१ थेसलोनिकी 1:6 - परमेश्‍वरए ताँ तमु क्युइर

⁶ ङि नेरो प्रभुजी छ्ह खैले थोल क्हेमैंज्यै या छलेन् छ्ह थोइमुँ, तलेबिस्याँ ल्‍हें दुःख सैदिलेया परमेश्‍वरए पबित्र प्ल्हउँइँले सैं तोंन्‍ले क्‍हेमैंइ सैं तोंबै ताँ थेइ।

१ थेसलोनिकी 1:6 Iomraidhean Croise

मत्ती 16:24

झाइले येशूजी खीए चेलामैंने बिइ, “ङए लिलि खदा ङ्हाँम्मैं, ह्रोंसए ज्यु म्हाँया आलल्‍ले दुःख नोसि ङए लिलि खल् त्‍हुम्।

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

चेला चिब्मैंए केमैं 13:52

दिलेया एन्‍टिओखियार्बै चेलामैं पबित्र प्ल्हजी प्लिंसि सैं तोंइ।

चेला चिब्मैंए केमैं 5:41

झाइले चमैंए सैंर, म्हिमैंइ म्हि आच्जिल् ललेया येशूए मिंरि सैदिल् खाँब्मैं ङ्यो तइ ङ्हाँसि सैं तोंदै चमैं थेबै म्हि च्होंउँइँले त्होंह्‍याइ।

चेला चिब्मैंए केमैं 9:31

छले यहूदीया, गालील नेरो सामरियार्बै चर्चर शान्ति तइ धै चर्च भोंब् तइ। चमैंइ प्रभुलाइ म्हाँदिदै प्रमा पबित्र प्ल्हजी चमैंए सैंर भों पिंइ। छतमा प्रभुए फिर बिश्‍वास लब्मैं ल्हें ततै ह्‍याइ।

रोमी 15:13

छतसि पबित्र प्ल्हए शक्‍तिजी क्‍हेमैंए आशा बडिमिंरिगे बिसि क्ह्रोंसेंन्बै आशा पिंबै परमेश्‍वरए फिर क्हेमैंइ बिश्‍वास लबइले क्‍हेमैंइ सैं तोंसि छिं ङ्हाँल् योंरिगे।

१ कोरिन्थी 11:1

छतसि ख्रीष्‍टजी लब् धोंलेन् ङइ लइमुँ, क्‍हेमैंज्‍यै या ङइ लब् धोंलेन् लद्।

१ कोरिन्थी 11:2

ङइ क्‍हेमैंलाइ स्‍याबासि पिंम्, तलेबिस्याँ क्‍हेमैंइ खोंयोंन् बिलै ङलाइन मैंसि ङइ लोमिंब् धोंले लरिइमुँ।

१ कोरिन्थी 4:16

छतसि ङइ लब् धोंन् लद् बिसि ङ क्हेमैंने यो छ्युँ लम्।

२ कोरिन्थी 6:10

न्हुँ खलेया ङि खोंयोंन् बिलै सैं तोंरिम्, ङ्हाँदुमैं तलेया ङिइ ल्हें म्‍हिमैंलाइ प्‍ल्होब लमिंम्, ङि तोइ आरेब् धों तलेया ख्रीष्‍टए फिर बिश्‍वास लबइले ङिइ तोन्दोंरि सै योंइमुँ।

२ कोरिन्थी 8:5

ङिए सैंर मैंब् धोंले चमैंइ आल, बरु चमैंइ ओंसों ह्रोंसलाइ प्रभुने सुम्पिदिइ, धै परमेश्‍वरए सैंर मैंब् धोंले खीए के लबर चमैंइ ह्रोंसलाइ ङिने सुम्पिदिइ।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

एफिसी 5:1

क्हेमैं परमेश्‍वरजी खोबै प्‍हसेमैं ग, छतसि क्‍हेमैं खी धोंन् तबै भों लद्।

फिलिप्पी 3:17

ओ अलि-अङाँमैं, ङइ लब् धोंले लरिद्। ङिइ लबै केमैं क्हेमैंइ म्रोंइमुँ, क्हेमैंज्यै या छान् लद्। छतसि ङिइ लब् धोंले लबै म्हिमैंलाइ ङ्ह्‍योसि चमैंए लिलि प्रद्।

२ थेसलोनिकी 1:4

क्हेमैंए फिर कति दुःख तलेया च दुःख सैदिसि क्हेमैं बिश्‍वासर भोंब् तब् म्रोंसि परमेश्‍वरए फिर बिश्‍वास लब्मैंए म्हाँजोर ङिइ प्हैंदै पोंल् योंमा ङिए ङ्‍हो च्हौ प्ल्ह्‍याब् धों ङ्हाँइमुँ। धै ङि क्हेमैंए बारेर प्हैंसि पोंम्।

२ थेसलोनिकी 3:7

ङि क्‍हेमैंने टिमा प्ह्‍लेउ तसि आटिल, चु ताँ क्‍हेमैंज्यै था सेइमुँ। छतसि ङिइ खैले के लल, छलेन क्‍हेमैंज्यै लल् त्‍हुम्।

२ थेसलोनिकी 3:9

ङिइ छलेन् चब् थुँब् योंबै हक मुँल, दिलेया ङिइ लब् धोंले क्‍हेमैंज्‍यै या लरिगे बिसि ङिइ छ लइ।

२ तिमोथी 4:2

प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।

हिब्रू 10:34

झेलर मुँब्‍मैंलाइ क्हेमैंइ ल्होमिंइ, ह्रोंसए सै न्होर अरूमैंइ लुडिवालेया क्‍हेमैं सैं तोंसिन् सैदिइ, तलेबिस्याँ क्‍हेमैंल च सै न्होर भन्दा थेब खोंयोंन् बिलै तरिबै स्वाबै सै न्होर मुँ बिसि क्‍हेमैंइ सेल।

१ पत्रुस 1:6

छतसि तोगो तिस्या क्हेमैंइ ल्हें खालर्बै दुःख भुँदिल् त्‍हुलेया क्हेमैं सैं तोंरिद्।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,

१ पत्रुस 3:13

छ्याँबै सैंउँइँले क्‍हेमैंइ ठिक केमैं लम् बिस्‍याँ, क्‍हेमैंए न्होह्रों खाबइ लमुँ?

३ यूहन्‍ना 1:11

ओ ङइ खोबै थु, आछ्याँबै के लब्मैंइ धोंले आलद्, बरु छ्याँबै के लब्मैंइ धोंलेन् क्हिज्यै या छ्याँबै केमैं लद्। छ्याँबै के लब्मैं परमेश्‍वरए म्हिमैं ग, आछ्याँबै के लब्मैंइ परमेश्‍वरलाइ आम्रोंइमुँ।