाँया लब् धोंले प्रभुजी क्‍हेमैंलाइ घ्रिइ घ्रिने नेरो अरू ताँन् म्‍हिमैंने सब् लमिंबै म्हाँया प्लिंदै बडिमिंरिगे।

१ थेसलोनिकी 3:12 Iomraidhean Croise

भजनमैं 115:4

दिलेया चमैंए कुमैं मारा नेरो चाँदिबै मत्‍त्रे ग, म्हिमैंए योइ च कुमैं बनेइमुँ।

मत्ती 22:39

आलसि आतबै अर्को थेबै ताँ या छाबन् मुँ, ‘क्‍हिइ ह्रोंसए ङ्‍हेब्-ट्हुब्मैंलाज्यै या ह्रोंसने धोंले म्हाँया लद्।’

मत्ती 7:12

“म्‍हिमैंइ क्‍हेमैंलाइ छ्याँब् लरिगे ङ्हाँब् धोंले क्‍हेमैंज्‍यै या चमैंलाइ छान् लद्। स्‍योंम्‍बै मोशा नेरो अगमबक्‍तामैंइ बिल् म्हैबै ताँ चुन् ग।”

लूका 17:5

कुल्मिंबै चेला चिब्मैंइ प्रभुने बिइ, “ओ प्रभु, ङिए बिश्‍वास बडिमिंन्।”

रोमी 13:8

घ्रिइ घ्रिने म्हाँया लब बाहेक अरू तो सैरै या भारा आनोद्। तलेबिस्याँ ह्रोंसए ङ्‍हेब् ट्हुब्मैंए फिर म्हाँया लब्‍मैंइ परमेश्‍वरजी पिंबै ठिम पूरा लम्।

२ कोरिन्थी 9:10

परमेश्‍वरजी प्‍लु प्‍लुबै म्हिलाइ प्‍लु पिंम्, धै म्‍हिमैंलाइ चबै सै पिंम्। च धोंले परमेश्‍वरजी क्‍हेमैंलाइ चैदिबै प्‍लु पिंसि चलाइ बडिमिंब्‍मुँ, झाइले क्‍हेमैंइ लबै छ्याँबै केल ल्हें रोमैं तब्‍मुँ।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

फिलिप्पी 1:9

क्‍हेमैंए ल्हागिर ङए प्राथना चुन् मुँ: क्‍हेमैंए म्हाँया बेल्‍ले बडिदै ह्‍यारिगे, धै ज्ञान नेरो छेनाले क्‍होबै बुद्धि बेल्‍ले ल्‍हें योंरिगे।

१ थेसलोनिकी 2:8

ङिइ क्‍हेमैंए फिर ल्‍हें म्हाँया खसि परमेश्‍वरजी पिंबै सैं तोंबै ताँ बिमिंब् मत्‍त्रे आङिं, क्‍हेमैंए सेवा लबर ङि सिबरै या तयार मुँल, तलेबिस्याँ ङिइ क्‍हेमैंए फिर बेल्‍ले म्हाँया लमल।

१ थेसलोनिकी 4:1

ओ अलि-अङाँमैं, आखिरि ताँ तो मुँ बिस्‍याँ, क्हेमैंइ छ्ह खैले थोल् त्हुमुँ धै परमेश्‍वरए सैं खैले तोंन् लल् त्हुम् बिबै ताँ क्हेमैंइ ङिउँइँले लोइमुँ। छतसि ओंसोंन् लोब् धोंले क्हेमैंइ लसिन् मुँ, अझै छलेन् छ्ह थोदै ह्‍याद् बिसि ङि प्रभु येशूए मिंर क्हेमैंने यो छ्युँ लसि अर्थिमैं पिंम्।

१ थेसलोनिकी 5:15

खाबज्‍यै क्हेमैंए न्होह्रों लवालेया खि आफोद्, दिलेया बिश्‍वासीमैंए फिर नेरो अरू म्‍हिमैंए फिरै या छ्याँबै के लबै सैं मैंन्।

२ थेसलोनिकी 1:3

ओ अलि-अङाँमैं, क्‍हेमैंए ल्हागिर ङिइ परमेश्‍वरलाइ खोंयोंन् बिलै धन्‍यबाद पिंलन् त्‍हुम्। छ लब ठिक मुँ, तलेबिस्याँ क्हेमैंइ लबै प्रभु येशूए फिर्बै बिश्‍वास बडिसि ह्रों-ह्रोंसए न्होंरै या घ्रिइ घ्रिने झन् ल्हें म्हाँया लरिइमुँ।

याकूब 1:17

तलेबिस्याँ ताँन् छ्याँबै दान बरदानमैं त्हिंयाँ नेरो लयाँ बनेबै परमेश्‍वरउँइँले युम्। तलेबिस्याँ खी खोंयोंइ ङ्हरि कुरि आत।

२ पत्रुस 1:7

खीलाइ छेन्ले म्हाँदिसि ताँन् बिश्‍वासी अलि-अङाँमैंलाइ म्हाँया लबै सैं लद्, झाइले म्हाँया लसि सब् लमिंबै म्हाँया लल् त्‍हुम्।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।