Yemesi 2:5 - ZE'ELEGO PAALEGA

⁵ Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

Farefare Ninkaré

⁵ M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

Yemesi 2:5 Iomraidhean Croise

Amatie 11:5

fɔɔhi nini pigehɛ mɛ, ti kɔɔrenɔ kina, ti kunkɔma nyɛ tibegɔ, ti wahi wuna, ti kum ihege, ti naheduma wum faarɛ yelefum la.

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Amatie 5:3

“Sum boi mɛ la sɛba en mi' ti ba boti sia puan suŋɛ, bamam en sɔi saazuo sɔ'ɔlum la.

Amarkɩ 7:14

Gee nyaa le yi' nɛrekuuŋɔ la na, yele ba yeti, “Ya za'a kelehe ya mam suŋa, la ya bɔkɛ.

Aluki 12:21

Bala n wan iŋɛ sɛba woo n ka'aheri lɔgerɔ biŋera ba mɛhi, gee tugum dagena buntateba Yinɛ nɛŋan la.”

Aluki 12:32

“Da zoti ya dabeem n pebibehi wa, la dela Sɔ la pupeelum ti a dikɛ sɔ'ɔlum la bo' ya.

Aluki 16:22

Ti naha wa ta ki, ti Yinɛ suŋereba wa'am na tari en kiŋɛ Yinɛ yire, ta bɔna Aberaham zi'an. Ti buntata la me ta ki, ti ba pi' en.

Aluki 16:25

Gee Aberaham yele en yeti, ‘N bia, tɛra ti fum yuum boi vom puan tiŋa zuo la, fum yuum nyɛ fum sum mɛ za'a, gee ti Lazarus me bɔna mɛlehegɔ puan. Gee nananawa, a boi la sum zi'an ka'lam, gee ti fum me bɔna mɛlehegɔ puan.

Aluki 22:29

Bala ti mam dikɛ sɔ'ɔlum bo' ya, wuu Sɔ la n dikɛ sɔ'ɔlum la iŋɛ mam nu'uhen se'em la,

Aluki 6:20

Ti Yezu gorege bihɛ a zahereba la gee yeti, Sum boi mɛ la yamam sɛba n nameheri wa, Se'ere en sɔi la Yinɛ sɔ'ɔlum la dela ya dinɛ.

Azã 7:48

Se'em boi kpɛ'ɛnduma bii Farasii duma wa puan nam bo' en?

Tõoma 7:2

Ti Siteven lerege yeti, “N suurɔ la n sɔduma, kelehe ya mam. Yinɛ en de suŋa Yinɛ la yuum niiɛ la de mɛŋa bo' tu sɔyaaba Aberaham, se'em ma'a ti a bɔna Mɛsopotemiya, se'em ma'a ti a nan ka nɔgɛ kiŋɛ Haran la, yeti,

Aromduma 8:17

ti tu han dɛna Yinɛ kɔma, tu dela sɛba en wan sooe sɔna, tu dela Yinɛ kɔma wan sooe Yinɛ lɔgerɔ sɔna. Tu naaɛ mɛ la Kiresta sooe sɔna Yinɛ lɔgerɔ, tu han sirum namehɛ la en, tu me wan ta lagum nyɛ suŋa la en.

1 Korẽntɩ 2:9

Gee wuu lan gulehɛ se'em yeti, “Sɛla ti niho ka tabelɛ nyɛ, bii tuberɛ wum, bii asaala suure tabelɛ bɔkɛ dɛ, Sɛla ti Yinɛ maahum biŋe sɛba en nɔŋɛ en la” —

2 Korẽntɩ 4:15

Yelemɛŋerɛ, sɛla woo dela yamam zuo, ti zu'uhegɔ la, n pa'aherɛ se'em la paaɛ nɛreba zo'e zo'e, ti pɛka malum zo'e pa'ahɛ ti Yinɛ yu'urɛ nyɛ pɛka.

2 Korẽntɩ 6:10

Tu ani wuu tu suya n sagum la, gee tu nyɛɛni mɛ saŋa woo. Tu ani mɛ wuu naheduma la, gee me iŋɛ nɛreba zo'e zo'e ti ba dɛna buntateba, tu ani wuu tu ka tari la sɛla la, gee me tara sɛla woo.

2 Korẽntɩ 8:9

Se'ere en sɔi la, yamam mi' pupeelum bo'olum sebo ti tu Daana Yezu Kiresta bo' doohe la en pun dɛna buntata la, gee yamam zuo ti a lebege naha, ti a nɔŋɔ la puan yamam wan dɛna buntateba.

