१ पत्रुस 3:12 - परमेश्‍वरए ताँ तमु क्युइर

¹² तलेबिस्याँ ठिक के लब्‍मैंलाइ परमेश्‍वरजी छेनाले छैं लरिमुँ, धै न्ह क्रोंले खीजी चमैंए प्राथना थेमुँ, दिलेया आछ्याँबै के लब्‍मैंलाइ खीजी बिरोधर लम्।”

१ पत्रुस 3:12 Iomraidhean Croise

भजनमैं 11:4

दिलेया याहवेह ह्रोंसए पबित्र क्ल्ह्‍योर मुँ; याहवेहए राजगद्दि स्वर्गर मुँ; खीजी म्हिमैंलाइ छेनाले ङ्‍ह्‍योमुँ; खीजी ह्रोंसए मिजी चमैंए जाँच लमुँ।

भजनमैं 33:18

दिलेया याहवेहजी खीने ङ्हिंब्मैंए छैं लम्; तलेबिस्याँ चमैंइ खीए खोंयोंइ आनुबै म्हाँयाए फिर आशा थेंइमुँ।

भजनमैं 65:2

ओ प्राथना थेमिंबै परमेश्‍वर, क्हिए प्हलेर्न ताँन् म्हिमैं खब्मुँ।

भजनमैं 80:16

दिलेया शत्तुरमैंइ क्हिए अँगुरए धुँ थोवासि मिइ ख्रोंइमुँ! क्हिजी हौदिमा क्हिए म्हिमैं नास तयाम्!

हितोपदेश 15:29

दुष्‍ट म्हिमैंउँइँले याहवेह ह्रेंगो टिम्, दिलेया ठिक के लब्मैंए प्राथना खीजी थेम्।

हितोपदेश 15:3

याहवेहजी खन्तोदोंन् ङ्ह्‍योरिम्, दुष्‍ट म्हि नेरो छ्याँबै म्हिमैं ङ्हिंन-ङ्हिंए फिर मि छरिम्।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

यूहन्‍ना 9:31

परमेश्‍वरजी पापिमैं ताँ आथे, दिलेया परमेश्‍वरने ङ्हिंसि खीए मान लब्‍मैं नेरो खीजी बिब् धोंले के लब्‍मैंए ताँ परमेश्‍वरजी थेम् बिसि ङ्योइ सेइमुँ।

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।