१ पत्रुस 5:8 - परमेश्‍वरए ताँ तमु क्युइर

⁸ बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।

१ पत्रुस 5:8 Iomraidhean Croise

एस्तर 7:6

एस्तरइ बिइ, “ङलाइ सैल् म्हैबै ङिए शत्तुर चु दुष्‍ट हामानन् ग।” छ बिब् थेसि म्रुँ नेरो म्रुँस्योए ओंसों हामान बेल्‍ले ङ्हिंइ।

भजनमैं 104:21

चेंमैंइ ह्रोंसए चबै सै म्हैबर ङ्हेम्, चइ परमेश्‍वरउँइँले ह्रोंसए चबै सैमैं म्हैम्।

भजनमैं 109:6

छतसि ङए शत्‍तुरए बिरोध लबै ल्हागिर दुष्‍ट म्हि घ्रि त्हाँन्; धै चए फिर छ्याब् ल्हैदिबै म्हि चए क्योलोउँइँ राल् पिंन्।

हितोपदेश 19:12

म्रुँ ह्रिस खब सिंह ङ्‍हेब् धों तब् ग, दिलेया म्रुँइ ल्हयो खस्याँ छिर्बै शीत धों तम्।

हितोपदेश 20:2

ह्रिस खसि ङ्‍हेबै सिंहने ङ्हिंब् धोंलेन् ह्रिस खबै म्रुँने ङ्हिंन्; म्रुँलाइ ह्रिस खल् लबै म्हि सिल् त्हुम्।

हितोपदेश 28:15

दुष्‍ट म्रुँइ ग्याल्स लमा ङ्हाँदुमैं झन ङ्हाँदु तम्, छाबै म्रुँ ग्राँ-ग्राँ बिबै चें नेरो ह्‍वाखबै भलु धों तब् ग।

मत्ती 13:39

सम्रिं प्‍लुबै शत्तुर दुष्‍ट ग। रा-रोमैं खुबै त्हे बिस्याँ चु ह्‍युल नुयाबै त्हे ग। झाइले रा-रोमैं खुबै म्रोंमैं स्‍वर्गदूतमैं ग।

मत्ती 24:42

“छतसि न्हक्रों-मिक्रोंले टिद्, तलेबिस्याँ क्‍हेमैंए प्रभु खोंयों युब्‍मुँ बिसि क्‍हेमैंइ आसे।

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 4:1

झाइले दुष्‍टउँइँले येशूए जाँच लबर परमेश्‍वरए पबित्र प्ल्हजी येशूलाइ क्यु आयोंबै क्ल्ह्‍योरि बोयाइ।

मत्ती 4:11

येशूजी छ बिबै तोदोंन् दुष्‍ट खीलाइ वाथेंसि ह्‍याइ। धै स्‍वर्गदूतमैं युसि येशूए सेवा लइ।

मर्कूस 4:15

कोइ म्‍हिमैं घ्याँर फेबै प्लु धोंबन् मुँ। चमैंइ परमेश्‍वरए ताँ थेबै तोदोंन् दुष्‍टइ चमैंइ थेबै ताँ प्‍हेंबोम्। छतसि क्‍वेंल् आपिं।

लूका 21:34

“छतसि क्हेमैं खैले टिल् त्‍हुम् बिसि सैंर मैंसि टिद्! ल्हें चब-थुँबाए लिलि आप्रद्, प्हा ल्‍हें थुँसि आम्हेरद् धै छ्ह खैले थोब् ङ्‍हे बिसि न्हुँ आलद्। छले ह्‍युलर्बै सैमैंर सैं ह्‍यारिमा थाइ आसेल्‍ले तिखेर्न च त्हिंइर क्हेमैं ङोर स्‍याब् धोंले स्याब्मुँ।

लूका 21:36

छतसि च ङ्हिंन् तबै ताँमैंउँइँले जोगेसि म्हिए च्हए उँइँर राल् योंबै ल्हागिर परमेश्‍वरने प्राथना लब्रें लसि न्ह क्रोंले टिद्।”

