१ थेसलोनिकी 1:2 - परमेश्‍वरए ताँ तमु क्युइर

² ङि प्राथना लमा खोंयोंन् बिलै क्‍हेमैंलाइ मैंसि परमेश्‍वरलाइ धन्‍यबाद पिंम्।

१ थेसलोनिकी 1:2 Iomraidhean Croise

रोमी 6:17

ओंसों क्‍हेमैं पापए केब्छैं मुँल, दिलेया तोगो क्‍हेमैंए सैं न्होंउँइँले परमेश्‍वरजी बिबै ताँ ङिंब्मैं तइमुँ। छतसि परमेश्‍वरलाइ धन्‍यबाद तरिगे।

१ कोरिन्थी 1:4

क्‍हेमैंए ल्हागिर खोंयोंन् बिलै ङए परमेश्‍वरलाइ धन्‍यबाद पिंम्, तलेबिस्याँ येशू ख्रीष्‍टउँइँले क्‍हेमैंइ खीए दयाम्हाँया योंइमुँ।

कलस्सी 1:3

ङिइ क्‍हेमैंए ल्हागिर प्राथना लमा ङ्योए प्रभु येशू ख्रीष्‍टए आबा परमेश्‍वरलाइ खोंयोंइ या धन्‍यबाद पिंम्।

१ थेसलोनिकी 2:13

धै ङिइ क्‍हेमैंने परमेश्‍वरए ताँ बिमिंमा क्‍हेमैंइ “चु क्‍ह्रोंसेंन परमेश्‍वरए ताँ मुँन” बिसि छेनाले थेसि सैं तोंन्‍ले क्‍वेंइ। चु ताँ म्‍हिइ बिबै ताँ आङिं, परमेश्‍वरजी बिबै ताँ क्‍हेमैंइ म्हाँदिइ। धै क्हेमैंए सैंरि परमेश्‍वरजी के लइनमुँ। छतसि ङिइ खोंयोंइ बिलै परमेश्‍वरलाइ धन्‍यबाद पिंरिम्।

१ थेसलोनिकी 3:9

क्हेमैं प्रभुए फिर बिश्‍वास लबर भोंब् तइमुँ बिबै ताँ थेसि ङि बेल्‍ले सैं तोंइँमुँ। चुए ल्हागिर ङिइ परमेश्‍वरलाइ कति ल्हें धन्‍यबाद पिंम्।

२ थेसलोनिकी 1:3

ओ अलि-अङाँमैं, क्‍हेमैंए ल्हागिर ङिइ परमेश्‍वरलाइ खोंयोंन् बिलै धन्‍यबाद पिंलन् त्‍हुम्। छ लब ठिक मुँ, तलेबिस्याँ क्हेमैंइ लबै प्रभु येशूए फिर्बै बिश्‍वास बडिसि ह्रों-ह्रोंसए न्होंरै या घ्रिइ घ्रिने झन् ल्हें म्हाँया लरिइमुँ।

फिलेमोन 1:4

ओ अलि फिलेमोन, ङइ प्राथना लमा क्हिलाइ मैंसि ङए परमेश्‍वरलाइ खोंयोंन् बिलै धन्‍यबाद पिंम्,