१ यूहन्‍ना 2:2 - परमेश्‍वरए ताँ तमु क्युइर

² ङ्योइ लबै पाप क्षमा लमिंबै ल्हागिर खीजी घ्‍याँ थोमिंइमुँ, ङ्योए पाप मत्‍त्रे आङिं, दिलेया ह्‍युलर्बै ताँन् म्‍हिमैंए पाप क्षमा लमिंम्।

१ यूहन्‍ना 2:2 Iomraidhean Croise

लूका 14:22

“के लबै म्हि एखसि बिइ, ‘ओ चिब, क्‍हिइ हुइ पउ बिबै म्‍हिमैं ङइ हुइ पखइ। दिलेया भत्‍यारर टिबै क्‍ल्‍ह्‍यो अझै मुँ।’

यूहन्‍ना 1:29

प्‍हँन्हाँग्धों यूहन्‍नाइ येशू खरिब् म्रोंसि बिइ, “ङ्‌ह्‍योत्ति! ह्‍युलर्बै पाप नोइ बोयाबै परमेश्‍वरए क्‍यु झज।

यूहन्‍ना 12:32

झाइले ङलाइ कैंडो क्वेवामा ङइ ताँन् म्हिमैं ङ ङाँइन चैंब्मुँ।”

यूहन्‍ना 4:42

चमैंइ च च्हमिरिने बिइ, “तोगो क्‍हिइ बिबै ताँ थेसि ङिइ खीए फिर बिश्‍वास लब आङिं, दिलेया ङिइ ह्रोंसइन खीए ताँ थेबइले क्ह्रोंसेंन खी ताँन् ह्‍युलर्बै मुक्‍तिदाता मुँन बिसि ङिइ सेइमुँ।”

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।

१ यूहन्‍ना 3:5

म्‍हिमैंए पाप त्होवाबर ख्रीष्‍ट युब् ग, खीने तिफुँइ पाप आरे बिब क्‍हेमैंइ सेइमुँ।

१ यूहन्‍ना 4:10

ङ्योइ परमेश्‍वरलाइ म्हाँया लबइले आङिं, दिलेया खीजीन् ङ्योए फिर म्हाँया लसि ङ्योए पाप क्षमा लमिंबर खीजी ह्रोंसए च्‍ह ख्रो तबै ल्हागिर कुल्‍मिंइ।

१ यूहन्‍ना 4:14

परमेश्‍वर आबाजी खीए च्‍हलाइ ह्‍युलर्बै म्‍हिमैं जोगेबर कुल्‍मिंब् ग बिसि ङिइ म्रोंइमुँ धै ग्वाइ पिंम्।

१ यूहन्‍ना 5:19

ङ्योइ चु ताँ या सेइमुँ: चु ह्‍युलर्बै म्‍हिमैं दुष्‍टए न्होंर मुँ, ङ्यो बिस्याँ परमेश्‍वरए म्हिमैं ग।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।