लूका 22:31

“ओ सिमोन, सिमोन, थेद्! म्हिमैंइ नौलिर गहुँ टाब् धोंले दुष्‍टइ क्‍हि टाल् योंरिगे बिसि यो छ्युँ लइमुँ।

यूहन्‍ना 8:44

क्‍हेमैं ह्रोंसए आबा दुष्‍टल् ‍ग। छतसि क्‍हेमैंए आबाए सैंर मैंब् धोंले क्हेमैंइ लल् म्हैम्। चम् ओंसों ओंनोंन् सैब् म्‍लोब लमल। क्‍ह्रोंसेंन्‍बै ताँने चए ताँ खोंयोंन् बिलै क्ह्रिल् आखाँ। तलेबिस्याँ चने क्ह्रोंसेंन्बै ताँ तिफुँइ आरे। छतसि स्‍योर ताँ पोंम्, चए ब्योर खैतब् मुँ चइ छाबन् पोंम्, तलेबिस्याँ च स्‍योर्गु ग, च स्‍योर तेब्‍मैंए आबा ग।

२ कोरिन्थी 2:11

ङ्योए फिर दुष्‍टइ तोइ लल् आखाँरिगे बिसि च पाप लबै म्हिलाइ क्षमा पिंल् त्‍हुम्, तलेबिस्याँ दुष्‍टइ खैले पापर च्होवाम् बिब ङ्योइ सेइमुँ।

एफिसी 4:27

दुष्‍टलाइ मौका आपिंन्।

एफिसी 6:11

दुष्‍टए बिरोधर राल् खाँबै ल्हागिर परमेश्‍वरए बचन खोंयोंन् बिलै क्हेमैंए सैंर थेंन्।

१ तिमोथी 2:15

दिलेया च्हमिरिमैं थेब आप्हैंल्‍ले, बिश्‍वासर, म्हाँया नेरो पबित्र तइ टिइ बिस्याँ प्‍हसे फिमा परमेश्‍वरजी चमैं जोगेमिंब्मुँ।

१ तिमोथी 2:9

छलेन च्हमिरिमैंज्यै या ङ्‍हेंबै पैरन लसि, छ्याँबै बानि ब्योरमैं उँइँसि प्राथना लरिगे। धै छ्याँरिगे बिसि सै ल्हें फेबै क्वेंमैं नेरो घाँनामैं खिसि ठाँन् आतेरिगे।

१ तिमोथी 3:11

छलेन च्हमि-रिमैं या छ्याँबै बानि ब्योर मुँब, फ्रम् ताँ क्योंम् ताँ आलब, आछ्याँबै केमैं आलब, ताँनइ क्वेंब तल् त्‍हुम्।

१ तिमोथी 3:2

छतसि बिश्‍वासीमैं न्होंर्बै चिब तोइ छ्याब् आरेब, प्ह्रेंस्यो घ्रि मत्‍त्रे मुँब, आछ्याँबै सैमैंउँइँले जोगेल् खाँब, ताँनने क्ह्रिल् खाँब, ताँनइ क्वेंब, प्ह्रेंमैं मान लल् ह्रब, झाइले म्हिमैं छेनाले लोमिंल् खाँब,

२ तिमोथी 4:17

ताँन् म्हिमैंइ प्रभुए ताँ थेल् योंरिगे बिसि प्रभु ङए ङाँर रायुइ, धै खीए ताँ बिबै ल्हागिर ङलाइ भों पिंइ। छतसि ङ सिंहए सुँउँइँले स्योरसि खल् खाँइ।

तीतस 1:8

बरु प्‍ह्रेंमैं मान लब, अरूमैं छयाँब्-क्ह्‍युब् तरिगे ङ्हाँब, ह्रोंसलाइ अधीनर थेंल् खाँब, ताँनइ पदेवा, पबित्र, नेरो आछ्याँबै केमैं आल बिसि ह्रोंसए सैं फैल् खाँबै म्‍हि तल् त्‍हुम्।

