१ थेसलोनिकी 1:5 - परमेश्‍वरए ताँ तमु क्युइर

⁵ तलेबिस्याँ ङिइ क्हेमैंने सैं तोंबै ताँ ओंसोंन् बिमिंमा ङिए सुँइ मत्‍त्रे पोंब आङिं, परमेश्‍वरए पबित्र प्ल्ह नेरो भोंउँइँले बिब् ग। चु ताँ क्ह्रोंसेंन् ग बिब सैं न्‍होंर था सेसि ङि क्‍हेमैं ङाँर युइ। क्‍हेमैंए म्‍हाँजोर टिमा क्‍हेमैंए ल्हागिर्न ङिइ खैले त्हिंइ थोल बिसि क्‍हेमैंज्यै सेइमुँ।

१ थेसलोनिकी 1:5 Iomraidhean Croise

मर्कूस 16:20

झाइले च चेलामैं खन्‍तोदोंन् ह्‍यासि खीए ताँ बिप्रइ। प्रभु चमैंने बालु तसि औदिबै चिनुमैं लसि चमैंइ बिबै ताँमैं क्ह्रोंसेंन् ग बिसि उँइँमिंइ।

लूका 1:1

ओ चिब थियोफिलस छ्याज्यालो मुँ! ङ्योए म्‍हाँजोरि तो-तो केमैं तइ बिसि ल्‍हें म्‍हिइ प्‍ह्रिल।

चेला चिब्मैंए केमैं 11:21

प्रभुए आशिक ने शक्‍ति चमैए फिर तबाइले ल्हें ल्हें म्हिइ प्रभु येशूए फिर बिश्‍वास लसि खी ङाँइ सैं एइ।

चेला चिब्मैंए केमैं 16:14

छले ताँ सेरिमा थिआटीरा सहरर्बै कलाँजी रङबै क्वेंए छों लबै च्हमिरि घ्रि चर्न मुँल। चए मिं लिडिया मुँल। चइ परमेश्‍वर म्हाँदिमल धै पावलइ पोंबै ताँ छेनाले थेरिगे बिसि प्रभुजी चए खों थोंमिंइ।

चेला चिब्मैंए केमैं 2:33

परमेश्‍वर आबाजी येशूलाइ थेब् लमिंसि खीए क्‍योलोउँइँ थेंइँमुँ। धै ह्रोंसजी बाछा फैब् धोंले येशूलाइ पबित्र प्ल्ह पिंइ। च पबित्र प्ल्ह प्रभु येशूजी तोगो ङिए फिर कुमिंब् ग। चु ताँमैं क्हेमैंइ तोगो थेइमुँ, म्रोंइमुँ।

रोमी 1:16

तलेबिस्याँ ख्रीष्‍टउँइँले योंबै सैं तोंबै ताँ म्हिमैंने बिबै ल्हागिर ङ फा आपि। यहूदीमैं मुँलेया अरू ह्रेंमैंन् मुँलेया चु सैं तोंबै ताँउँइँलेन् खीए फिर बिश्‍वास लब्‍मैंलाइ परमेश्‍वरजी मुक्‍ति पिंम्।

रोमी 15:13

छतसि पबित्र प्ल्हए शक्‍तिजी क्‍हेमैंए आशा बडिमिंरिगे बिसि क्ह्रोंसेंन्बै आशा पिंबै परमेश्‍वरए फिर क्हेमैंइ बिश्‍वास लबइले क्‍हेमैंइ सैं तोंसि छिं ङ्हाँल् योंरिगे।

रोमी 2:16

छतमा निसाफ लबै त्हिंइर परमेश्‍वरजी येशू ख्रीष्‍टउँइँले म्‍हिमैंए सैं न्‍होंर्बै ताँमैंए निसाफ लब्‍मुँ। ङइ बिबै सैं तोंबै ताँइ बिब् धोंलेन् चु ताँ तब्मुँ।

१ कोरिन्थी 1:24

दिलेया यहूदी मुँलेया, अरू ह्रेंमैं मुँलेया खीजी त्हाँबै म्हिमैंए ल्हागिर बिस्याँ ख्रीष्‍ट येशून् परमेश्‍वरए शक्‍ति नेरो बुद्धि ग।

