१ थेसलोनिकी 2:3 - परमेश्‍वरए ताँ तमु क्युइर

³ ङिइ क्‍हेमैंने बिबै अर्थिए ताँमैं आछ्याँबै सैंउँइँले बिबै स्योलिबै ताँमैं आङिं, ङिइ क्हेमैंलाइ तोइ लुल् आम्है।

१ थेसलोनिकी 2:3 Iomraidhean Croise

चेला चिब्मैंए केमैं 13:15

झाइले म्हिमैंइ मोशाइ पिंबै ठिम नेरो अगमबक्‍तामैंए कितब खेबै लिउँइँ च्हों धिंर्बै चिब्मैंइ, “ओ अलि-अङाँमैं, क्हेमैंने म्हिमैंए ल्हागिरि अर्तिए ताँमैं तोइ मुँस्याँ बिमिंन्,” बिसि पावल नेरो चए थुमैं ङाँर सँउँसर पिमिंइ।

चेला चिब्मैंए केमैं 4:36

च त्हेर साइप्रस ह्‍युलर्बै लेबी कुलार्बै योसेफ मुँल चलाइ कुल्मिंबै चेला चिब्मैंइ बर्णाबास बिसि मिं थेंल। (च मिंए अर्थ अरूए सैं भोंब् लमिंब् ग।)

२ कोरिन्थी 11:13

तलेबिस्याँ छाबै म्‍हिमैं क्‍ह्रोंसेंन्‍बै कुल्मिंबै चेला चिब्मैं आङिं, दिलेया “ङि येशू ख्रीष्‍टए क्‍ह्रोंसेंन्‍बै कुल्मिंबै चेला चिब्मैं ग” बिसि स्योर तेसि लुप्रब्मैं मत्‍त्रे ग।

२ कोरिन्थी 2:17

ल्हें म्हिइ धोंले परमेश्‍वरए ताँ छों लब्मैं ङि आङिं, तलेबिस्याँ ङिलाइमि परमेश्‍वरजीन् कुल्‍मिंब् ग। छतसि ङि ख्रीष्‍टए सेवा लसि खीए ओंसों स्योर ताँ आकोंल्‍ले परमेश्‍वरए ताँ पोंमुँ।

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।

२ कोरिन्थी 4:5

ङिइ ह्रोंसए ताँ आबि, दिलेया येशूए ल्हागिर ङि क्‍हेमैंए केब्छैंमैं धोंन् तसि येशू ख्रीष्‍टन् प्रभु ग बिबै ताँ ङि बिप्रम्।

२ कोरिन्थी 6:8

ङिइ मानै योंइ, हेलै तइ। छ्याँब मिं योंइ, आछ्याँब मिं योंइ। म्‍हिमैंइ ङिलाइ स्‍योर्गु मैंम्, दिलेया ङि क्‍ह्रोंसेंन्‍बै ताँ पोंब्मैं ग।

२ कोरिन्थी 7:2

क्हेमैंए सैंर्बै ताँ ङिने आलोद्, क्‍हेमैंए सैंर तो मुँ चन् ङिने बिद्। ङिइ खाबलै या न्होह्रों आलइमुँ, खाबलाज्यै या नास तबै के आलइमुँ। ङिए केउँइँले ङिइ खाब्ने या फायदा आकिंइमुँ।

१ थेसलोनिकी 2:11

आबाइ ह्रोंसए प्हसेमैंलाइ लब् धोंले ङिइ क्हेमैंलाइ ङ्ह‍योइ।

१ थेसलोनिकी 4:7

परमेश्‍वरजी ङ्योलाइ आछ्याँबै केर प्रबर आङिं, बरु पबित्र छ्ह थोबै ल्हागिर हुइब् ग।

२ थेसलोनिकी 2:11

छतसि स्योलिबै ताँ क्वेंरिगे बिसि परमेश्‍वरजी चमैंए ङाँर बेल्‍ले स्योर तेल् ह्रबै सैमैं कल्मिंब्मुँ।

२ पत्रुस 1:16

ङ्योए प्रभु येशू ख्रीष्‍टए शक्‍तिए बारेर नेरो खी धबै युब्मुँ बिबै ताँ ङिइ क्‍हेमैंने बिल। चु ताँ म्हिमैंइ पार्दिबै स्योलिबै ताँमैं आङिं। खीए थेबै शक्‍तिए औदिबै केमैं ङिए मिइन म्रोंल।