१ यूहन्‍ना 2:16 - परमेश्‍वरए ताँ तमु क्युइर

¹⁶ तलेबिस्याँ चु ह्‍युलर मुँबै तोन्दोंरि सैमैं, अथवा ज्युउँइँले खबै आछ्याँबै इच्छामैं, लोब लब, नेरो थेब् प्‍हैंब, छाबै ताँ परमेश्‍वर आबाउँइँले खब आङिं, चु ह्‍युलउँइँले खबै आछ्याँबै सैमैं ग।

१ यूहन्‍ना 2:16 Iomraidhean Croise

उत्पत्ति 3:6

झाइले च सिंधुँर्बै रो चबर लिंब, ङ्ह्‍योमा छ्याँब नेरो बुद्धि योंबै ल्हागिर च सिंधुँए रो चल् त्हुमन बिसि च्हमिरिइ मैंइ। छतसि चइ च सिंधुँए रो टोंसि चवाइ, ह्रोंसए प्युँलाज्यै पिंइ, धै प्युँज्यै या चइ।

उत्पत्ति 6:2

झाइले परमेश्‍वरए च्हमैंइ म्हिमैंए च्‍हमिमैं छ्याँब् म्रोंसि ह्रों-ह्रोंसइ खोबै प्ह्रेंस्योमैं पखइ।

भजनमैं 73:6

सिक्रि खिल् योंमा सैं तोंब् धोंले थेब् प्हैंमा चमैं सैं तोंम्; धै क्वें खिब् धोंले चमैंइ प्होंगि कैगि लम्।

भजनमैं 78:18

ह्रोंसए सैंर मैंब् धोंले चबै सै ह्रिसि चमैंइ सेन-सेन् परमेश्‍वरए जाँच लइ।

भजनमैं 78:30

दिलेया चमैंए चबै सै चमैंए सुँर मुँमन्, चमैं म्रेंब् भन्दा ओंसों,

हितोपदेश 27:20

क्रों नेरो नासइ न्होह्रों लब् आपिब् धोंले म्हिए मिइ म्रोंबै सैमैं आयोंन् समा सन्तोक आत।

हितोपदेश 6:25

च च्हमिरिलाइ छ्याँब म्रोंसि आछ्याँबै सैं आमैंन्, चए मिइ क्हिलाइ आफसेरिगे।

मत्ती 4:8

धबै दुष्‍टइ येशू नुबै कोंर बोसि ह्‍युलर्बै ताँन् ग्याल्स नेरो चर्बै ताँन् छ्याँबै सैमैं खीने उँइँसि

मत्ती 5:28

दिलेया ङ क्हेमैंने बिमुँ, च्हमिरि घ्रि म्रोंसि चने आछ्याँबै सैंले ङ्‍ह्‍योबै म्हिइ ह्रोंसए सैंर चने ब्यभिचार लल् खाँइमुँ!

लूका 4:5

च लिउँइँ चइ खीलाइ नुबै कोंर बोसि ह्‍युलर्बै ताँन् ग्याल्समैं उँइँइ।

रोमी 13:14

बरु येशू ख्रीष्‍ट धोंन् तबर भों लद्, धै ह्रोंसए सैंउँइँले खबै आछ्याँबै इच्‍छामैं पिवाद्।

१ कोरिन्थी 10:6

ङ्योए खेमैंइ धोंले ङ्योज्यै या आछ्याँबै के लबै सैं आखरिगे बिसि चु ताँन् ताँ ङ्योए ल्हागिर्न मैंल् त्हुबै ताँ ग।

गलाती 5:17

तलेबिस्याँ म्‍हिमैंए सैंउँइँले खबै आछ्याँबै इच्‍छाइ पबित्र प्ल्हए बिरोध लम्, छलेन पबित्र प्ल्हए छ्याँबै इच्‍छाइ म्‍हिमैंए सैंउँइँले खबै आछ्याँबै इच्‍छाए बिरोध लम्। चुमैं ङ्हिं आक्‍ह्रि। छतमा क्‍हेमैंइ छ्याँबै केमैं लल् म्हैलेया लल् आखाँ।

गलाती 5:24

येशू ख्रीष्‍टए म्हिमैंइ खेंमैंए सैंउँइँले खबै आछ्याँबै इच्छामैं नेरो आछ्याँबै केमैं येशूने प्रेन् क्रूसर च्योवासि नास लवाइमु।

एफिसी 2:3

च म्हिमैं धोंलेन् ङ्यो ताँनइ ओंसों ङ्योए सैंउँइँले खबै आछ्याँबै इच्‍छा पूरा लबै ल्हागिर लोब लमल। छतसि अरूमैंने धोंले ङ्योने या परमेश्‍वर ह्रिस खल।

तीतस 2:12

खीए दयाम्हाँयाउँइँले खीजी ङ्योलाइ पाप केमैं नेरो चु ह्‍युलर्बै सैमैं पिवासि, आछ्याँबै केमैंउँइँले सैं फैसि, भक्‍ति लसि छ्याँबै छ्ह थोब लोमिंम्।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

याकूब 3:15

छाबै के परमेश्‍वरउँइँले योंबै ह्रब्-सेबै ताँ आङिं। दिलेया चु ह्‍युलर्बै, ङ्योए आछ्याँबै सैंउँइँले खब नेरो शैतान बिबै दुष्‍टउँइँले खबै ताँ ग।

याकूब 4:16

दिलेया तोगो क्‍हेमैं ह्रों-ह्रोंसन् ह्रब् प्हैंसि चाँजो लम्। छाबै प्हैंबै ताँमैं ताँन् आछ्याँब् ग।

१ पत्रुस 1:14

क्‍हेमैं परमेश्‍वरए ताँ ङिंबै प्‍हसेमैं तबइले ओंसों येशूलाइ ङो आसेमा लबै आछ्याँबै केमैं तारे आलद्।

१ पत्रुस 2:11

ओ ङए खोबै थुमैं, ङ क्हेमैंने यो छ्युँ लमुँ, क्‍हेमैंइ चु ह्‍युलर ङम् तिस्याबै प्ह्रें धों तब् मत्‍त्रे ग बिब् सेसि आछ्याँबै इच्‍छाउँइँले स्‍यो तद्, तलेबिस्याँ छाबै इच्‍छाजगोइ क्‍हेमैंए सैंलाइ न्होंवाम्।

२ पत्रुस 2:10

बिलन् त्हुमा च म्हिमैं छाब् तम्: चमैंइ ह्रोंसलाइन पापर च्होवाबै केमैं लम्। चमैंइ परमेश्‍वरजी ल्हैदिबै ताँ आङिं। धै छ्याँबै के लबै स्वर्गदूतमैंलाज्यै या चमैंइ तो धोंइ आङ्हाँन्ले पोंम्।

२ पत्रुस 2:18

चमैंइ ङिम् ङिन् ग बिब् प्हैंसि थे-थेबै ताँमैं लम्, धै भर्खर आछ्याँबै घ्याँ पिसि छ्याँबै घ्याँर ल्हैदिब्मैंलाइ ज्युउँइँले खबै इच्‍छार लोब उँइँमिंसि फस्ला फस्लु लवाम्।