१ पत्रुस 3:7 - परमेश्‍वरए ताँ तमु क्युइर

⁷ छलेन ओ मुँयुँमैं, ह्रोंसए प्ह्रेंस्योने बालु सैं क्ह्रिसि टिद्। क्‍हेमैं भन्दा चमैं आभोंब् मुँ बिब् सेसि ताँन् सैर चमैंलाइ मान लद्, तलेबिस्याँ परमेश्‍वरजी पिंबै छ्ह क्‍हेमैं ङ्हिंना-ङ्हिंनइ योंबै हग बराबर मुँ। क्‍हेमैंए प्राथनार बाधा आखरिगे बिसि ह्रोंसए प्ह्रेंस्योने छेनाले क्‍ह्रिसि टिद्।

१ पत्रुस 3:7 Iomraidhean Croise

मत्ती 18:19

धबै ङ क्हेमैंने बिमुँ, पृथ्‍बीरि क्‍हेमैंए न्‍होंरि म्‍हि ङ्हिं क्ह्रिसि सैं घ्रिलेन् प्राथना लस्याँ क्हेमैंइ तो सै ह्रिलेया स्‍वर्गर मुँबै ङए परमेश्‍वर आबाजी च सै क्हेमैं पिंब्‍मुँ।

१ कोरिन्थी 7:3

प्युँइ ह्रोंसए प्ह्रेंस्योए ल्हागिर लल् त्‍हुबै केमैं लरिगे, छलेन प्ह्रेंस्योज्यै या प्युँए ल्हागिर लल् त्‍हुबै केमैं लरिगे।

एफिसी 3:6

खीए सैंर्बै लोथेंबै चाँजो तो जा बिस्‍याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्‍वेंस्‍याँ चमैंज्यै या परमेश्‍वरउँइँले आशिक योंब्‍मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्‍वरजी येशू ख्रीष्‍टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।

एफिसी 4:30

परमेश्‍वरए पबित्र प्ल्हलाइ सैं नल् आलद्। परमेश्‍वरजी आखिरि त्हिंइर स्‍वर्गर बोबै ल्हागिर खीजी क्हेमैंए फिर ह्रोंसए पबित्र प्ल्हजी छाप ल्हैदिइमुँ।

एफिसी 5:33

तो मुलेया क्‍हेमैं ताँन् ह्रोंसलाइ धोंलेन् मुँयुँमैंइ ह्रोंसए प्‍ह्रेंस्‍योलाइ म्हाँया लल् त्‍हुम्, छलेन प्ह्रेंस्योमैंज्यै या ह्रोंसए प्‍युँलाइ मान लल् त्‍हुम्।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

कलस्सी 3:19

ओ मुँयुँमैं, क्‍हेमैंए प्‍ह्रेंस्‍योलाइ म्हाँया लद्, चमैंए फिर सैं सार् आप्‍ह्‍याद्।

१ थेसलोनिकी 4:4

झाइले क्‍हेमैं मुँयुँमैंइ ह्रोंसए ज्यु ह्रोंसए अधीनर थेंसि ह्रोंसए प्‍ह्रेंस्‍यो पइ खमा परमेश्‍वरए उँइँर नेरो म्हिमैंए उँइँर छ्याब आरेल्‍ले टिद्।

तीतस 3:7

छतसि खीए दयाम्हाँयाउँइँले ङ्योलाइ ठिक ठर्दिसि ङ्योइ खोंयोंइ आखाँबै छ्ह योंम् बिसि ह्रेइ टिबै हग मुँब्मैं तइमुँ।

हिब्रू 1:14

स्‍वर्गदूतमैं बिब, परमेश्‍वरए सेवा लबै प्ल्हमैं ग। धै परमेश्‍वरजी येशूए फिर बिश्‍वास लसि मुक्‍ति योंब्मैं ल्होबै ल्हागिरै या चमै कुल्‍मिंम्।

१ पत्रुस 3:1

ओ च्हमिरिमैं, ह्रोंसए प्‍युँए न्होंर टिद्। तलेबिस्याँ कोइ च्हमिरिए प्‍युँ परमेश्‍वरउँइँले खबै सैं तोंबै ताँ थेल् आङिंलेया क्हेमैंए छ्याँबै बानि ब्योर म्रोंसि चमैंए सैं एब्‍मुँ। क्हेमैंइ तोइ बिल् आत्‍हु,