१ पत्रुस 1:3 - परमेश्‍वरए ताँ तमु क्युइर

³ ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

१ पत्रुस 1:3 Iomraidhean Croise

भजनमैं 41:13

इस्राएलए याहवेह परमेश्‍वरए मिं खोंयोंन् बिलै थेब् तरिगे। आमेन। छान् तरिगे।

भजनमैं 86:15

दिलेया ओ प्रभु, क्हि ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

भजनमैं 86:5

तलेबिस्याँ ओ प्रभु, क्हि स्वाब नेरो क्षमा पिंरिब् मुँ, क्हिए मिं किंब्मैं ताँनलाइ क्हिजी खोंयोंइ आनुबै थेबै म्हाँया लम्।

प्रस्थान 34:6

च लिउँइँ याहवेह चए ओंसोंउँइँले ह्‍यासि छ बिसि ओरइ, “याहवेह, याहवेह! ङ म्हिमैंए फिर बेल्‍ले म्हाँया नेरो ल्हयो खबै पइरमेश्‍वर ग! ङ युनन् ह्रिस आख, थेबै म्हाँया लमुँ, भर पर्दिल् खाँब् मुँ।

योना 4:2

झाइले चइ याहवेहने प्राथना लसि बिइ, “ओ याहवेह, ह्रोंसए ह्‍युलर मुँबै त्हेर ङइ बिब् धोंन् तइ, आङिं वा? छतसि ङ तर्शिशर ह्‍याबै सैं लइ, तलेबिस्याँ क्हि दयाम्हाँया लबै परमेश्‍वर ग, ल्हयो लमुँ, ह्रिस खबर क्हैमुँ धै बेल्‍ले थेबै म्हाँया लम्। धै नास लबै ताँउँइँले सैं एम् बिसि ङइ सेइमुँ।

यूहन्‍ना 1:13

चमैं म्हिए सैंर मैंब् धोंले से ने को कोंसि फिब आङिं, परमेश्‍वरउँइँले फिब्मैं ग।

रोमी 12:12

क्‍हेमैंइ थेंबै आशार सैं तोंन्ले टिरिद्। दुःख तमा सैं भोंब लद्। झाइले खोंयोंन् बिलै प्राथना लरिद्।

रोमी 15:13

छतसि पबित्र प्ल्हए शक्‍तिजी क्‍हेमैंए आशा बडिमिंरिगे बिसि क्ह्रोंसेंन्बै आशा पिंबै परमेश्‍वरए फिर क्हेमैंइ बिश्‍वास लबइले क्‍हेमैंइ सैं तोंसि छिं ङ्हाँल् योंरिगे।

रोमी 4:25

ङ्योइ लबै पाप त्होमिंबै ल्हागिर येशू ख्रो तसि सिमिंइ, धै ङ्योलाइ ठिक ठर्दिबै ल्हागिर परमेश्‍वरजी येशूलाइ धबै सोगों लमिंइ।

रोमी 5:10

तलेबिस्याँ ङ्यो परमेश्‍वरए शत्तुर मुँमन् खीए च्‍ह येशू ख्रीष्‍ट सिमिंबइले परमेश्‍वरजी ङ्यो खीए म्हिमैं तल् पिंइमुँ बिस्याँ, खीए म्हिमैं तबइले झन् ख्रीष्‍टए कोजी ङ्योलाइ खैलेबिलेन् जोगेमिंब्मुँ।

रोमी 8:11

चए फिरै या येशू सिसेया परमेश्‍वरजी खीलाइ धबै सोगों लमिंइ। छतसि खीए प्ल्ह क्‍हेमैंए सैंर टिस्याँ ख्रीष्‍टलाइ सोगों लमिंबै परमेश्‍वरए प्ल्हजी क्‍हेमैंए सिल् त्‍हुबै ज्यु या सोगों लमिंब्मुँ।

रोमी 8:24

ङ्योइ थेंबै आशा ताँन् पूरा तरिगे बिसि परमेश्‍वरजी ङ्योलाइ जोगेमिंइ। (म्रोंबै सैमैंल खाबज्‍यै आशा आल।

