Daniel 7:2 - Ṅmãle̱ Kroṅkroṅ Le̱

² Daniel dše šiši ni ekē̱: Mina ye̱ mininā le̱ mli nyōṅ, ni na, ṅwei kō̱yo̱i edſe̱ le̱ li ye̱ *ṅšo̱ kpeteṅkple le̱ hĩe. *Kpods. 17,15.

ŊMALƐ KRƆŊKRƆŊ LƐ

² Daniel ŋma akɛ, “Mina yɛ mininaa lɛ mli akɛ nyɔɔŋ kɔɔyɔɔ efã kɛjɛ jeŋ koji ejwɛ lɛ fɛɛ, ni ehã ŋshɔ fee hamahama.

Daniel 7:2 Iomraidhean Croise

Yesaia 17:12

Ao! mãdši babaō ahōfemo̱ ní gbē̱o̱ tamo̱ ṅšo̱ gbē̱o̱! ke̱ dšeṅmãdši ahū̃mo̱ ní tamo̱ nu ní nā wa hū̃mo̱!

Yeremia 49:36

ni mike̱ kō̱yo̱i edſe̱ aadše̱ ṅwei nãgbēhei edſe̱ le̱ aba Elam no̱, ni magbe̱-ame̱ maſā ke̱-ate nakai kō̱yo̱i le̱ fẽ no̱, ni dšeṅmaṅ ko dšeṅmaṅ ko be̱ ní Elam mei ní agbe̱ame̱ aſã ne̱ eyaṅ mli.

Yeremia 51:42

Ṅšo̱ le̱ ete ši ewo Babel, eṅšo̱kei ní gbē̱o̱ le̱ eha eno̱.

Daniel 11:4

Ši ké̱ ete ši edamo̱ ši le̱, emaṅtše̱yeli le̱ aadſa, ni *aadša mli ke̱-ya ṅwei kō̱yo̱i edſe̱ le̱ mli gbe, ši dšee esešibii aaṅõ-hã, ni asaṅ dšee ehewale̱ ní eke̱ye no̱ le̱ nā aaye no̱, ni emaṅtše̱yeli le̱ aašõ ahã meikrokomei, ši dšee mene̱mei. *8,8. 22.

Daniel 2:19

Ke̱ke̱ ni *adšie ne̱ke̱ tēmo̱sane ne̱ ši atšõ Daniel nyōṅ ye̱ ninā mli; nohewo̱ le̱ Daniel dšie ṅwei Nyoṅmo̱ le̱ yi. *K. 30.

Daniel 7:13

Misā mina ye̱ nyōṅ ninā le̱ mli, ni na, moko tamo̱ *gbomobi ke̱ ṅwei atatui mība, ni oba moni eye gbĩĩ pī le̱ ṅõ, ni ake̱le̱ ba ehĩe; *Luk. 21,27.

Daniel 7:7

Ene̱ se̱ le̱ mihĩe kwe̱mo̱ ye̱ nyõṅ nināi le̱ amli, ni na, kolo ní dši edſe̱ le̱, ehe ye̱ gbeyei ke̱ nākpe̱, ni ehe wa naakpa, ni eye̱ dade nyãnyõdši kplei, eye nii, ni ekũmo mli dukuduku, ni nii ni ſe̱ le̱ eke̱ enãdši nānā no̱; ni sŏrole̱, ni sŏro koloi krokomei ni tšṍ ehĩe ba le̱, ni eye̱ aklontoi nyoṅma.

Daniel 8:2

Ni mina ye̱ ninā le̱ mli, ni eba mli ake̱, beni mina le̱, miye̱ Šušan mō̃ le̱ ní yo̱ Elam šikpoṅ le̱ no̱ le̱ mli; ni mina ye ninā le̱ mli, ni miye Ulai fā le̱ nā.

Daniel 8:8

Ni tōkpakpo le̱ dše agbo kpeteṅkple dientše̱; ni beni ehe wa kwrā le̱, eklonto kpeteṅkple le̱ kũ, ni aklontoi *edſe̱ ní dăra ni kwe̱o̱ ṅwei kō̱yo̱i edſe̱ le̱ no̱ gbe̱ badše kpo ye̱ enãdšiaṅ. *7,4; 11,5.

Zakaria 6:5

Ni bo̱fo le̱ here no̱ ni eke̱mi ake̱: Ene̱me̱i dšĩ ṅwei kō̱yo̱i edſe̱ le̱ ni ke̱ ame̱he yatšõo̱ *šikpoṅ mū le̱ fẽ nuṅtšo̱ le̱ ni ame̱dšeo̱ kpo le̱. *4,14.

Mateo 24:31

Ni eetšũ ebo̱foi le̱ ke̱ *te̱tre̱mantre̱ ní gbē wā, ni ame̱abua emei ní ahala le̱ anā ke̱-adše̱ kō̱yo̱i edſe̱ le̱ no̱, ke̱-adše̱ ṅwei nāgbēhe kome no̱ ke̱-yaši nāgbēhe kroko le̱ no̱. *1 Kor. 15,52. 1 Tes. 4,16. Kpods. 8,1. 2.

Kpojiemɔ 17:15

Ni ekē̱mi ake̱: *Nui le̱ ni ona ni yō adſamaṅ le̱ tá no̱ le̱ dši †mãdši ke̱ asafoi ke̱ dšeṅmãdši ke̱ mãdšianowiemoi. *K. 1. †Ies. 8,7. Ier. 47,2.

Kpojiemɔ 7:1

Ni nii ne̱ ase̱ le̱ mina ṅweibo̱foi edſe̱ damo šikpoṅ kodšĩ edſe̱ le̱ no̱, ni ame̱hīe šikpoṅ le̱ no̱ *kō̱yo̱i edſe̱ le̱ mli, koni kō̱yo̱ ko akatſa ye̱ šikpoṅ le̱ no̱ le̱ ṅšo̱ no̱ lo tšo ko no̱. *Dan. 7,2. Zak. 6.5. Mat. 24,31.