१ पत्रुस 1:1 - परमेश्‍वरए ताँ तमु क्युइर

¹ येशू ख्रीष्‍टजी कुल्मिंबै चेला चिब ङ पत्रुसउँइँले पोन्टस, गलातिया, कापाडोकिया, एशिया नेरो बिथिनिया तिगोंन् प्हुँइ टिब्मैंलाइ जय मसीह मुँ!

१ पत्रुस 1:1 Iomraidhean Croise

एस्तर 3:8

झाइले हामानइ म्रुँ अहासूरसने बिइ, “क्हिए ग्याल्सर मुँबै ह्रेंमैंए म्हाँजोर छाबै ह्रें घ्रि मुँ, चमैंए रोस अरू म्हिमैंल् भन्दा स्योन् मुँ। चमैंइ म्रुँए कानुनमैं आम्हाँदि, छतसि म्रुँए ल्हागिर चमैं ठिक आरे।

भजनमैं 44:11

अरू ह्रेंमैंए म्हाँजोर क्हिजी ङि खन्तोंदोंन् प्हुँवाइ। र-क्युमैं सैबर पिंवाब् धोंलेन् क्हिजी ङिलाज्यै या सैबर पिंवाइ।

मत्ती 10:2

च्युसे ङ्हिं कुल्मिंबै चेला चिब्मैंए मिं चुमैंन् ग: ओंसों पत्रुस बिबै सिमोन, चए अलि अन्‍द्रियास, जब्दियाए च्ह याकूब नेरो चए अलि यूहन्‍ना,

मत्ती 24:22

दिलेया च दुःखए त्हिंइ परमेश्‍वरजी आघटिमिंस्याँ खाबै या सोल् आखाँमल। छतसि परमेश्‍वरजी खीजी त्हाँबै म्‍हिमैं सोरिगे बिसि च त्हिंइ घटिमिंब्मुँ।

मत्ती 4:18

तिगें येशू गालील बिबै मा ङ्युँइए छेउजरे प्ररिमा सिमोन पत्रुस नेरो चए अलि अन्‍द्रियास ङ्हिंना-ङ्हिंन् मा ङ्युँइर जाल प्रिंरिब म्रोंइ। तलेबिस्याँ चमैं ताँग क्हाब्‍मैं मुँल।

लूका 18:7

छलेन परमेश्‍वरजी त्हाँबै म्हिमैंइ त्हिंयाँ म्हुँइँस खीने प्राथना लब्मैंए निसाफ खीजी आलमिं रो वा? क्हेमैंए ल्हागिर निसाफ लमिंबर खीजी क्हैल् लम् रो वा?

यूहन्‍ना 11:52

यहूदी ह्रेंए ल्हागिर मत्‍त्रे आङिं, दिलेया खन्तोंदोंन् प्हुँयाबै परमेश्‍वरए सन्तानमैं खागु लसि घ्रि लबै ल्हागिर येशू सिब्मुँ।

यूहन्‍ना 7:35

छबिमा यहूदीमैंइ खें-खेंमैंए न्होंरि बिइ, “चु म्हि खनिर ह्‍याल् म्हैगे? ङ्योइ खी स्याल् आखाँ बिब? चु ह्रोंसए ह्‍युल पिसि खन्तोंदोंन् प्हुँइ टिबै यहूदीमैं ङाँर ह्‍यासि ग्रिकमैंलाइ लोमिंल् ङ्हाँइँमुँ उ तो जा?

चेला चिब्मैंए केमैं 18:2

चर चइ पोन्‍टसथें अकिलास बिबै यहूदी घ्रिने त्होइ। च ह्रोंसए प्ह्रेंस्यो प्रिस्‍किलाने इटालिया ह्‍युलउँइँले खल, तलेबिस्याँ क्‍लौडियस बिबै रोमी थेबै म्रुँइ ताँन् यहूदीमैं रोम शहारउँइँले त्होंइ ह्‍याद् बिसि ल्हैदिल। पावल चमैंने त्होबर ह्‍यासि

चेला चिब्मैंए केमैं 18:23

पावल एन्‍टिओखियार दे त्हिंइ टिसि च क्ल्ह्‍योउँइँले त्होंसि गलातिया नेरो फ्रिगिया जरेर्बै ताँन् चेलामैं सैं भोंसि लमिंदै ल्हें क्ल्ह्‍योजरै या ह्‍याइ।

चेला चिब्मैंए केमैं 19:10

ङ्हिंदि समन् चु के तरिइ, छतमा एशिया ह्‍युलर्बै ताँन् म्हिमैं, यहूदी नेरो ग्रिक ङ्हिंना-ङ्हिंनइ, प्रभुए ताँ थेइ।

