१ पत्रुस 2:4 - परमेश्‍वरए ताँ तमु क्युइर

⁴ छतसि प्रभु येशू ङाँर ह्‍याद्। खी खोंयोंइ तरिबै पारा धों तब् ग। म्हिमैंइ खीलाइ आक्वेंसि तो धोंइ आङ्हाँलैया खी परमेश्‍वरजीन् त्हाँब नेरो योंसे योंल् आखाँब मुँ।

१ पत्रुस 2:4 Iomraidhean Croise

मत्ती 11:28

“ओ ताँन् ल्हिबै ते नोसि नारब्मैं, ङ ङाँर खो, ङइ क्‍हेमैंलाइ भों न्‍हल् पिंब्मुँ।

मत्ती 12:18

“ङ्ह्‍योत्ति, ङए के लबै म्हि, खीलाइ ङइ त्हाँइमुँ। ङइ खीलाइ खोम्, खी म्रोंसि ङ बेल्‍ले सैं तोंइमुँ। खीए फिर ङए प्ल्ह कुल्मिंब्मुँ। छतसि खीजी ताँन् ह्रें-ह्रेंमैंए फिर निसाफ लब्‍मुँ।

मत्ती 21:42

येशूजी चमैंने बिइ, “परमेश्‍वरए छ्वेर प्‍ह्रिबै चु ताँ क्‍हेमैंइ आखेइमुँ वा? ‘धिं लब्‍मैंइ केर आफे बिसि भ्योंवाबै युँमान् धाँसे तेंर्बै क्र युँमा तइमुँ। चु परमेश्‍वरउँइँले तब् ग। ङ्योए उँइँर चु के आचम्‍मबै मुँ।’

यूहन्‍ना 14:19

तारे तिस्‍याँदे लिउँइँ ह्‍युलर्बै म्हिमैंइ ङ म्रोंरिब् आरे। दिलेया क्हेमैंइ बिस्याँ ङ म्रोंब्मुँ। ङ सोगों तबइले क्हेमैं या सोगों तरिब्मुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 5:26

तलेबिस्याँ आबा ह्रोंसनेन् खोंयोंइ आखाँबै छ्ह मुँ, छलेन खीजी च्हलाज्यै या छ्हए मुल तबै हग पिंइमुँ।

यूहन्‍ना 5:40

दिलेया क्‍हेमैं खोंयोंइ आखाँबै छ्ह योंबर ङ ङाँर खल् आङिं।

यूहन्‍ना 6:37

ङए आबाजी ङने पिंब्‍मैं ताँन् ङ ङाँर खब्‍मुँ, धै ङ ङाँर खब्‍मैंलाइ ङइ खैलसे या पिरिब् आरे।

यूहन्‍ना 6:57

सोगों परमेश्‍वर आबाजी ङ कुल्मिंइ, धै आबाए शक्‍तिउँइँलेन् ङ सोरिमुँ। छलेन ङलाइ चब्मैं या ङए शक्‍तिउँइँले सोरिब्मुँ।

रोमी 5:10

तलेबिस्याँ ङ्यो परमेश्‍वरए शत्तुर मुँमन् खीए च्‍ह येशू ख्रीष्‍ट सिमिंबइले परमेश्‍वरजी ङ्यो खीए म्हिमैं तल् पिंइमुँ बिस्याँ, खीए म्हिमैं तबइले झन् ख्रीष्‍टए कोजी ङ्योलाइ खैलेबिलेन् जोगेमिंब्मुँ।

१ कोरिन्थी 3:11

परमेश्‍वरजी झोंबै तें येशू ख्रीष्‍ट ग। म्हिमैंइ येशू बाहेक अरू तें झोंल् आखाँ।

कलस्सी 3:4

ङ्योलाइ छ्ह पिंब येशू ख्रीष्‍ट ग, धै खी धबै ह्‍युलर युमा क्हेमैं या खीने बालुन् म्रोंसि मान योंब्मुँ।

१ पत्रुस 1:19

दिलेया तोइ खोट नेरो तोइ छ्याब् आरेबै क्यु झज धों तसि ख्रीष्‍टजी को पिंसि क्हेमैंलाइ खामिंइमुँ।

१ पत्रुस 1:7

च दुःखमैं तले तम् बिस्याँ क्‍हेमैंइ छेनाले बिश्‍वास लन उ आलन बिसि तब् ग। मारा मिर ख्रोंसि जाँच लब् धोंले क्‍हेमैंलाज्यै या जाँच लब् ग, दिलेया क्‍हेमैंए बिश्‍वास नास तयाबै मारा भन्दा सै ल्हें फेम्। छतसि येशू ख्रीष्‍ट एयुबै त्हिंइर क्‍हेमैंए बिश्‍वास बेल्‍ले छ्याँब तसि क्हेमैंइ स्याबासि, मान नेरो छ्याँबै बयन योंब्मुँ।

१ पत्रुस 2:7

छतसि क्हेमैं बिश्‍वास लब्मैंए ल्हागिर च युमाँ बेल्‍ले थेब सै लसे लल् आखाँब मुँ, दिलेया बिश्‍वास आलब्मैंए ल्हागिर बिस्याँ, “धिं बनेब्मैंइ केर आफे बिसि भ्योंवाबै युँमान् तेंर्बै क्र युँमा तइ।”

२ पत्रुस 1:1

येशू ख्रीष्‍टए के लबै कुल्मिंबै चेला चिब ङ सिमोन पत्रुसउँइँले क्हेमैंलाइ जय मसीह मुँ। ङ्योए परमेश्‍वर नेरो ङ्योलाइ जोगेमिंबै येशू ख्रीष्‍टजी खाबलाज्यै या आफेलल्‍ले ठिक के लइमुँ। खीजी ङिलाइ पिंब् धोंले क्हेमैंलाज्यै या ठिक बिश्‍वास लल् पिंइमुँ।

२ पत्रुस 1:4

छलेन ह्रोंसए सैंउँइँले खबै आछ्याँबै केमैं लब् पिरिगे, धै क्हेमैंइ छ्याँबै बानि ब्योरउँइँले परमेश्‍वरजी लब् धोंबै छ्याँबै केमैं लरिगे बिसि खीजी बाछा फैब् धोंले ङ्योलाइ सै ल्हें फेबै बरदानमैं पिंइमुँ।