१ यूहन्‍ना 3:6 - परमेश्‍वरए ताँ तमु क्युइर

⁶ छतसि ख्रीष्‍टने घ्रिन् तसि टिरिबै म्हिमैंइ पाप लरिब आरे। दिलेया पाप लरिबै म्हिमैंइ खीलाइ खोंयोंइ आम्रोंइमुँ, ङो या आसेइमुँ।

१ यूहन्‍ना 3:6 Iomraidhean Croise

२ कोरिन्थी 3:18

छतमा तारे ङ्यो ताँनइ मोंड आउल्‍लेन् प्रभुए चारबै ह्‍वे ङ्योए मोंडउँइँले चारल् पिंम्। झाइले खीउँइँले योंबै ह्‍वेइ लमा प्रभुजी अथवा पबित्र प्ल्हजी ङ्योलाइ झन् झन् खी धोंले चारब लदै बोम्।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

१ यूहन्‍ना 2:28

ओ ङइ खोबै कोलोमैं, ख्रीष्‍ट युमा ङ्यो भोंब तरिगे, धै खी युबै त्हिंइर खीए उँइँर ङ्यो फापिल् आत्‍हुरिगे बिसि खीनेन् घ्रिन् तसि प्रद्।

१ यूहन्‍ना 2:3

परमेश्‍वरजी बिबै ताँ ङ्योइ ङिंइ बिस्‍याँ क्ह्रोंसेंन खीलाइ ङो सेन बिसि ङ्योइ था सेम्।

१ यूहन्‍ना 2:4

“ङइ परमेश्‍वरलाइ ङो सेम्,” बिमुँ, दिलेया खीजी बिबै ताँ आङिं बिस्याँ, च म्‍हि स्‍योर्गु ग, चइ क्ह्रोंसेंन्बै ताँ तोइ आपों।

१ यूहन्‍ना 3:2

ङइ खोबै थुमैं, ङ्यो तोगो परमेश्‍वरए प्‍हसेमैं ग। प्‍हँना लिउँइँ ङ्यो खै तम् बिसि तोगो बिल् आखाँ, दिलेया ङ्योइ चु ताँ घ्रि सेइमुँ: ख्रीष्‍ट युबै त्हिंइर खी खैब मुँ छाबन् खीलाइ ङ्योइ छेनाले म्रोंब्‍मुँ। छतसि च त्हेर ङ्यो या खी धोंन् तब्‍मुँ।

१ यूहन्‍ना 3:9

परमेश्‍वरए प्‍हसेमैंइ पाप केमैं आल, तलेबिस्याँ परमेश्‍वरए छ्याँबै बानि चमैंए सैंर्न तरिम्। परमेश्‍वर चमैंए आबा ग। छतसि चमैंइ पाप लरिल् आखाँ।

१ यूहन्‍ना 4:8

दिलेया सैं न्होंउँइँलेन् म्हाँया आलब्‍मैंइ परमेश्‍वरलाइ ङो आसे, तलेबिस्याँ परमेश्‍वरजी म्हाँया लम्।

१ यूहन्‍ना 5:18

परमेश्‍वरए प्‍हसेमैं खाबज्यै खोंयोंइ पाप लरिब आरे बिसि ङ्योइ सेइमुँ, तलेबिस्याँ परमेश्‍वरए च्‍हजी चलाइ जोगेथेंम्, छतसि दुष्‍टइ चलाइ छुइल् आखाँ।

३ यूहन्‍ना 1:11

ओ ङइ खोबै थु, आछ्याँबै के लब्मैंइ धोंले आलद्, बरु छ्याँबै के लब्मैंइ धोंलेन् क्हिज्यै या छ्याँबै केमैं लद्। छ्याँबै के लब्मैं परमेश्‍वरए म्हिमैं ग, आछ्याँबै के लब्मैंइ परमेश्‍वरलाइ आम्रोंइमुँ।