१ कोरिन्थी 13:13

छतसि खीए फिर थेंबै बिश्‍वास, खीए फिर लबै आशा नेरो म्हाँया लब, चु ताँ सों खोंयोंइ तरिम्। चुमैं न्‍होंरि ताँन् भन्दा थेब म्हाँया लब् ग।

१ कोरिन्थी 15:20

दिलेया छ बिब आत! ख्रीष्‍ट सिबउँइँले धबै सोगों तब क्‍ह्रोसेंन् ग। सियाब्‍मैं न्‍होंरि ताँन् भन्दा ओंसों येशू सिबउँइँले सोगों तइ। छतसि सिसि न्‍हरु च्‍हुइरिब्‍मैं धबै सोगों तब्मुँ बिबै प्रमाण येशू ख्रीष्‍टन् ग।

२ कोरिन्थी 1:3

ङ्योए प्रभु येशू ख्रीष्‍टए परमेश्‍वर, अथवा खीए आबाजी ङ्योए फिर ल्हयो खसि सैं क्होमिंम्। छतसि खीए मिं खोंयोंन् बिलेया थेब तरिगे।

गलाती 6:16

छतसि ङइ बिब् धोंले छ्ह थोब्मैंए फिर नेरो परमेश्‍वरए ताँन् म्‍हिमैंए फिर परमेश्‍वरए दयाम्हाँया नेरो शान्ति खोंयोंन् बिलै तरिगे।

एफिसी 1:17

ङ्योए प्रभु येशू ख्रीष्‍टए आबा थेबै मान मुँबै परमेश्‍वरजी खीए बारेर अझै क्‍हेमैंइ छेनाले क्होबै ल्हागिर खीए ज्ञान बुद्धि नेरो पबित्र प्ल्ह पिंरिगे बिसे या ङइ क्हेमैंए ल्हागिर प्राथना लइन मुँ।

एफिसी 1:3

ङ्योए प्रभु येशू ख्रीष्‍टए परमेश्‍वर नेरो आबाए मिं थेब् तरिगे! खीजी ङ्योलाइ ख्रीष्‍टने घ्रिन् लमिंसि पबित्र प्ल्हउँइँले योंबै स्वर्गर्बै ताँन् आशिकमैं पिंइमुँ।

एफिसी 1:7

ङ्योइ लबै पाप त्होमिंबै ल्हागिर ख्रीष्‍टजी को बग्दिसि ङ्योलाइ खामिंइ, ङ्योए आछ्याँबै केमैं क्षमा लमिंइ। परमेश्‍वरए दयाम्हाँया बेल्‍ले थेब् मुँ!

एफिसी 2:4

दिलेया सजैं पिंबै साटोर परमेश्‍वरजी बेल्‍ले ल्हयो खसि थेबै म्हाँया लइ।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।

कलस्सी 1:23

छतसि येशू ख्रीष्‍टए फिर भोंन्ले बिश्‍वास लसि क्‍हेमैंइ ख्रीष्‍टउँइँले खबै सैं तोंबै ताँउँइँले योंबै आशा आपिल्‍ले टिद्। (च आशा तो मुँ बिस्याँ ङ्यो येशूने बालु स्‍वर्गर तब्मुँ।) चु सैं तोंबै ताँ बिप्रबै ल्हागिर परमेश्‍वरजी ङ पावलइ या के लबर त्हाँइमुँ, धै चु ताँ स्वर्ग न्होंरि ह्‍युल तिगोंन् ताँन् म्‍हिमैंने बिमिंइमुँ।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।

१ थेसलोनिकी 1:3

छले प्राथना लमा चु ताँमैं सों ङिए सैंर मैंम्: क्‍हेमैंइ प्रभु येशूए फिर बिश्‍वास लसि छ्याँबै के लइमुँ। झाइले ताँनने म्हाँया लसि क्‍हेमैंइ थेबै के लइमुँ। प्रभु येशू ख्रीष्‍ट क्ह्रोंसेंन धबै युब्‍मुँ बिसि क्‍हेमैंइ थेबै बिश्‍वास लइमुँ।

