१ पत्रुस 3:3 - परमेश्‍वरए ताँ तमु क्युइर

³ क्‍हेमैं छ्याँब् म्रोंरिगे बिसि सै ल्हें फेबै क्‍वें नेरो घाँनामैं खिसि क्र सिंङ्गार्दिसि प्रब आङिं।

१ पत्रुस 3:3 Iomraidhean Croise

उत्पत्ति 24:22

सलुमैंइ क्यु थुँल् खाँबै लिउँइँ च म्हिइ आधा तोलाए माराए फुलि नेरो तोला च्युए माराए रयाँ ङ्हिं ट्हुइसि रिबेकाने

उत्पत्ति 24:47

“झाइले ङइ ‘क्हि खाबए च्हमि जा?’ बिसि चने ङ्योएमा चइ ‘नाहोर नेरो मिल्काए च्ह बतूएलए च्हमि ग’ बिइ। छबिमा चए नखुँर ङइ फुलि नेरो योर रयाँमैं खिमिंइ।

उत्पत्ति 24:53

च लिउँइँ चइ मारा नेरो चाँदिए घाँनामैं नेरो क्वेंमैं पखसि रिबेकालाइ पिंइ। चए आघें नेरो आमालाज्यै या सै ल्हें फेबै ह्रोमै-क्होल्सैमैं पिंइ।

एस्तर 5:1

बर्त टिसि सोंरोर एस्तरइ म्रुँस्योइ खिल् त्हुबै क्वें खिइ, धै म्रुँए दरबारए न्होंर्बै ह्‍युर ह्‍यासि रारिइ। च त्हेर म्रुँ ह्रोंसए गद्दिर क्हुँसि मुल म्राउँइँ ह्‍वेंरिल।

भजनमैं 45:9

क्हिउँइँले मान योंबै च्हमिरिमैं न्होंर म्रुँमैंए च्हमिमैं या मुँ; क्हिए क्योलोउँइँ ओपीरर्बै माराए घानइ पैरिदिबै म्रुँस्यो राइमुँ।

प्रस्थान 3:22

क्हेमैंए च्हमिरिमैं ताँनइ ह्रोंसए मिश्री ङ्‍हेब् ट्हुब् नेरो चए धिंर टिबै मिश्री च्हमिरिने मारा चाँदिए घाँनामैं नेरो क्वेंजग ह्रिब्मुँ। धै क्हेमैंइ च सैमैं ह्रों-ह्रोंसए च्ह च्हमिमैं खिमिंब्मुँ। छले क्हेमैंइ मिश्रीमैंए सैमैं किंसि ह्‍याब्मुँ।”

प्रस्थान 32:2

छबिमा हारूनइ चमैंने बिइ, “क्हेमैंए म्रिं नेरो च्ह-च्हमिंमैंइ न्हप्हेर खिबै माराए रिंङमैं प्लिसि ङ ङाँर पखो।”

प्रस्थान 33:4

चु ताँ थेसि म्हिमैंइ न्हुँ लसि खाबज्यै या घानामैं आखि।

प्रस्थान 35:22

सैं प्ल्हसि पिंदा ङ्हाँबै मुँयुँमैं नेरो च्हमिरिमैइ ल्हें खालर्बै माराए घानामैं, पिन, न्हखुमैं, च्यामैं, सिक्रिमैं सजेबै सैमैं पसि याहवेह मिंर थेंमिइ।

प्रस्थान 38:8

पबित्र तम्बुए म्रार के लबै च्हमिरिमैंइ ङ्‍ह्‍योबै दर्पनउँइँले (ऐना) चइ काँसाए क्यु झोंबै भाँडो नेरो च भाडोए प्हले बनेइ।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

१ पत्रुस 3:2

तलेबिस्याँ क्हेमैंइ परमेश्‍वरलाइ छेनाले म्हाँदिसि छ्याँबै बानि लब् म्रोंसि चमैंए सैं एब्‍मुँ।