१ यूहन्‍ना 2:9 - परमेश्‍वरए ताँ तमु क्युइर

⁹ खाबइ “ङ ह्‍वेर मुँ” बिमुँ, दिलेया ह्रोंसए बिश्‍वासी अलि-अङाँलाइ हेल लमुँ, च अझै मिछु खैबर्न मुँ।

१ यूहन्‍ना 2:9 Iomraidhean Croise

भजनमैं 82:5

क्हेमैंने ज्ञान आरे, क्होल् आखाँ, क्हेमैं मिछु खैबर प्ररिम्; ठिमइ बिब् धोंले आप्र।

यूहन्‍ना 9:41

येशूजी चमैंने बिइ, “क्‍हेमैं कनमैं मुँस्‍याँम् पापए दोषि आतमल, दिलेया क्हेमैंइ ‘ङि म्रोंल् खाँम्’ बिमुँ, छतसि क्हेमैंए पाप क्हेमैंनेन् तरिम्।”

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

२ पत्रुस 1:9

दिलेया छाबै बानि ब्योर आरेबै म्‍हिमैं बिस्याँ कनमैं धों तम्, ओंसों ङइ लबै पापउँइँले ङ ख्रुवाल् खाँइमुँ बिबै ताँ चमैंइ म्‍लेयाइमुँ।

१ यूहन्‍ना 1:6

छतसि ङ्योइ “परमेश्‍वरने सैं घ्रिन् तसि प्रम्” बिलेया अझै पाप केन् लप्रइबिस्‍याँ ङ्योम् स्‍योर तेब्मैं नेरो क्ह्रोंसेंन्बै घ्‍याँर आप्रब्मैं तम्।

१ यूहन्‍ना 2:11

दिलेया ह्रोंसए बिश्‍वासी अलि-अङाँलाइ हेल लब्मैं मिछु खैबर्न टिम्। मिछु खैबइ चमैंलाइ कन लवासि चमैंए मि म्रोंल् आखाँ, छतसि ह्रोंस खनिर ह्‍यारिइमुँ बिसि चमैंइ था आसे।

१ यूहन्‍ना 2:4

“ङइ परमेश्‍वरलाइ ङो सेम्,” बिमुँ, दिलेया खीजी बिबै ताँ आङिं बिस्याँ, च म्‍हि स्‍योर्गु ग, चइ क्ह्रोंसेंन्बै ताँ तोइ आपों।

१ यूहन्‍ना 3:10

परमेश्‍वरए प्‍हसेमैं नेरो दुष्‍टए प्‍हसेमैं खैले ङो सेम् बिस्‍याँ, ह्रोंसए बिश्‍वासी अलि-अङाँलाइ सैं न्होंउँइँलेन् म्हाँया आलब्मैं नेरो छ्याँबै केमैं आलबै म्हिमैं परमेश्‍वरए प्‍हसेमैं आङिं।

१ यूहन्‍ना 4:20

“ङइ परमेश्‍वरलाइ म्हाँया लम्,” बिमुँ, दिलेया ह्रोंसए बिश्‍वासी अलि-अङाँमैंए फिर म्हाँया आल बिस्याँ च म्हि स्‍योर्गु ग। तलेबिस्याँ ह्रोंसइ म्रोंबै बिश्‍वासी अलि-अङाँलाइ सैं न्होंउँइँलेन् म्हाँया आलबै म्हिइ खोंयोंइ आम्रोंबै परमेश्‍वरलाइ खैले म्हाँया लल् खाँम्?