१ थेसलोनिकी 4:13

ओ अलि-अङाँमैं, न्‍हरु च्‍हुइरिब्‍मैंए बारेर क्‍हेमैंइ था सेरिगे झाइले प्रभु येशूए फिर आशा आलब्‍मैंइ धोंले न्हुँ आलरिगे बिब ङिए सैं मुँ।

२ थेसलोनिकी 2:16

परमेश्‍वरजी ङ्योलाइ म्हाँया लइमुँ धै खीए दयाम्हाँयाउँइँले ङ्योलाइ थेबै आशा नेरो सैं क्होल् लबै भों पिंइमुँ। धै ङ्योए प्रभु येशू ख्रीष्‍ट नेरो ङ्योए परमेश्‍वर आबाजी

१ तिमोथी 1:14

ङ्योए प्रभुजी खीए बेल्‍ले थेबै दयाम्हाँया ङलाइ उँइँमिंइ। धै ङलाइ खीने घ्रिन् लमिंसि बिश्‍वास नेरो म्हाँया लबै शक्‍ति ङलाइ पिंइ।

तीतस 2:13

छाबै छ्ह थोमा ङ्योइ थेंबै आशा तो जा बिस्याँ: ङ्योए ताँन् भन्दा थेबै परमेश्‍वर ङ्योलाइ जोगेमिंबै येशू ख्रीष्‍ट थेबै मानले युबै त्हिंइ पैंरिब् ग।

हिब्रू 3:6

दिलेया ख्रीष्‍ट बिस्याँ परमेश्‍वरए च्‍ह मुँल। छतसि ङ्योइ थेंबै आशार लिउँइँ समा खीए फिर भर थेंसि सैं भोंब् लरिस्याँ ङ्यो या परमेश्‍वरए प्हसेमैं तम्।

याकूब 1:18

खीजी बनेबै ताँन् सैमैं न्‍होंर ङ्यो ओंसोंबै रो धों तरिगे बिसि खीए सैंर मैंब् धोंले खीए क्‍ह्रोंसेंन्‍बै ताँउँइँले ङ्यो खीए प्‍हसेमैं तल् पिंइ।

१ पत्रुस 1:13

छतसि च्हैंब् मैंब् लद्, न्ह क्रों मि क्रों तद्। येशू ख्रीष्‍ट धबै स्‍वर्गउँइँले युमा क्हेमैंइ योंबै दयाम्हाँयार क्ह्रोंसेंन्बै आशा थेंन्।

१ पत्रुस 1:21

क्‍हेमैंइ ख्रीष्‍टउँइँले परमेश्‍वरए फिर बिश्‍वास लइ। परमेश्‍वरजी ख्रीष्‍टलाइ सिबउँइँले धबै सोगों लमिंसि बेल्‍ले थेबै मान पिंइ, छतसि क्‍हेमैंइ परमेश्‍वरए फिर बिश्‍वास नेरो आशा थेंल् खाँइ।

१ पत्रुस 1:23

तलेबिस्याँ क्‍हेमैंइ परमेश्‍वरए खोंयोंइ तरिबै सोगों बचनउँइँले खोंयोंइ आखाँबै छ्ह योंइमुँ। चु छ्ह क्‍हेमैंए आबा-आमाउँइँले योंब आङिं, खोंयोंन् बिलै तरिबै सोगों बचनउँइँले छारा तसि क्‍हेमैं फिइमुँ।

१ पत्रुस 2:2

बरु भर्खर फिबै कोलोमैंइ ङ्‍हे म्हैब् धोंले सैं भोंब् लमिंबै परमेश्‍वरए ताँ म्हैद्। छ लस्याँ परमेश्‍वरए फिर लबै क्हेमैंए बिश्‍वास बडिदै ह्‍याल् खाँब्मुँ।