१ कोरिन्थी 10:33

ङज्यै या ङइ लबै तोन्दोंरि केर म्हिमैंए सैं खैले तोंन् लब् ङ्‍हे ङ्हाँम्। ङइ ह्रोंसल् मत्‍त्रे छ्याँब् तरिगे धै सैं तोंल् योंरिगे आङ्हाँ, बरु ताँन् म्हिमैंइ मुक्‍ति योंसि छ्याँब् तरिगे बिब ङए सैं मुँ।

१ कोरिन्थी 3:16

क्‍हेमैंन् परमेश्‍वरए मन्दिर ग, परमेश्‍वरए पबित्र प्ल्ह क्‍हेमैंए न्‍होंरि टिम् बिब क्हेमैंइ आसे वा?

१ कोरिन्थी 3:6

ङइ प्‍लु प्‍लुइ, अपोल्‍लसइ क्‍यु झोंइ, दिलेया परमेश्‍वरजीन् धुँ बडिमिंइ।

१ कोरिन्थी 4:20

तलेबिस्याँ परमेश्‍वरए ग्याल्स म्हिमैंइ पोंबै ताँर आङिं, खीउँइँलेन् खबै शक्‍तिर मुँ।

१ कोरिन्थी 9:14

छलेन सैं तोंबै ताँ बिप्रब्‍मैंइ सैं तोंबै ताँ बिप्रबै केउँइँलेन् चल्-थुँल् योंरिगे बिसि प्रभुजी बिइमुँ।

२ कोरिन्थी 3:6

छारा बाछार्बै के लल् खाँब्मैं खीजी ङिलाइ लमिंइ। च बाछा म्‍हिइ प्‍ह्रिबै ठिम आङिं, दिलेया पबित्र प्ल्हजी फैबै बाछा ग। तलेबिस्याँ म्‍हिइ प्ह्रिबै ठिम म्हाँदिल् आखाँबइले ताँन् म्‍हि सिल् त्‍हुमल, दिलेया पबित्र प्ल्हजी ङ्योलाइ पापउँइँले फ्रेमिंसि छारा छ्ह पिंम्।

गलाती 2:2

परमेश्‍वरजी ङने चर ह्‍याद् बिबइले ङ ह्‍याइ। ङइ लरिबै के खेरो आह्‍यारिगे बिसि खाबज्यै आसेल्‍ले चर्बै चिब्मैंने मत्‍त्रे ङइ अरू ह्रेंमैंलाज्यै बिमिंबै सैं तोंबै ताँमैंए बारेर बिइ।

गलाती 5:5

दिलेया ङ्योइ बिस्याँ पबित्र प्ल्हउँइँलेन् ख्रीष्‍टए फिर्बै बिश्‍वासइ परमेश्‍वरए उँइँर ठिक ठर्दिबै ल्हागिर ङ्योइ खीए घ्याँन् ङ्ह्‍योरिम्।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।

फिलिप्पी 2:13

तलेबिस्याँ परमेश्‍वरजी क्‍हेमैं खीए सैंर मैंब् धोंले प्ररिगे धै खीए के लरिगे बिसि खीजी क्हेमैंए न्‍होंर खोंयोंइन के लरिम्।

फिलिप्पी 4:9

क्‍हेमैंइ ङउँइँले तो तो ताँ लोइ, धै तो ताँ थेइ, ङए छ्हर क्हेमैंइ तो ताँ म्रोंइ, च धोंन् लद्। छलस्याँ शान्‍ति पिंबै परमेश्‍वर क्‍हेमैंने तब्‍मुँ।

कलस्सी 2:2

क्‍हेमैं ह्रों-ह्रोंसए न्होंर म्हाँयार सैं घ्रि तसि क्हेमैंए सैं भोंब् तरिगे, धै परमेश्‍वरउँइँले खबै क्ह्रोंसेंन्बै बुद्धिइ प्लिंसि परमेश्‍वरइ लोथेंबै ताँ क्‍हेमैंइ सेरिगे। च ताँ तो जा बिस्याँ, येशू ख्रीष्‍ट ङो सेल् योंब् ग।

