१ पत्रुस 4:1 - परमेश्‍वरए ताँ तमु क्युइर

¹ येशू ख्रीष्‍टजी खैले दुःख नोल, छलेन क्‍हेमैंज्‍यै या दुःख नोल् त्हुलेया नोम् बिबै सैं लद्। तलेबिस्याँ ज्युर दुःख नोबै म्हिमैंइ पाप लब पिवाम्।

१ पत्रुस 4:1 Iomraidhean Croise

मर्कूस 3:3

येशूजी च यो ओलेल् आतबै म्‍हिने, “क्‍हि छुइ खो,” बिइ।

रोमी 6:11

च धोंलेन् क्‍हेमैंज्‍यै या ह्रों-ह्रोंसलाइ पापए लेखि सिसि परमेश्‍वरए मान लबै ल्हागिर ख्रीष्‍टने बालुन् सोरिइमुँ बिसि मैंल् त्‍हुम्।

रोमी 6:2

कत्ति आङिं! छ लब आत। पापए लेखि ङ्यो सिल् खाँइ, छतसि ङ्यो अझै पापन् लरिब् आ?

रोमी 6:7

तलेबिस्याँ सियाल् खाँबै म्‍हिइ पाप आल।

गलाती 2:20

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

गलाती 5:24

येशू ख्रीष्‍टए म्हिमैंइ खेंमैंए सैंउँइँले खबै आछ्याँबै इच्छामैं नेरो आछ्याँबै केमैं येशूने प्रेन् क्रूसर च्योवासि नास लवाइमु।

एफिसी 6:13

छतसि परमेश्‍वरए बचनइ बिब् धोंलेन् प्रद्। छले प्रसि क्हेमैंए फिर खैबै दु:ख तना बिलेया सैदिल् खाँब्मैं तद्।

फिलिप्पी 2:5

क्हेमैंए सैं येशू ख्रीष्‍टए सैं धों तब प्ह्‍याद्।

हिब्रू 12:3

पापि म्‍हिमैंइ खीए बिरोधर पोंबै च्‍हौ ल्‍हें ताँमैं सैदिल् खाँबै येशूलाइ मैंन्, धै आनरल्‍ले ओंसों बडिद्।

हिब्रू 4:10

तलेबिस्याँ परमेश्‍वरजी ह्रोंसए ताँन् केमैं लल् खाँसि भों न्हब् धोंले खीजी भों न्हल् पिंबै क्ल्ह्‍योर होंब्मैं ताँनइ ह्रोंसइ लबै केउँइँले भों न्‍हल् योंम्।

१ पत्रुस 2:21

छाबै खालर्बै दुःख सैदिबै ल्हागिर्न खीजी क्‍हेमैंलाइ त्‍हाँब् ग। ख्रीष्‍टजी क्‍हेमैंए ल्हागिरि नमुना तसि थेबै दुःख सैदिइ, क्हेमैं खीए म्‍हैर्न प्रल् त्हुम्।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।