1 Mose 4:7 - Ṅmãle̱ Kroṅkroṅ Le̱

⁷ Aso ke̱dši ofe ekpakpa le̱, ohĩe baṅ nyam lo? ši ke̱dši ofee ekpakpa le̱, eša *bu šĩnā le̱ ši, ni bo ose̱gbe̱ etaoo̱; ši bo le̱ †ye eno̱. *Gal. 6,17. †Rom. 6,12.

ŊMALƐ KRƆŊKRƆŊ LƐ

⁷ Aso kɛji ofee ekpakpa lɛ, ohiɛ baŋ nyam? Kɛji ofeee ekpakpa lɛ, esha bu oshinaa lɛ shi, ni bo osɛɛgbɛ etaoɔ lɛ; shi bo lɛ ye enɔ kunim.”

1 Mose 4:7 Iomraidhean Croise

Yakobo 1:15

No se̱ le̱ ako̱no̱ le̱, kē̱ éṅõ ho̱ le̱, efo̱ō̱ eša, ni eša le̱ hũ, ké̱ afe agbe nā le̱ efo̱ō̱ *gbēle. *Rom. 7,10.

Hebribii 11:4

Hemo̱-ke̱-yeli Habel ke̱-šã afo̱le ni fè Kain nõ le̱ ehã Nyoṅmo̱, no hewo̱ hũ ní aye ehe odase ake̱ dšálo̱ dšile̱ le̱; edšake̱ Nyoṅmo̱ ye enikēnii le̱ ahe odase; ni no noṅṅ eke̱-wieo̱ lolo, tše̱ egbo. 1 Mose 4,4. Mat 23,35.

Romabii 6:16

Ani nyelee ake̱, moni nyeṅõo̱ nyehe nyefeo̱ tšũdši nyehãa ní nyeboo̱le̱ toi le̱, le̱ noṅṅ etšũdši dšinye ni nyeboo̱le̱ toi, eša nõ ní ke̱ mo yaä gbĕle mli le̱ dsio, alo toibō ni ke̱ mo yaä dšale̱ mli le̱ dsio? Ioh 3,34.

4 Mose 32:23

Ši ke̱dši nyefee nakai le̱, na, nyemīfe Iehowa šiši eša, ni befẽbe ní fe le̱ nyeaná nyehe eša le̱ he nyõmo̱wo.

Romabii 12:1

Nohewo̱ le̱, anyemimei, mike̱ Nyoṅmo̱ mlitšõle̱i mīkpanye fai, ake̱ nyeṅõ *nyegbomotšei le̱ nyedamo̱ ši ake̱ afo̱le ní hĩe kã ní he tše ní sa Nyoṅmo̱ hĩe ní nyedšámo̱ le̱ afe mumo̱ṅ dšámo̱. *6,13. 1 Pet. 2,5.

Maleaki 1:13

Ni nyekē̱o̱ ake̱: Na, mẽ haomo̱ ne̱! ni nyegbeo̱ he guo̱, Iehowa Zebaot kē̱, ni nyeke̱ dšūnii ke̱ akpake ke̱ helatše̱ baä, ni nyeko-bohãa ake nikēnii: aso mahe ene̱ ke̱ mīše̱ ye̱ nyedeṅ lo? Iehowa kē̱.

Abe̱i 21:27

Efõṅfelo̱i afole le̱ nihĩnii ni, āhũ ní eke̱-ba ye̱ dſẽṅmo̱ fõṅ mli! 16,8.

Maleaki 1:10

Minã ni kũle̱ nyeteṅ moko ṅã́mo̱ šĩnãi le̱, koni nyekaše̱re la ye̱ mifo̱lešãlate̱ le̱ no̱ yakatſā doṅṅ! Mináá nyehe tšui, Iehowa Zebaot kē̱, ni nyedeṅ *ni-kēnii hũ mináá he mīše̱, *2,15. Ies. 1,13.

Maleaki 1:8

Ni ke̱dši nyeke̱ kolo *ſilafo bahã ní ake̱-ša afo̱le le̱, edšee nõfõṅ ko! ni ke̱dši nyoke̱ akpake lo helatše̱ bahã le̱, edšee nõfõṅ! Oke̱-yahã omralo le̱: ani eená ohe tšui, alo eekwe̱ ehĩe? Iehowa Zebaot kē̱. 3 Mose 22,20. 23.

Bɔfoi 10:35

ši moṅ maṅ-fẽ-maṅ mli le̱, moni šeo̱le̱ gbeyei ni etšuo̱ dšale̱ nii le̱, le̱ dši moni saä ehĩe. Ioh. 10,16.

Romabii 14:18

edšake̱ moni súmoo̱ Kristo ye̱ ene̱mei amli le̱, Nyoṅmo̱ náa ehe tšuidšŭrõ ni esa gbomei ahĩe hũ.

Yeremia 6:20

Meni mifeo̱ kro̱bo̱o ni dše̱ Šeba le̱ ke̱ sinamon ni dieo̱ ṅma ní dše̱ maṅse̱ šoṅṅ le̱ he? Nyešā̃-afo̱lei le̱ esaa mible, ni nyegbē-afo̱lei le̱ misumo̱o̱! Ies. 1,11.

Abe̱i 18:5

Ehĩĩ ake̱ akwe̱ efõṅfelo̱ hĩeṅtšo no̱, ní atšṍ dšalo̱ sane hĩe abu ši ye̱ kodšomo̱ mli. 5 Mose 1,17.

