१ यूहन्‍ना 2:8 - परमेश्‍वरए ताँ तमु क्युइर

⁸ दिलेया चु घ्रिइ घ्रिने सैं न्होंउँइँलेन् म्हाँया लल् त्हुम् बिबै ताँ ख्रीष्‍टए छ्हर नेरो क्‍हेमैंए छ्हरै या म्‍हिमैंइ म्रोंल् खाँम्। छतसि क्हेमैंए ल्हागिर ङइ प्ह्रिबै ताँ छारा मुँ। तलेबिस्याँ तोगो मिछु खैब ह्‍याल् खाँइमुँ, क्ह्रोंसेंन्‍बै ह्‍वे ओंसों ओंनोंन् चारइमुँ।

१ यूहन्‍ना 2:8 Iomraidhean Croise

भजनमैं 27:1

याहवेह ङए चारबै ह्‍वे नेरो ङए मुक्‍ति ग! ङ खाब्ने ङ्हिंब? याहवेहन् ङए रक्षा लबै किल्‍ला ग। छतसि ङ खाब् म्रोंसि ङ्हिंब?

भजनमैं 36:9

तलेबिस्याँ क्हिउँइँलेन् म्हिमैंइ खोंयोंइ आखाँबै छ्ह योंमुँ, क्हि चारबै ह्‍वे ग, छतसि क्हिए छ्याँबै घ्याँर ङि प्रल् योंइमुँ।

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

मत्ती 4:16

मिछु खैबर टिबै म्हिमैंइ थेबै चारबै ह्‍वे म्रोंइमुँ। सिल् त्‍हुबै मिछु खैबै ह्‍युलर टिब्मैंए फिर ह्‍वे घ्रि चारइमुँ।” यशैयाइ बिबै ताँ क्ह्रोंसेंन तबर छ तइ।

लूका 1:79

झाइले मिछु खैबर टिब्मैं नेरो कालए सुँर फेल् म्हैब्मैंइ चारबै ह्‍वे योंब्मुँ, धै च ह्‍वेइ ङ्यो शान्तिए घ्याँर डोरेब्मुँ।”

यूहन्‍ना 1:9

ताँन् म्हिमैंलाइ ज्ञान पिंबै क्‍ह्रोंसेंन्‍बै चारबै ह्‍वे ह्‍युलर युसिन् मुँल।

यूहन्‍ना 12:35

येशूजी चमैंने बिइ, “अझै तिस्याँदे समा चारबै ह्‍वे क्‍हेमैंनेन् तब्मुँ। मिछु खैबइ क्हेमैं आहुरिगे बिसि चारबै ह्‍वे क्हेमैंने मुँरिबर्न प्ररिद्। मिछु खैबर प्रबै म्हिइ ह्रोंस् खनिर ह्‍यारिइमुँ बिसि सेल् आखाँ।

यूहन्‍ना 12:46

ङए फिर बि‍श्‍वास लब्मैं मिछु खैबर टिल् आत्हुरिगे बिसि ङ ह्‍युलर चारबै ह्‍वे तसि युइमुँ।

यूहन्‍ना 13:34

लद् बिबै छारा ताँ घ्रि ङइ क्हेमैंने बिमुँ: क्हेमैंइ घ्रिइ-घ्रिने म्हाँया लद्। ङइ क्हेमैंने म्हाँया लब् धोंले क्हेमैंज्यै या घ्रिइ-घ्रिने म्हाँया लद्।

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

चेला चिब्मैंए केमैं 17:30

छतसि म्हिमैंइ ओंसोंन् परमेश्‍वर ङो आसेमा लबै केमैं खीजी वास्ता आल। तारे परमेश्‍वरजी ताँन् क्ल्ह्‍योर्बै म्हिमैंइ ह्रों-ह्रोंसइ लबै पाप केमैं पिसि परमेश्‍वरउँइँ सैं एद् बिसि बिइमुँ।

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’

रोमी 13:12

म्‍हुँइँस ह्‍याल् खाँइ, तारे त्हिंयाँ प्रेबर होंइमुँ। छतसि मिछु खैबर लबै केमैं पिवाद्। बरु परमेश्‍वरए ह्‍वेर टिसि छ्याँबै के लद्, हत्‍यारमैं छेसि पापने नेद्।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

एफिसी 5:8

ओंसों क्हेमैं मिछु खैबर मुँल, दिलेया तिंजोरो प्रभुए म्‍हिमैं तबइले क्‍हेमैं या खीए ह्‍वेर टिइमुँ। खीए ह्‍वेर टिसि छ्याँबै छ्ह थोद्।

२ तिमोथी 1:10

चु दयाम्हाँया ङ्यो मुक्‍ति पिंबै येशू ख्रीष्‍ट युसि उँइँमिंइँमुँ। खीजी कालए फिर ट्होगों तसि खोंयोंइ आखाँबै छ्हलाइ सैं तोंबै ताँउँइँले था सैमिंइमुँ।

१ पत्रुस 1:21

क्‍हेमैंइ ख्रीष्‍टउँइँले परमेश्‍वरए फिर बिश्‍वास लइ। परमेश्‍वरजी ख्रीष्‍टलाइ सिबउँइँले धबै सोगों लमिंसि बेल्‍ले थेबै मान पिंइ, छतसि क्‍हेमैंइ परमेश्‍वरए फिर बिश्‍वास नेरो आशा थेंल् खाँइ।

१ यूहन्‍ना 3:23

खीजी बिबै ताँ चुन् ग: खीए च्‍ह येशू ख्रीष्‍टए फिर ङ्योइ बिश्‍वास लल् त्‍हुम्, धै खीजी लद् बिब् धोंले घ्रिइ घ्रिने म्हाँया लल् त्‍हुम्।

१ यूहन्‍ना 4:11

छतसि ओ ङइ खोबै थुमैं, परमेश्‍वरजी ङ्योए फिर छले म्हाँया लबइले ङ्योज्‍यै या घ्रिइ घ्रिने सैं न्होंउँइँलेन् म्हाँया लल् त्‍हुम्।

१ यूहन्‍ना 4:21

खीजी ङ्योने लद् बिबै ताँ चुन् ग: परमेश्‍वरलाइ म्हाँया लबै म्हिइ ह्रोंसए बिश्‍वासी अलि-अङाँमैंलाज्यै या सैं न्होंउँइँलेन् म्हाँया लल् त्‍हुम्।