१ थेसलोनिकी 1:10 - परमेश्‍वरए ताँ तमु क्युइर

¹⁰ झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

१ थेसलोनिकी 1:10 Iomraidhean Croise

उत्पत्ति 49:18

“ओ याहवेह, क्हिजी जोगेमिंम् बिसि ङ पैंरिइमुँ।

मत्ती 1:21

चइ च्‍ह घ्रि फिब्‍मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्‍हिमैंलाइ चमैंए पापउँइँले जोगेमिंब्‍मुँ।”

मत्ती 16:27

तलेबिस्याँ म्हिए च्ह खीए आबाए मान योंसि स्‍वर्गदूतमैंने युमा म्‍हिमैंइ खैबै के लइमुँ छाबन् नों खीजी पिंब्‍मुँ।

मत्ती 16:28

क्ह्रोंसेंन ङ क्हेमैंने बिमुँ, चुर मुँब्मैं न्होंरि कति म्हिइ म्हिए च्ह खीए ग्याल्सर युरिब आम्रोंन् समा सिरिब् आरे।”

मत्ती 3:7

दिलेया फरिसीमैं नेरो सदुकीमैं न्होंर्बै ल्हें म्हि या खीने बप्‍तिस्‍मा किंबर खब् म्रोंसि यूहन्‍नइ चमैंने बिइ, “ओ प्‍हुरि धों तबै म्‍हिमैं, परमेश्‍वरए ह्रिसउँइँले स्योल् खाँम् बिसि खाबइ क्‍हेमैंने बिइ?

लूका 2:25

च त्‍हेर यरूशलेम सहरर शिमियोन बिबै म्‍हि घ्रि टिमल। च छ्याँबै के लबै म्‍हि नेरो परमेश्‍वर म्हाँदिबै म्‍हि मुँल, चने बालु परमेश्‍वरए पबित्र प्ल्ह मुँल। इस्राएली म्‍हिमैंलाइ परमेश्‍वरजी जोगेमिंब्मुँ बिसि शिमियोनइ ल्हें बर्ष ओंनोंन् परमेश्‍वरए घ्याँ ङ्ह्‍योरिल।

लूका 3:7

छतसि ल्हें म्हि यूहन्‍ना ङाँर क्युर प्ल्हुँसि बप्‍तिस्मा पिंन् बिसि खइ। छले खमा यूहन्‍नाइ चमैंने बिइ, “ओ, प्‍हुरि धों तबै म्‍हिमैं! परमेश्‍वरजी पिंबि छेबै सजैंउँइँले स्योल् खाँम् बिसि खाबइ क्‍हेमैंने बिल?

चेला चिब्मैंए केमैं 1:11

“ओ गालीलथेंमैं, क्हेमैं तले मुउँइँ ङ्‍ह्‍योसि रारिल? चुन् येशू, क्हेमैंउँइँले परमेश्‍वरजी स्वर्गर बोयाइ। तोगो खी खैले स्वर्गर ह्‍यारिब क्हेमैंइ म्रोंइ छलेन खी धबै युब्मुँ।”

चेला चिब्मैंए केमैं 17:31

तलेबिस्याँ खीजी ह्‍युलर्बै ताँन् म्हिमैंए निसाफ लबै त्हिंइ तोक्दिमिंइँमुँ। च त्हिंइर खीजी त्हाँबै म्हि घ्रिउँइँले ह्‍युलर्बै ताँन् म्हिमैंए निसाफ लब्मुँ। च म्हिने निसाफ लबै हग मुँ बिसि प्रमाण ताँनने उँइमिंबर परमेश्‍वरजी च म्हि सिबउँइँले सोगों लमिंइ।”

चेला चिब्मैंए केमैं 2:24

सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।

चेला चिब्मैंए केमैं 2:32

चुन् येशू परमेश्‍वरजी सिबउँइँले सोगों लमिंइ। चु ताँए साक्षि ङि ताँन् मुँ।

चेला चिब्मैंए केमैं 3:15

झाइले म्‍हिमैंलाइ खोंयोंन् बिलै आखाँबै छ्ह पिंबै येशू क्‍हेमैंइ सैवाइ। दिलेया परमेश्‍वरजी खीलाइ सिबउँइँले धबै सोगों लमिंइ। चु ताँ ङिइ म्रोंइमुँ।

