१ पत्रुस 5:3 - परमेश्‍वरए ताँ तमु क्युइर

³ क्‍हेमैंए जिम्‍मार मुँब्‍मैंए फिर कल्हे प्हैंसि हौदिसि ह्रोंसए न्होंर थेंसि आङिं, बगालमैंए ल्हागिर क्हेमैंन् नमुना तसि छ्याँबै के लसि उँइँन्।

१ पत्रुस 5:3 Iomraidhean Croise

भजनमैं 33:12

याहवेहलाइ परमेश्‍वर बिसि म्हाँदिबै म्हिमैंइ आशिक योंम्। खीजी ह्रोंसए म्हिमैं लबर चमैंलाइ त्हाँइ।

भजनमैं 74:2

क्हिजी ओंसोंन् त्हाँबै म्हिमैं मैंमिंन्। क्हिए म्हिमैं तबर क्हिजी ङिलाइ केब्छैं तबउँइँले फ्रेसि पखइ! क्हि टिबै सियोन कों मैंमिंन्।

यूहन्‍ना 13:15

तलेबिस्याँ ङइ लब् धोंले क्‍हेमैंज्यै या लरिगे बिसि ङइ उँइँमिंइँमुँ। छतसि क्हेमैंज्यै या छान् लद्।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

१ कोरिन्थी 11:11

दिलेया प्रभुए उँइँर, प्ह्रेंस्यो या ह्रोंसए प्युँए न्होंर टिल् त्हुमुँ, छलेन प्युँ या ह्रोंसए प्ह्रेंस्योए न्होंर टिल् त्हुम्।

१ कोरिन्थी 3:5

अपोल्‍लोस खाब् जा? ङै या खाब् जा? ङिम् परमेश्‍वरए के लबै म्‍हिमैं मत्‍त्रे ग। ङिउँइँले क्‍हेमैंइ खीए फिर बिश्‍वास लइ। खीजी खटिदिबै के ङि लमुँ।

१ कोरिन्थी 3:9

ङि बालुन् परमेश्‍वरए के लब्मैं ग, क्‍हेमैं बिस्याँ छ्याँबै रोमैं रोमिंबै म्रों नेरो परमेश्‍वरए धिं ग।

२ कोरिन्थी 1:24

ङिइ क्‍हेमैंलाइ “छाबै बिश्‍वास ललन् त्‍हुम्” बिसि कर आल्‍हैदि, तलेबिस्याँ क्‍हेमैं ह्रोंसन् बिश्‍वासर भोंब तइमुँ। बरु क्‍हेमैंए सैं तोंन् लमिंबै ल्हागिर ङि क्‍हेमैंने क्ह्रिसि के लबै सैं मुँ।

२ कोरिन्थी 4:5

ङिइ ह्रोंसए ताँ आबि, दिलेया येशूए ल्हागिर ङि क्‍हेमैंए केब्छैंमैं धोंन् तसि येशू ख्रीष्‍टन् प्रभु ग बिबै ताँ ङि बिप्रम्।

फिलिप्पी 3:17

ओ अलि-अङाँमैं, ङइ लब् धोंले लरिद्। ङिइ लबै केमैं क्हेमैंइ म्रोंइमुँ, क्हेमैंज्यै या छान् लद्। छतसि ङिइ लब् धोंले लबै म्हिमैंलाइ ङ्ह्‍योसि चमैंए लिलि प्रद्।

फिलिप्पी 4:9

क्‍हेमैंइ ङउँइँले तो तो ताँ लोइ, धै तो ताँ थेइ, ङए छ्हर क्हेमैंइ तो ताँ म्रोंइ, च धोंन् लद्। छलस्याँ शान्‍ति पिंबै परमेश्‍वर क्‍हेमैंने तब्‍मुँ।

१ थेसलोनिकी 1:7

छले माकेडोनिया नेरो अखैया ह्‍युलजरे मुँबै बिश्‍वासीमैंए म्हाँजोर क्‍हेमैं नमुना तइमुँ।

२ थेसलोनिकी 3:9

ङिइ छलेन् चब् थुँब् योंबै हक मुँल, दिलेया ङिइ लब् धोंले क्‍हेमैंज्‍यै या लरिगे बिसि ङिइ छ लइ।

१ तिमोथी 4:12

ताँनए फिर म्हाँया लइरि बिश्‍वासर भोंब् तसि, छ्याँबै ताँमैं पोंसि, छ्याँबै बानि ब्योर उँइँसि, छेनाले छ्ह थोसि बिश्‍वासीमैंए उँइँर छ्याँबै नमुना तद्। तलेबिस्याँ फ्रेंसि छजोरे बिसि खाबज्यै या क्हिलाइ आक्वेंब आतरिगे।

तीतस 2:7

क्हिइ तो सैरै या स्योर आतेद्, ह्रोंसइ लबै ताँन् केमैंर छ्याँबै नमुना उँइँल् त्‍हुम्। छतमा क्हिइ बिबै ताँमैं या अरूइ क्वेंरिगे।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।