1 Petro 2:5

ni nye hũ, nyehãa aṅõanye tamo̱ te̱i ni hĩe kãmo̱ ake̱-tſaä mumo̱ṅ *tšũ ni afenye †oso̱foiaweku kroṅkroṅ, koni aṅõ-šã **mumo̱ṅ afo̱lei ní sa Nyoṅmo̱ hĩe ye̱ Iesu Kristo hewo̱.

Romabii 15:16

koni mitšṍ Iesu Kristo *súolo̱ mihã dšeṅmãdši le̱, ní †mitšu Nyoṅmo̱ sanekpakpa le̱ he oso̱fonitšumo̱ le̱, ni dšeṅmãdši le̱ atšṍmo̱ afo̱le ní sa ehĩe dšogbāṅ ní atšū he ye̱ Mumo̱ kroṅkroṅ mli. *11,13. †Fil. 2.17.

Hiob 42:8

Nohewo̱ le̱ agbe̱ne̱ nyemõmo̱a tšina-hĩĩ kpawo ke̱ tōagboi kpawo nyehãa nyehe ni nyeyaä mitšũlo̱ Hiob ṅõ, ni nyeyašãa šä-afo̱le nyehãa nyehe, ni mi-tšũlo̱ Hiob *akpa fai ahãnye; ši le̱ ehĩe ke̱ke̱ makwe̱ ní mike̱nye akaye ye̱ nyekolofemo̱ le̱ nā, edšake̱ nyewiee mihe bo̱ni dša tamo̱ mitšũlo̱ Hiob! *Ezek. 14,14.

1 Mose 3:16

Yō le̱, ekē̱le̱ ake̱: Fá mahā ohedšrame̱ ke̱ oho̱ṅō̃ afá; dšramo̱ mli oofo̱ bii ye̱, ni owù le̱ se̱gbe̱ ootao, ni le̱ *eeye ono̱. *Ef. 5,22. 23. 1 Tim. 2,11. 12.

1 Timoteo 5:4

Ši ké̱ yō okũlafo ko ye̱ bii lo nā̃bii le̱, ame̱kase Nyoṅmo̱ gbeyeišemo̱ ye̱ ame̱dientše̱ ame̱we tšutšu, ni ame̱to ame̱fo̱lo̱i le̱ anãdšiaṅ pe̱pē̱pe̱; edšake̱ ene̱ ye̱ fe̱o ni eṅõ Nyoṅmo̱ nā.

2 Samuel 24:23

Ene̱mei fẽ Arauna ṅõ-hã maṅtše̱ le̱; ni Arauna kē̱ maṅtše̱ le̱ ake̱: Iehowa, o-Nyoṅmo̱ le̱, aná ohe tšui!

Efesobii 1:6

koni aṅõ-dšie edrome̱ anumnyam le̱ yi, noni eṅõ-drowo̱ ye̱ moni *asumoo̱le̱ le̱ mli le̱, *Mat. 3,17.

1 Mose 19:21

Ni ekē̱le̱ ake̱: Na, miwo ohĩe nyam ye̱ ne̱ke̱ sane ne̱ hū mli, ni mibutuṅ maṅ ni owie he ne̱.

Hiob 29:4

bo̱ni miyo̱ ye̱ minikpamo̱ gbĩĩ le̱aṅ, beni Nyoṅmo̱ nanyobō̱ yo̱ mibū le̱ yi-teṅ le̱; Lal. 25.14.

2 Maŋtsɛmɛi 8:28

Ni eke̱ Ioram, Ahab bi le̱, yiṅ ame̱te ni ame̱ke̱ Hazael, Aram maṅtše̱ le̱, yawu ye̱ Ramot-Gilead; ši Arambii le̱ pila Ioram.

Romabii 6:12

Nohewo̱ le̱ nyekahãa eša mīyea nyegbomotšo ní bagbo le̱ no̱ maṅtše̱, ní nyebole̱ toi ye̱ eko̱no̱i le̱ amli; 1 Mose 4,7.

Hiob 11:14

kē̱ nõša ko ye̱ odeṅ le̱, hã eya se̱ fle̱ṅṅ, ni okahã noni edšaa mïhi obūi le̱ amli:

Hiob 11:15

no le̱ oowó ohĩe no̱ ni kpa ko be̱ he, hē̃, oofĩ ši šiṅṅ, ni ošeṅ gbeyei;

Yeremia 3:12

Ya ni oyašie̱ ne̱ke̱ wiemo̱i ne̱ ke̱-ya kōyigbe̱ ni okē̱: Kũ ose̱, se̱se̱yalo̱ Israel! Iehowa kē̱; mitũṅ mihĩe miwoṅ-nye doṅṅ; edšake̱ *mo̱bo̱nalo̱ dšimi, Iehowa kē̱; mibè̱ṅnye miwoṅ mimli ke̱-yaṅ nāno̱! *Lal. 103,8. 9.

Mika 7:18

Namo dši Mawu tamo̱ bo ní ṅoo̱ nõša efaä, ni ekũo̱ ehĩe efõo̱ egbe̱fāṅnõ le̱ mli mei ní eſe̱ le̱ amlatõmo̱ no̱? ehĩeṅ emlifū le̱ mli ke̱-yaṅ nāno̱, edšake̱ enáa mo̱bo̱nale̱ he tšui! Lal. 103,3. 8-13.