चेला चिब्मैंए केमैं 3:21

दिलेया स्योंमन् परमेश्‍वरजी ह्रोंसए ताँ बिमिंबै पबित्र म्‍हिमैंइ बिब् धोंले तोन्दोंरि सैमैं छारा लबै त्हे आखन् समा ख्रीष्‍ट स्वर्गर्न टिल् त्हुम्।

चेला चिब्मैंए केमैं 4:10

नासरतर्बै येशू ख्रीष्‍टए मिंर चु म्हि ससि क्हेमैंए उँइँर राइमुँ बिसि क्हेमै नेरो इस्राएलर्बै ताँन् म्हिमैंइ सेल् त्हुम्। क्हेमैंइ येशूलाइ क्रूसर च्योवाल, दिलेया परमेश्‍वरजी खीलाइ सिबउँइँले धबै सोगों लमिंइ।

रोमी 1:4

ङ्योए प्रभु येशू ख्रीष्‍ट सिसेया पबित्र प्ल्हए थेबै शक्‍तिउँइँले सोगों तबइले “येशू परमेश्‍वरए च्‍हन् ग!” बिबै प्रमान खीजी ङ्योलाइ उँइँमिंइ।

रोमी 2:7

तोन् तलेया छ्याँबै के लसि स्‍याबासि, इजेत नेरो खोंयोंइ आखाँबै छ्ह म्‍हैब्मैंलाइ परमेश्‍वरजी खोंयोंइ आखाँबै छ्ह पिंब्‍मुँ।

रोमी 4:25

ङ्योइ लबै पाप त्होमिंबै ल्हागिर येशू ख्रो तसि सिमिंइ, धै ङ्योलाइ ठिक ठर्दिबै ल्हागिर परमेश्‍वरजी येशूलाइ धबै सोगों लमिंइ।

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

१ कोरिन्थी 1:7

छतसि ङ्योए प्रभु येशू ख्रीष्‍ट युबै त्हिंइए घ्‍याँ ङ्ह्‍योरिमा क्‍हेमैंलाइ चैदिबै परमेश्‍वरउँइँले योंल् त्हुबै बरदान तो मुँलेया क्हेमैंने खाँचो तरिब् आरे।

गलाती 3:13

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।

फिलिप्पी 3:20

दिलेया ङ्योए नागरिकता स्वर्गर मुँ। छतसि ङ्योलाइ मुक्‍ति पिंबर स्वर्गउँइँले युबै प्रभु येशू ख्रीष्‍टए घ्याँ ङ्यो ङ्‍ह्‍योरिम्।

कलस्सी 1:18

खीए फिर बिश्‍वास लब्मैं खीए ज्यु ग, चमैंए क्र खीन् ग। खीजी चमैंलाइ सोल् लमिंमुँ। ख्रीष्‍ट ताँन् सै भन्दा थेब तरिगे बिसि परमेश्‍वरजी ताँन् भन्दा ओंसों ख्रीष्‍टलाइ सोगों लमिंइ।

१ थेसलोनिकी 1:7

छले माकेडोनिया नेरो अखैया ह्‍युलजरे मुँबै बिश्‍वासीमैंए म्हाँजोर क्‍हेमैं नमुना तइमुँ।

१ थेसलोनिकी 2:16

अरू ह्रेंमैंइ या जोगेरिगे बिसि ङिइ सैं तोंबै ताँ बिबर होंमा चमैंइ ङि पोंल् आपिं। छ लमा चमैंइ लरिबै आछ्याँबै के झन् ल्हें लइमु। छ तसि तोगो परमेश्‍वरए ह्रिस चमैंए फिरि बल्‍ल युइमु।

