१ पत्रुस 1:10 - परमेश्‍वरए ताँ तमु क्युइर

¹⁰ परमेश्‍वरजी क्‍हेमैंलाइ पिंबै चु मुक्‍तिए बारेर स्योंम्बै अगमक्‍तामैंज्यै या क्होल् म्हैल, धै परमेश्‍वरजी क्‍हेमैंलाइ पिंबै दयाम्हाँयाए बारेर ताँ पोंइ।

१ पत्रुस 1:10 Iomraidhean Croise

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

हितोपदेश 2:4

चाँदि धोंले क्हिइ च म्हैस्याँ, लोथेंबै सै न्होर म्हैब् धोंले चलाइ म्हैस्याँ,

मत्ती 13:17

क्ह्रोंसेंन ङ क्हेमैंने बिमुँ, क्‍हेमैंइ म्रोंबै के नेरो थेबै ताँ स्‍योंम्‍बै अगमबक्‍तामैं नेरो ठिक के लब्मैंइ म्रोंदा ङ्हाँलेया म्रोंल् आयोंल। थेदा ङ्हाँलेया थेल् आयोंल।

मत्ती 26:24

परमेश्‍वरए छ्वेर प्‍ह्रिब् धोंले म्हिए च्ह सिलन् त्‍हुम्, दिलेया म्हिए च्ह क्हाल् पिंबै म्हिलाइ धिक्‍कार मुँ। च म्हि आफिस्याँ चए ल्हागिरि छ्याँब तमल।”

लूका 10:24

तलेबिस्याँ ङ‍इ क्हेमैंने बिमुँ, स्‍योंम्‍बै अगमबक्‍ता नेरो म्रुँमैंज्यै या क्‍हेमैंइ म्रोंबै केमैं ङ्‍ह्‍योदा ङ्हाँल, दिलेया ङ्‍ह्‍योल् आयोंल। छलेन क्‍हेमैंइ थेबै ताँमैं थेदा ङ्हाँइ, दिलेया थेल् आयोंल।”

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

यूहन्‍ना 5:39

“परमेश्‍वरए छ्वेर खोंयोंइ आखाँबै छ्ह योंम् बिसि क्‍हेमैंइ म्हैरिम्, ङए बारेर ग्वाइ पिंबम् परमेश्‍वरए छ्वे ग।

यूहन्‍ना 7:52

चमैंइ चने बिइ, “क्‍हि या गालीलथें वा? परमेश्‍वरए छ्वे म्हैसि छेनाले खेद्। गालीलउँइँले अगमबक्‍ता आख बिसि क्हिइ सेब्मुँ।”

चेला चिब्मैंए केमैं 10:43

स्योंम्बै अगमबक्‍तामैंइ ‘खीए फिर बिश्‍वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”

चेला चिब्मैंए केमैं 17:11

चर्बै यहूदीमैं थेसलोनिकाथेंमैं भन्दा स्वाब मुँल: चमैंइ परमेश्‍वरए ताँ बेल्‍ले छ्याँब ङ्हाँसि सैंर किंइ, धै चु ताँमैं पावलइ बिबै ताँने क्ह्रिम् उ आक्ह्रि बिसि त्हिंइ ह्रोंसे परमेश्‍वरए छ्वेर्बै ताँमैं खेसि क्होल् म्हैमल।

चेला चिब्मैंए केमैं 28:23

च लिउँइँ चमैंइ पावलए ताँ थेबर त्हिंइ घ्रि तोक्दिइ। छतमा ल्हें म्हि पावल टिबै क्ल्ह्‍योर खइ। धै चइ न्हाँगउँइँले ङेसा समा परमेश्‍वरए ग्याल्सर्बै ताँमैं लोमिंइ। चइ मोशाइ पिंबै ठिम नेरो अगमबक्‍तामैंए कितबमैंउँइँले पावलइ परमेश्‍वरए ग्याल्सर्बै ग्वाइ पिंसि यशूए बारेर्बै ताँमैं क्होमिंबै भों लरिल।

चेला चिब्मैंए केमैं 7:52

ताँन् अगमबक्‍तामैंलाइ चमैंइ ह्रुगुदिल! खीए पबित्र के लबै म्हि युसिन् मुँ ओंसों बिबै म्हिमैंलाज्यै या चमैंइ सैवाल। तोगो च म्हि युज्यै या क्हेमैंइ चलाइ क्हाल् पिंसि सैवाइमुँ।

हिब्रू 11:13

च ताँन् म्‍हिमैंइ परमेश्‍वरजी पिंम् बिसि बाछा फैबै सैंमैं आयोंलेया बिश्‍वास लसिन् सिइ, दिलेया च सैमैं ह्रेंगोउँइँलेन् म्रोंसि चमैं सैं तोंइ। तलेबिस्याँ चु पृथ्बीर म्हिमैं ङ्हिरोबै प्ह्रें धों तब् मुँन बिबै ताँ चमैंइ सेइ।

हिब्रू 11:40

तलेबिस्याँ परमेश्‍वरजी ङ्योए ल्हागिर झन् छ्याँबै चाँजो लल, धै ङ्योने बालु मत्‍त्रे चमैं पबित्र तरिगे बिब खीए सैं मुँल।

१ पत्रुस 1:11

अगमबक्‍तामैंइ चु खैले तम् खोंयों तम् बिसि क्होल् म्हैरिल। ख्रीष्‍टजी ल्हें दु:ख नोल् त्हुब्मुँ धै लिउँइँ थेबै मान योंब्मुँ बिसि ओंसोंन् ख्रीष्‍टए प्ल्हजी चमैंलाइ उँइँमिंल।

१ पत्रुस 1:13

छतसि च्हैंब् मैंब् लद्, न्ह क्रों मि क्रों तद्। येशू ख्रीष्‍ट धबै स्‍वर्गउँइँले युमा क्हेमैंइ योंबै दयाम्हाँयार क्ह्रोंसेंन्बै आशा थेंन्।