Nehemia 8:3 - Ṅmãle̱ Kroṅkroṅ Le̱

³ Ni ekane ye̱ blohũ ní yo̱ nu agbó le̱ hĩe le̱ mli ke̱-dše̱ lebi ke̱-yaši ſane fintī̃, ye̱ hĩĩ ke̱ yei ke̱ mei ní aanyẽ šiši anu le̱ ahĩe, ni maṅ mū le̱ fẽ mībo mlawola le̱ mli wiemo̱i atoi.

ŊMALƐ KRƆŊKRƆŊ LƐ

³ Ekane yɛ blohu ni yɔɔ Nu Agbo lɛ hiɛ lɛ mli, kɛjɛ leebi kɛyashi shwane fintiŋŋ yɛ hii kɛ yei kɛ mɛi fɛɛ ni aaanyɛ shishi anu lɛ hiɛ. Maŋ muu lɛ fɛɛ miibo Mla Wolo lɛ mli wiemɔi lɛ toi.

Nehemia 8:3 Iomraidhean Croise

Nehemia 10:29

[28.] Ni maṅbii ni eſe̱ le̱, *oso̱foi le̱ ke̱ Levibii le̱ ke̱ agbónākwe̱lo̱i le̱ ke̱ lalatše̱mei le̱ ke̱ so̱lemo̱we súolo̱i le̱ ke̱ mei fē ni etše ame̱he ke̱-dše̱ šikpõdši le̱ ano̱ bii le̱ ahe ke̱-ba Nyoṅmo̱ mla le̱ he le̱, ke̱ ame̱ṅãmei ke̱ ame̱bihīī ke̱ ame̱bi-yei, mei fẽ ni ele nii ni enuo̱ sane ši-ši le̱, *Ezra 2,70.

Nehemia 13:1

Nakai be le̱ mli le̱ akane Mose wolo le̱ ye̱ maṅ le̱ toiiaṅ, ni ana ni *aṅmã ye̱ mli ake̱ Amonnyo lo Moab-nyo akaba Nyoṅmo̱ gwabō̱ le̱ mli gbĩkogbĩko; *5 Mose 23,4-6.

Nehemia 8:1

Ni maṅ le̱ blūblu bakpe ye̱ blohũ ko ni yo̱ nu agbó le̱ hĩe le̱ mli, ni ame̱kē̱ *Ezra, woloṅmālo̱ le̱, ake̱ eyako̱ Mose mla le̱ ní Iehowa wo Israel le̱ wolo le̱ ke̱-ba. *Ezra 7,6.

Nehemia 8:18

Asaṅ ke̱-dše̱ kleṅkleṅ gbĩ le̱ no̱ āhũ ke̱-yaši nāgbē gbĩ le̱ no̱ le̱ akaneo̱ Nyoṅmo̱ mla wolo le̱ gbĩ-fẽ-gbĩ. Ni ame̱-ye gbĩdšũrõ le̱ gbĩĩ kpawo, ni gbĩ ni dši gbĩ kpānyo̱ le̱ no̱ le̱ ame̱kpe nāgbē kpē, take̱ bo̱ni ato le̱.

Nehemia 8:4

Ni Ezra, woloṅmālo̱ le̱, damo̱ tšo no̱damo̱nõ ko ní kwo̱ ní ame̱fe ye̱ no hewo̱ le̱ no̱; ni Matitia ke̱ Šema ke̱ Anaia ke̱ Uria ke̱ Hilkia ke̱ Maaseia damo̱ emase̱i ye̱ eninedšũrõ, ni Pedaia ke̱ Mišael ke̱ Malkia ke̱ Hašum ke̱ Hašbadana ke̱ Zakaria ke̱ Mešulam damo̱ ebe̱ku.

Nehemia 8:5

Ni Ezra gble wolo le̱ nā ye̱ maṅ mū le̱ fẽ hĩe; (edšake̱ ekwo̱ fè maṅ le̱ fẽ;) ni beni egble nā le̱, maṅ mū le̱ fē te ši damo̱ ši.

Marko 12:37

Ké̱ David dientše̱ tšé̱o̱le̱ Nuṅtšo̱ le̱, té tēṅ ni edši ebi mo̱?

Luka 19:48

ši ame̱naa bo̱ni ame̱afe; edšake̱ maṅ mū le̱ fẽ kpe̱te̱le̱ nĩ ame̱boo̱le̱ toi.

Luka 8:18

Nohewo̱ le̱ nyekwe̱a ní ahĩa ye̱ bo̱ni nyenuo̱ le̱ hewo̱; edšake̱ mofẽmo ní yo̱ noko le̱, aahãle̱; ši moni be̱ noko le̱, aašo noni efeo̱le̱ ake̱ eyo̱ le̱ tete ye̱ edeṅ. 19,26.

