१ थेसलोनिकी 2:17 - परमेश्‍वरए ताँ तमु क्युइर

¹⁷ ओ अलि-अङाँमैं, क्‍हेमैंने फ्रेदा आङ्हाँलेया क्हेमैंउँइँले दे त्हिंइए ल्हागिर फ्रेयाल् त्हुइ। म्हि फ्रेसि ह्रेंगो तलेया सैंर आफ्रेइमुँ। छतसि ङि धबै क्‍हेमैंने त्‍होखबै सैं मुँ।

१ थेसलोनिकी 2:17 Iomraidhean Croise

उत्पत्ति 31:30

छतसि तारे क्हिए आबाए धिंर ह्‍याबै सैं लसि क्हि प्रइमुँ ङइ क्होइ। दिलेया ङए धिंर्बै देवतामैं तले ह्‍योल?”

उत्पत्ति 45:28

झाइले याकूबइ बिइ, “ङए च्ह योसेफ तोगो समा सोगोंन् मुँन। च्हौ तसेरो ङलाइ तइ। ङ ह्‍याब्मुँ धै ङ सिब् भन्दा ओंसों चलाइ ङ्ह्‍योब्मुँ।”

उत्पत्ति 48:11

धै याकूबइ योसेफने बिइ, “ङइ धबै क्हिलाइ म्रोंल् योंब्मुँ बिसि आमैंल। दिलेया क्हिए प्हसेमैं या परमेश्‍वरजी म्रोंल् पिंइमुँ।”

भजनमैं 63:1

ओ परमेश्‍वर, क्हि ङए परमेश्‍वर ग; ङए सैं न्होंइले क्हिए साँ खरिम्, क्यु आरेसि कारयाबै बाँजो क्‍ल्‍ह्‍योर क्यु पिब्मैंइ क्यु म्हैब् धोंले ङए ज्युइ क्हिलाइन म्हैब्मुँ।

लूका 12:58

क्‍हिने आक्ह्रिबै म्‍हिइ निसाफ लबै म्हिए उँइँर क्हिलाइ बोमा खाँन् समा घ्‍याँर्न क्‍ह्रिबै ताँ लद्, छ आलस्‍याँ चइ क्‍हि नि‍याधिश ङाँर चैंबोब्‍मुँ। झाइले नि‍याधिशइ क्‍हि थेबै अफिसरए योर पिंवाब्मुँ। झाइले अफिसरइ क्‍हि झेलर च्युवाब्‍मुँ।

लूका 22:15

येशूजी चमैंने बिइ, “ङइ दुःख नोब् भन्दा ओंसों क्हेमैंने बालु दुःखने फ्रेबै चाडए भोज चबै सैं मुँ।

चेला चिब्मैंए केमैं 17:10

झाइले च तोंदोंन् प्रभुए फिर बिश्‍वास लबै अलि-अङाँमैंइ पावल नेरो सिलास म्‍हुँइँसर्न बेरिया सहरउँइँ कुल्मिंइ, चमैं चर फेनेसि यहूदीमैंए च्हों धिं न्होंर ह्‍याइ।

रोमी 1:13

ङए अलि-अङाँमैं, क्हेमैंइ चु ताँ सेरिगे बिब ङए सैं मुँ। ङइ अरू ह्रेंर्बै म्हिमैं बिश्‍वासर पखसि चमैंलाइ परमेश्‍वरए के छेनाले लल् खाँब्मैं लमिंइ। छलेन क्‍हेमैंलाज्यै बिश्‍वासर भोंब् लमिंसि परमेश्‍वरए के छेनाले लल् खाँब्मैं लमिंबै ल्हागिर क्हेमैं ङाँर ङ ल्हें खे खबै सैं लइ, दिलेया तो आङिं तो के पर्दिबइले तोगो समा खल् आयों।

रोमी 15:23

दिलेया तोगो चु क्‍ल्‍ह्‍योजरे ङइ के लल् खाँइमुँ, धै ल्हें ओंसों ओनोंन् क्‍हेमैंने त्‍होदा ङ्हाँल।

१ कोरिन्थी 5:3

क्‍हेमैंने बालु ङ आरेलै या ङए सैं क्‍हेमैंनेन् मुँ। छतसि ङ चर मुँब् धोंलेन् चए निसाफ ङइ लल् खाँइमुँ।

कलस्सी 2:5

तलेबिस्याँ ङ क्हेमैंउँइँले ह्रेंगो मुँलेया ङ खोंयोंन् बिलै क्हेमैंलाइ मैंरिम्। क्‍हेमैं ख्रीष्‍टए फिर बिश्‍वास लबर भोंब् तसि बालुले टिरिब् म्रोंसि ङए सैं तोंइमुँ।

१ थेसलोनिकी 3:6

तोगो तिमोथी क्‍हेमैंउँइँले ङि ङाँर एखसि क्‍हेमैंइ प्रभुए फिर बिश्‍वास लबै ताँ नेरो क्‍हेमैंए न्‍होंरि म्हाँया लमन बिसि ङिने छ्याँबै सँउँसर बिमिंइ। झाइले क्‍हेमैंइ ङिए फिर म्हाँया खसि ङिइ क्‍हेमैंने त्होदा ङ्हाँब् धोंले क्‍हेमैं या ङिने त्होदा ङ्हाँइमुँ बिबै सँउँसर पखइ।