१ थेसलोनिकी 2:7

बरु क्‍हेमैंने टिमा आमाइ ह्रोंसए कोलोमैं सुसर लब् धोंले ङिइ क्‍हेमैंए सुसर लइ।

१ थेसलोनिकी 5:9

तलेबिस्याँ परमेश्‍वरजी ङ्योलाइ दण्ड पिंबै ल्हागिर त्‍हाँब आङिं, दिलेया ङ्योए प्रभु येशू ख्रीष्‍टउँइँले जोगेबर ओंसों ओंनोंन् खीजी ङ्योलाइ त्‍हाँब् ग।

२ तिमोथी 4:1

तिगें येशू ख्रीष्‍ट ग्याल्स लबर युब्‍मुँ। च त्हेर खीजी सियाब्‍मैं नेरो सोगोंमैं ताँनए निसाफ लब्‍मुँ। छतसि क्हिइ लल् त्हुबै के तो जा बिबै ताँ ङइ येशू ख्रीष्‍ट नेरो परमेश्‍वर आबाए उँइँर क्हिने बिमुँ।

तीतस 2:13

छाबै छ्ह थोमा ङ्योइ थेंबै आशा तो जा बिस्याँ: ङ्योए ताँन् भन्दा थेबै परमेश्‍वर ङ्योलाइ जोगेमिंबै येशू ख्रीष्‍ट थेबै मानले युबै त्हिंइ पैंरिब् ग।

हिब्रू 10:27

बरु ङ्हिंन् ङ्हाँबै दण्ड पैंसि टिल् त्हुम्, धै परमेश्‍वरए बिरोध लब्‍मैंलाइ नास लवाबै मिए राबा मत्‍त्रे तब्मुँ।

हिब्रू 9:28

छलेन ल्‍हें म्‍हिमैंए पाप त्होमिंबर ख्रीष्‍ट या तिब्‍ले ख्रो तसि सिमिंइ। दिलेया खी धबै युब्‍मुँ। च त्हेर खी म्हिमैंए पाप त्होमिंबै ल्हागिर आङिं, दिलेया सैं तोंदै खीलाइ ह्रेरिब्मैंलाइ जोगेमिंबर युब्‍मुँ।

१ पत्रुस 1:21

क्‍हेमैंइ ख्रीष्‍टउँइँले परमेश्‍वरए फिर बिश्‍वास लइ। परमेश्‍वरजी ख्रीष्‍टलाइ सिबउँइँले धबै सोगों लमिंसि बेल्‍ले थेबै मान पिंइ, छतसि क्‍हेमैंइ परमेश्‍वरए फिर बिश्‍वास नेरो आशा थेंल् खाँइ।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

१ पत्रुस 2:21

छाबै खालर्बै दुःख सैदिबै ल्हागिर्न खीजी क्‍हेमैंलाइ त्‍हाँब् ग। ख्रीष्‍टजी क्‍हेमैंए ल्हागिरि नमुना तसि थेबै दुःख सैदिइ, क्हेमैं खीए म्‍हैर्न प्रल् त्हुम्।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

२ पत्रुस 3:12

परमेश्‍वरए निसाफ लबै त्हिंइलाइ पैंरिल् त्‍हुम्। झाइले प्रभु येशू युबै त्हिंइ युनन तरिगे बिसि बेल्‍ले सैं झोंसि खीए के लद्। च त्हिंइर मुर मि लुँब्मुँ, धै चर मुँबै सैमैं ताँन् मिए राबाइ बिलिदिवाब्‍मुँ।

२ पत्रुस 3:14

छतसि ओ ङए थुमैं, च त्हिंइ खोंयों तब् ङ्‍हे बिसि क्हेमैं खीए घ्‍याँ ङ्ह्‍योब्मैं ग। छतसि प्रभुए उँइँर तोइ खोट नेरो छ्याब् आरेब् तसि ताँनने क्ह्रिसि टिबै भों लद्।

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।

दर्शन 1:7

ङ्ह्‍योत्ति, येशू न्‍हाँम्‍स्योर युइन मुँ। खीलाइ सैब्मैं नेरो अरू ताँन् म्हिमैंज्यै या खी म्रोंब्‍मुँ। छले खि युरिब् म्रोंमा ह्‍युलर्बै ताँन् म्हिमैं न्हुँ लसि क्रोब्‍मुँ। आमेन, छान् तरिगे।