१ थेसलोनिकी 2:13

धै ङिइ क्‍हेमैंने परमेश्‍वरए ताँ बिमिंमा क्‍हेमैंइ “चु क्‍ह्रोंसेंन परमेश्‍वरए ताँ मुँन” बिसि छेनाले थेसि सैं तोंन्‍ले क्‍वेंइ। चु ताँ म्‍हिइ बिबै ताँ आङिं, परमेश्‍वरजी बिबै ताँ क्‍हेमैंइ म्हाँदिइ। धै क्हेमैंए सैंरि परमेश्‍वरजी के लइनमुँ। छतसि ङिइ खोंयोंइ बिलै परमेश्‍वरलाइ धन्‍यबाद पिंरिम्।

२ थेसलोनिकी 2:14

ङिइ क्हेमैंने बिबै सैं तोंबै ताँउँइँले ङ्योए प्रभु येशू ख्रीष्‍टए मान क्हेमैंज्यै या योंरिगे बिसि परमेश्‍वरजी क्हेमैं हुइब् ग।

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

२ तिमोथी 2:8

सिबउँइँले सोगों तइ खबै दाऊदए खलकर्बै प्रभु येशू ख्रीष्‍टलाइ मैंन्। ङइ बिबै सैं तोंबै ताँ खीए बारेर्न ग।

हिब्रू 10:22

छतसि ङ्योए आछ्याँबै सैंमैं चोखो लसि पबित्र क्युइ ङ्योए ज्यु ख्रुमिंइ, छतसि छ्याँबै सैंइ खीए फिर बिश्‍वास लसि खीए फिर सैं केंसि ङ्यो परमेश्‍वरए उँइँर ह्‍याले।

हिब्रू 6:11

क्‍हेमैं ताँनइ ह्रोंसइ थेंबै आशा योंबै ल्हागिर लिउँइँ समा छलेन् छ्याँबै के लरिब्मुँ बिब ङिइ मैंमुँ।

१ पत्रुस 1:12

चमैंने उँइँमिंबै ताँ चमैंए ल्हागिर आङिं, चमैंइ क्‍हेमैंए सेवा लरिल बिसि परमेश्‍वरजी सेल् पिंइ। धै चु ताँ स्वर्गउँइँले कुल्मिंबै पबित्र प्ल्हउँइँले क्हेमैंने सैं तोंबै ताँ बिमिंबै म्हिमैंउँइँले क्हेमैंइ थेइमुँ। स्‍वर्गदूतमैंज्यै या चु ताँ था सेदा ङ्हाँइमुँ।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

१ पत्रुस 5:3

क्‍हेमैंए जिम्‍मार मुँब्‍मैंए फिर कल्हे प्हैंसि हौदिसि ह्रोंसए न्होंर थेंसि आङिं, बगालमैंए ल्हागिर क्हेमैंन् नमुना तसि छ्याँबै के लसि उँइँन्।

२ पत्रुस 1:10

छतसि ओ ङए अलि-अङाँमैं, परमेश्‍वरजी क्‍हेमैंलाइ त्हाँसि हुइमुँ बिबै ताँ क्ह्रोंसेंन् ग बिसि उँइँबै ल्हागिर क्हेमैं छेनले छ्ह थोद्। छ लस्‍याँ क्‍हेमैं परमेश्‍वरउँइँले खोंयोंइ ह्रेंगो तरिब् आरे।

२ पत्रुस 1:19

धै अगमवक्तामैंइ येशूए बारेर बिबै ताँलाइ ङ्योइ भर लल् खाँम्। न्हाँग छझँ मि म्रोंबै त्हे आतन् समा धै न्हाँग छझँबै मुसारा आत्होंब् धोंले प्रभु येशू ख्रीष्‍ट युसि क्हेमैंए खोंर आचारन् समा अगमवक्तामैंइ प्ह्रिबै ताँ मिछु खैबर चारबै बत्ति धों तम्। छतसि चमैंए ताँलाइ न्ह क्रों मि क्रोंले थेंस्‍याँ क्‍हेमैंलाइ फायदा तम्।