१ पत्रुस 2:13 - परमेश्‍वरए ताँ तमु क्युइर

¹³ छतसि प्रभुए मिं आह्‍यारिगे बिसि म्हिमैंइ थेंबै शासकमैं नेरो म्रुँए न्होंर टिद्।

१ पत्रुस 2:13 Iomraidhean Croise

हितोपदेश 17:11

दुष्‍ट म्हिइ प्होंगि कैगि मत्‍त्रे लल् म्हैम्, छतसि सारो सैं मुँबै म्हि घ्रि चए बिरोधर कुलब्मुँ।

हितोपदेश 24:21

ओ ङए च्ह, याहवेहए मान् लद्, धै म्रुँ बिब् ङिंन्, धै याहवेह नेरो म्रुँए बिरोध लब्मैंने आक्ह्रिद्,

मत्ती 22:21

चमैंइ खीने “चु कैसर म्रुँल् ग,” बिइ। येशूजी चमैंने बिइ, “छतसि कैसरलाइ पिंल् त्हुबै सै कैसरलाइन पिंन्, धै परमेश्‍वरलाइ पिंल् त्हुबै सै परमेश्‍वरलाइन पिंन्।”

मर्कूस 12:17

झाइले येशूजी चमैंने बिइ, “कैसर म्रुँलाइ पिंल् त्हुबै सैमैं म्रुँलाइन पिंनुँ, परमेश्‍वरलाइ पिंल् त्हुबै सैमैं परमेश्‍वरलाइन पिंनुँ।” येशूए ताँ थेसि चमैं प्लेटोयाइ।

लूका 20:25

येशूजी चमैंने बिइ, “छ बिस्याँ कैसर म्रुँलाइ पिंल् त्हुबै सै कैसर म्रुँलाइन पिंन्। धै परमेश्‍वरए मिंर पिंल् त्हुबै सै परमेश्‍वरलाइन पिंन्।”

एफिसी 5:21

ख्रीष्‍टलाइ म्हाँदिबइले क्‍हेमैं ताँन् घ्रि घ्रिए न्होंर टिल् त्‍हुम्।

तीतस 3:1

“सरकार नेरो अधिकार मुँबै म्हिमैंए न्होंर टिद्, चमैंइ बिबै ताँ ङिंन्, झाइले छ्याँबै के लबर खोंयोंइ बिलै तयार तद्,” बिसि क्‍हिने मुँबै येशूए फिर बिश्‍वास लबै म्‍हिमैंलाइ चु ताँमैं मैंमिंन्।

१ पत्रुस 2:17

ताँन् म्‍हिमैंलाइ मान लद्। येशूए फिर बिश्‍वास लबै अलि अङाँमैंलाइ म्हाँया लद्, परमेश्‍वरने ङ्हिंन्, धै म्रुँलाइ मान लद्।

२ पत्रुस 2:10

बिलन् त्हुमा च म्हिमैं छाब् तम्: चमैंइ ह्रोंसलाइन पापर च्होवाबै केमैं लम्। चमैंइ परमेश्‍वरजी ल्हैदिबै ताँ आङिं। धै छ्याँबै के लबै स्वर्गदूतमैंलाज्यै या चमैंइ तो धोंइ आङ्हाँन्ले पोंम्।