Bɔfoi 13:15

Ni beni *akane mla le̱ ke̱ gbalo̱i le̱ se̱ le̱, kpēhe le̱ onukpai le̱ tšũ abakē̱ame̱ ake̱: Atāmei ke̱ enyemimei, ke̱dši nyeye̱ wiemo̱-ke̱-tšõmo̱ ko ni nyeawie nyetšõ mei le̱, nyewiea. *15,21.

Bɔfoi 13:27

Edšake̱ mei ní yo̱ Ierusalem le̱ ke̱ ame̱maṅ onukpai le̱, *ake̱-ní ame̱leele̱ hewo̱ le̱, ame̱hã gbaloi le̱ awiemo̱i ni akaneo̱ dā hedšō̱mo̱gbĩ no̱ le̱ ba mli ke̱ ame̱fo̱ ni ame̱bule̱ le̱, Ioh. 16.3.

Bɔfoi 15:21

Edšake̱ ke̱-dše̱ blema bēbe le̱ Mose ye̱ mei ní šie̱o̱le̱ ye̱ maṅ-fẽ-maṅ no̱, ni dā hedšō̱mo̱gbĩ le̱ akaneo̱ ewodši le̱ ye̱ kpēhei le̱. 13,15.

Bɔfoi 16:14

Ni yō ko ní atšé̱o̱le̱ Lidia ní dši kō̱dšaṅhõlo̱ ko ni dše̱ Tiatira mã le̱ṅ ní šeo̱ Nyoṅmo̱ gbeyei le̱ hũ nu; le̱ Nuṅtšo̱ le̱ gble etšui nā, ake̱ ebo nii ni Paulo wieo̱ le̱ toi. Ioh. 6,44.

Bɔfoi 17:11

Ši mene̱mei asu hĩ fè mei ní yo̱ Tesalonika le̱, ni ame̱ le̱ ame̱dšie ame̱yitšoṅ ame̱mõ wiemo̱ le̱ mli, ni dā *ame̱kpaä ṅmãle̱i le̱ amli ame̱kwe̱o̱ ake̱ nibii ne̱ ye̱ mli nakai lo. *Ioh. 5,39.

Bɔfoi 20:11

Ni beni ekwo̱ ke̱-ba ekoṅ le̱, ebakũmo̱ abolo le̱, ni eye eko, ni ekã he ewie āhũ ke̱-yaši dšetše̱remo̱, ke̱ke̱ ni eyi mli.

Bɔfoi 20:7

Ši otši mii *kleṅkleṅ gbĩ le̱ no̱ le̱, beni kaselo̱i le̱ babua ame̱he nā koni †ame̱kũmo̱ abolo le̱, Paulo wie tšõame̱, ni ekã wiemo̱ le̱ he ke̱-yaši nyōṅteṅ, edšake̱ ke̱ dše tše̱re le̱ ebayi mli. *1 Kor. 16,2. †Bo̱f. 2,42. 46.

Bɔfoi 28:23

Ni beni ame̱tole̱ gbĩ le̱, ame̱teṅ mei pī ba eṅõ ye̱ etōhe le̱, ni edšadše Nyoṅmo̱ maṅtše̱yeli le̱ he sane etšõame̱, ni eye he odase faṅṅ, ni edše̱ Mose mla le̱ ke̱ gbalo̱i le̱ amli etao ní ame̱yĩṅ atšṍ ke̱-ba Iesu gbe̱făṅ ke̱-dše̱ lebi ke̱-baši gbe̱ke̱.

5 Mose 31:9

Ni Mose ṅmã ne̱ke̱ mla ne̱, ni eke̱-hã oso̱foi, ní dši Levibii le̱ ní tẽreo Iehowa kpãṅmo̱ adeka le̱, ke̱ Israel onukpai le̱ fẽ.

1 Tesalonikabii 2:13

Ene̱hewo̱ ni wo̱ hũ wo̱daä *Nyoṅmo̱ ši ni wo̱fõõ le̱, edšake̱ beni nyenine še̱ Nyoṅmo̱ wiemo̱ ni nyenu ye̱ wo̱nā le̱ no̱ le̱, nyemõ mli ake̱ Ṅyoṅmo̱ wiemo̱, take̱ bo̱ni edši hũ le̱le̱ṅ le̱, ši †dšee ake̱ gbomei awiemo̱ ko ni, mo hũ ni tšuo̱ hewale̱nii ye̱ nye ni nyeheo̱ nyeyeo̱ le̱ amli le̱. *1,2. †Gal. 1,11.

Yoshua 8:35

Wiemo̱ ko be̱ ye̱ nii ní Mose wo be kitã le̱ fẽ mli, ní Iošua kanee ye̱ Israel asafo le̱ ke̱ yei ke̱ gbekẽbii ke̱ gbo̱i ni yo̱ ame̱teṅ le̱ ahĩe.

Kpojiemɔ 2:29

Moni yo̱ toi le̱, hã ní enu noni Mumo̱ le̱ kē̱o̱ asafoi le̱. 3,6. 13. 22.

Kpojiemɔ 3:22

Moni yo̱ toi le̱, hã ni enu noni Mumo̱ le̱ kē̱o̱ asafoi le̱.