१ पत्रुस 3:15

बरु ह्रोंसए सैं न्‍होंरि ख्रीष्‍टलाइ “प्रभु” मैंसि खीए सेवा छेनाले लद्। खाबज्यै या “क्हेमैंइ ख्रीष्‍टए फिर बिश्‍वास लसि तो योंम्?” बिसि ङ्योएस्याँ छ्याँबै सुँले ह्रिस आखल्‍ले ज्वाफ पिंबर खोंयोंइ बिले तयार तद्।

१ पत्रुस 3:21

चु नाँ बाडिए क्यु बप्‍तिस्‍माए नमुना ग, तलेबिस्याँ नोआ नेरो चए परवालाइ क्‍युउँइँले जोगेब् धोंले क्‍हेमैंलाज्यै या येशूए मिंर क्‍युर प्ल्हुँसि जोगेमिंब्मुँ। खैले जोगेम् बिस्‍याँ परमेश्‍वरजी येशू ख्रीष्‍टलाइ सिबइले धबै सोगों लमिंबइले क्‍हेमैंइ छारा छ्ह योंइमुँ। चु बप्‍तिस्‍मा क्‍युइ ज्यु ख्रुब् धों तब आङिं, बरु क्‍हेमैंए सैं छ्याँब् प्ह्‍यासि बानि ब्योर छ्याँब् तरिगे बिबै ल्हागिर परमेश्‍वरउँइँले खबै बाछा ग।

१ पत्रुस 3:5

छलेन ओंसों ओंसों परमेश्‍वरर आशा थेंबै पबित्र च्हमिरिमैंज्यै या ह्रोंसलाइ छलेन् सिङ्गार्दिमल धै प्युँए न्होंर टिमल।

१ यूहन्‍ना 2:29

ख्रीष्‍टजी ठिक के मत्‍त्रे लम् बिब क्‍हेमैंइ सेइमुँ। छतसि ठिक के लब्मैं ताँन् परमेश्‍वरए प्‍हसेमैं ग बिसि क्‍हेमैंज्यै या सेइमुँ।

१ यूहन्‍ना 3:3

धै ख्रीष्‍टए फिर छाबै आशा थेंब्मैं ख्रीष्‍ट पबित्र मुँब् धोंले पबित्रले प्रम्।

१ यूहन्‍ना 3:9

परमेश्‍वरए प्‍हसेमैंइ पाप केमैं आल, तलेबिस्याँ परमेश्‍वरए छ्याँबै बानि चमैंए सैंर्न तरिम्। परमेश्‍वर चमैंए आबा ग। छतसि चमैंइ पाप लरिल् आखाँ।

१ यूहन्‍ना 4:7

ओ ङइ खोबै थुमैं, ङ्योइ घ्रिइ घ्रिने सैं न्होंउँइँलेन् म्हाँया लले, तलेबिस्याँ छाबै म्हाँया परमेश्‍वरउँइँले युम्। आगुए फिर सैं न्होंउँइँलेन् म्हाँया लबै म्हि परमेश्‍वरए प्हसे ग, धै परमेश्‍वरलाइ ङो सेम्।

१ यूहन्‍ना 5:1

“परमेश्‍वरजी कुल्‍मिंबै म्रुँ ख्रीष्‍ट येशू ग” बिसि बिश्‍वास लबै म्हि परमेश्‍वरए प्‍हसे ग, आबालाइ म्हाँया लबै म्हिइ च्हलाज्यै सैं न्होंउँइँलेन् म्हाँया लम्।

१ यूहन्‍ना 5:18

परमेश्‍वरए प्‍हसेमैं खाबज्यै खोंयोंइ पाप लरिब आरे बिसि ङ्योइ सेइमुँ, तलेबिस्याँ परमेश्‍वरए च्‍हजी चलाइ जोगेथेंम्, छतसि दुष्‍टइ चलाइ छुइल् आखाँ।

१ यूहन्‍ना 5:4

तलेबिस्याँ परमेश्‍वरए ताँन् प्‍हसेमैंइ चु ह्‍युलउँइँले खबै पापलाइ ट्होल् खाँम्। खैले ट्होम् बिस्‍याँ ङ्योइ परमेश्‍वरए फिर बिश्‍वास लसि ट्होब् ग।