चेला चिब्मैंए केमैं 6:9

दिलेया को-कोइ यहूदीमैंइ स्तिफनसए बिरोधर प्होंबर होंइ। (चमैं “केब्छैंउँइँले फ्रेल् योंब्मैं” बिबै च्हों धिंर्बै म्हिमैं मुँल। चमैं कुरेनी, अलेक्जेन्ड्रिया, किलिकिया नेरो एशिया बिबै ह्‍युलर्बै म्हिमैं मुँल।)

चेला चिब्मैंए केमैं 8:4

च त्हेर प्हुँयाँबै चेलामैंइ खन्तोंदोंन् ह्‍यासि येशूउँइँले खबै सैं तोंबै ताँ बिप्रइ।

१ कोरिन्थी 16:19

चु एशिया ह्‍युलर्बै बिश्‍वासीमैंइ क्‍हेमैंने जय मसीह बिमिंइमुँ। अकिलास, प्रिस्‍का नेरो चमैंए धिंर खागु तबै बिश्‍वासीमैंज्यै या क्‍हेमैंलाइ प्रभुए मिंरि जय मसीह बिमिंइमुँ।

२ कोरिन्थी 1:8

ओ अलि-अङाँमैं, एशिया ह्‍युलर ङिइ योंबै दुःखए बारेर क्‍हेमैंज्यै था सेरिगे ङ्हाँइमुँ। ङिइ चर बेल्‍ले थेबै दुःख योंल। छतसि तारे ङि सोल् योंब्मुँ बिसि ङिइ आमैंल।

गलाती 1:2

ङ नेरो ङने मुँबै ताँन् अलि-अङाँमैंउँइँले क्हेमैं गलातिया ह्‍युलर्बै बिश्‍वासीमैं ताँनलाइ जय मसीह मुँ।

एफिसी 2:12

च त्हेर क्‍हेमैं ख्रीष्‍टउँइँले ह्रेंगो मुँल, परमेश्‍वरजी त्‍हाँबै ह्रें इस्राएलीमैंने बालु आरेल, छतसि क्‍हेमैं बिदेशिमैं धोंन् तइ टिल, परमेश्‍वरजी खीए म्‍हिमैंने बाछा फैसि पिंम् बिबै आशिकए न्होंर क्हेमैं आरेल, धै चु ह्‍युलर टिमा क्हेमैं परमेश्‍वरलाइ ङो आसेसि आशा आरेल्‍ले टिल।

एफिसी 2:19

छतसि क्‍हेमैं अरू ह्रेंमैं तारे बिदेशि अथवा स्‍याँमैं आङिं, परमेश्‍वरए म्‍हिमैंइ योंब् धों तबै हग अथवा नागरिकता क्हेमैंज्यै या योंइमुँ। धै क्‍हेमैं या खीए परवार्बै म्हिमैं तइमुँ।

२ तिमोथी 1:15

एशिया ह्‍युलर्बै म्हिमैं ताँन् ङ ङाँइले स्योयाइ बिब क्हिइ सेइमुँ, स्योइ ह्‍याब्मैं न्होंरि फाइगेलस नेरो हेर्मोगेनेस बिब् ग।

हिब्रू 11:13

च ताँन् म्‍हिमैंइ परमेश्‍वरजी पिंम् बिसि बाछा फैबै सैंमैं आयोंलेया बिश्‍वास लसिन् सिइ, दिलेया च सैमैं ह्रेंगोउँइँलेन् म्रोंसि चमैं सैं तोंइ। तलेबिस्याँ चु पृथ्बीर म्हिमैं ङ्हिरोबै प्ह्रें धों तब् मुँन बिबै ताँ चमैंइ सेइ।

याकूब 1:1

परमेश्‍वर नेरो प्रभु येशू ख्रीष्‍टए के लबै म्‍हि याकूबउँइँले चु ह्‍युल तिगोंन् प्हुँइ टिबै च्युसे ङ्हिं कुललाइ जय मसीह मुँ।

१ पत्रुस 2:11

ओ ङए खोबै थुमैं, ङ क्हेमैंने यो छ्युँ लमुँ, क्‍हेमैंइ चु ह्‍युलर ङम् तिस्याबै प्ह्रें धों तब् मत्‍त्रे ग बिब् सेसि आछ्याँबै इच्‍छाउँइँले स्‍यो तद्, तलेबिस्याँ छाबै इच्‍छाजगोइ क्‍हेमैंए सैंलाइ न्होंवाम्।

२ पत्रुस 1:1

येशू ख्रीष्‍टए के लबै कुल्मिंबै चेला चिब ङ सिमोन पत्रुसउँइँले क्हेमैंलाइ जय मसीह मुँ। ङ्योए परमेश्‍वर नेरो ङ्योलाइ जोगेमिंबै येशू ख्रीष्‍टजी खाबलाज्यै या आफेलल्‍ले ठिक के लइमुँ। खीजी ङिलाइ पिंब् धोंले क्हेमैंलाज्यै या ठिक बिश्‍वास लल् पिंइमुँ।

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”