तीतस 2:12

खीए दयाम्हाँयाउँइँले खीजी ङ्योलाइ पाप केमैं नेरो चु ह्‍युलर्बै सैमैं पिवासि, आछ्याँबै केमैंउँइँले सैं फैसि, भक्‍ति लसि छ्याँबै छ्ह थोब लोमिंम्।

तीतस 2:2

खेब्‍मैंलाइ “सैं फैल् खाँब, छ्याँबै बानि प्‍ह्‍याब, ताँ क्होब, बिश्‍वासर भोंब, ताँनलाइ म्हाँया लब, धै दुःखन् तलेया सैदिल् खाँब तल् त्हुम्,” बिसि लोमिंन्।

तीतस 2:4

झाइले चमैंइ छमिंमैंने “खेंमैंए प्‍युँमैं नेरो प्‍हसेमैंलाइ म्हाँया लब,

तीतस 2:6

छलेन फ्रेंसिमैंने या आछ्याँबै केमैंउँइँले ह्रोंसए सैं फैल् खाँल् त्हुम् बिसि छेनाले लोमिंन्।

याकूब 4:7

छतसि परमेश्‍वरजी बिब ङिंन्, दुष्‍टए ताँ आङिंन्। छलस्याँ दुष्‍ट क्‍हेमैंउँइँले न्हेह्‍याम्।

१ पत्रुस 1:13

छतसि च्हैंब् मैंब् लद्, न्ह क्रों मि क्रों तद्। येशू ख्रीष्‍ट धबै स्‍वर्गउँइँले युमा क्हेमैंइ योंबै दयाम्हाँयार क्ह्रोंसेंन्बै आशा थेंन्।

१ पत्रुस 4:7

ताँन् सै नुयाबै त्हे तखइमुँ। छतसि प्राथना लल् खाँरिगे बिसि छ्याँबै सैं प्ह्‍यासि न्ह क्रों मि क्रों तरिद्।

दर्शन 12:10

झाइले स्‍वर्गर छ बिबै थेबै कै ङइ थेइ, “तारे ङ्योए परमेश्‍वरजी ह्रोंसए म्हिमैं जोगेमिंइमुँ! खीजी ह्रोंसए ग्याल्स लबै भों उँइँमुँ! तारे परमेश्‍वरजी कुल्मिंबै म्रुँ ख्रीष्‍टजी ह्रोंसए ग्याल्स लबै हग उँइँमुँ! तलेबिस्याँ ङ्योए अलि-अङाँमैंलाइ परमेश्‍वरए उँइँर त्‍हिंयाँ म्‍हुँइँस छ्याब् ल्‍हैदिबै दुष्‍ट स्‍वर्गउँइँले मिखाएलइ भ्‍योंवाइमुँ।

दर्शन 12:12

छतसि स्‍वर्ग नेरो चर मुँब्‍मैं सैं तोंन्। दिलेया पृथ्‍बीर नेरो मा ङ्युँइर मुँब्मैंए फिर बिस्याँ थेबै दुःख तब्‍मुँ, तलेबिस्याँ च स्युर्गु दुष्‍ट क्‍हेमैं ङाँर युइमुँ, झाइले चए त्हे च्‍युगुदे मत्‍त्रे चैमुँ बिब् सेसि च बेल्‍ले ह्रिस खइमुँ।”

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 20:10

झाइले च ह्रेंमैंलाइ लुबै स्योर्गुलाइ बारुदए थाँ खबै लुँरिबै मिए होंल्दोंर भ्‍योंवाइ। च खेदो नेरो स्योर तेबै अगमबक्‍तालाज्यै या ओंसोंन् चर भ्‍योंवाल। चर चमैंइ त्‍हिंयाँ म्‍हुँइँस खोंयोंन् बिलै थेबै दुःख योंल् त्‍हुब्‍मुँ।

दर्शन 20:2

च स्‍वर्गदूतइ च अजिङ्गरलाइ, अथवा स्‍योंम्‍बै प्‍हुरिए क्हो किंबै स्‍योर्गु, शैतान बिबै दुष्‍टलाइ क्‍हासि हजार घ्रि बर्ष समा सँउँलिइ फैसि