Efɛɛzɩ 1:18

Bala ti ya suure wan yu'ɛ, ti ya nyɛ niihum la, la ya baŋɛ beere puti'irɛ se'ere zuo ti a yi' ya na la, la tarega sɛka en boi suŋa tarega la puan bɔ'ɔra nɛresunduma la,

Efɛɛzɩ 3:8

Gee la mam n pun pɔ'ɛ nɛresunduma la za'a puan la, Yinɛ dikɛ la zu'uhegɔ kuna bo' mam, ti n tari Kiresta tarega la n ka tari makerɛ la faarɛ yelesuma la na bo' sɛba n dagi Yuuduma la,

1 Tesaloniki 2:12

ka'ana, gee kpɛmeha ya, gee me bɛlena ya ti ya vɔna vom sebo taaba n nari bɔ'ɔra Yinɛ, se'em en yi' ya ki'ihɛ a mɛŋa sɔ'ɔlum, la a suŋa puan la.

2 Tesaloniki 1:5

Ŋwana en de daalehum bo' Yinɛ tuuntɔɔ gakerɛ la, a maahum ti a bahɛ ti ya nara mɛ la Yinɛ sɔ'ɔlum la, ti ya me namehera bu zuo la.

1 Timoti 6:18

Ba dela ba ita itesuŋɔ, ba dɛna buntateba itesuŋɔ puan, ba bɔ'ɔra, ba dɛna sɛba en maahum ti ba tɔta,

2 Timoti 4:18

Daana la wan faaɛ mam be'em zaberɛ woo puan bahɛ, gee tara mam kɛ̃ a saazuo sɔ'ɔlum la puan. Eŋa en sɔi na'ahegɔ wuuha wuuha. Taari.

2 Timoti 4:8

Nananawa yɛ'a ha, sɛla en dikɛ biŋe gura mam dela, tuuntɔɔ vom muŋa, sɛka ti Daana la en de tuuntɔɔ gakera la, wan dikɛ bo' mam de daarɛ, gee dagi mam ma'a, gee sɛba woo en me guri Yezu lɛbega na la.

Hiburuduma 11:26

A yuum nam ya ti Kiresta zuo a wan to'e kɛhega la namehegɔ, ti la dɛna tarega kãtɛ bo' en, nyana Igipiti tarega la, se'ere en sɔi la, a yuum biheri la yɔɔri kãtɛ la en boi nɛŋa ha la.

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

Yemesi 1:16

Da bahɛ ya ti se'em pã'ahɛ ya, n sunɔŋerɛ duma wa.

Yemesi 1:19

Ya dela ya bɔkɛ dina wa, n sunɔŋerɛ duma wa, bahɛ ya ti nɛra woo kɛleha kalam kalam, gee da tɔgera kalam kalam, bii ita suure kalam kalam.

Yemesi 1:9

Bahɛ ya ti suuɔ seko en sigehe ku mɛŋa la, ŋmɛ' a nyu'ɔ, la Yinɛ en zɛkɛ en la,

1 Pita 1:4

A yi ya mɛ ti ya to'e lɔgerɔ seto en ka sageni, ka galum, ka kuregera, en maahum biŋe saazuo ha gura ya.

2 Pita 1:11

Bala, ya han ita ŋwana, ya kɛ̃'a tu Daana, la tu Faara Yezu Kiresta sɔ'ɔlum la en ka tari ba'ahegɔ la puan, wan yu'ɛ yɔlaam bo' ya.

Lilegere 2:9

“N mi' ya pɔgeleŋɔ, la ya nɔŋɔ, la yan pun tara la za'a. N mi' yu'sageŋɔ seko n paari ya, doohe sɛba en yeti ba dela Yuda buuri gee dagena, gee dɛna Sagena la lageŋɔ yire la.

Lilegere 21:7

Se'em en nyaŋɛ la, en wan to'e lɔge tuna, ti n dɛna a Yinɛ, ti a dɛna n bia.

Lilegere 3:18

Bala zuo, mam ka'ani ya mɛ ti, ya wa'am na da' salema sɛ'a ti bugum bi'ihɛ a paaɛ la mam zi'an, la ya dɛna buntateba. Da' ya futo pɛɛla mam zi'an bagɛ pi' ya nyanɛ la, ti nɛreba da nyɛta ya beele la, gee da' tisumɔ mam zi'an tigɛ ya nini, la ya nyɛta suŋa.