Yemesi 1:25 - ZE'ELEGO PAALEGA

²⁵ Gee sɛba en bihɛ nɔze'ele seko en ka tari gbelegere la, fai nɔze'elego la en ka tari gbelegere la, tara kɔ, dagena kɛleheba sɛba en tameni, gee sɛba en tari tuna, ba wan nyɛ sum ba itegɔ la puan.

Farefare Ninkaré

²⁵ La nẽr-sɛka n tarɩ Nawẽnnɛ lɔɔ n masɛ sõŋa n yolsrɩ nẽrba la, dee sakɛ ẽ sõŋa ɩta lan yele se'em na, ẽŋa dagɩ nẽra n selsrɩ dee yĩnna, ẽŋa dãana tarɩ la sũ-yẽlga ẽŋa n ɩtɩ sɛla la pʋam.

Yemesi 1:25 Iomraidhean Croise

Aluki 11:28

Gee Yezu yele en yeti, “Sum tugum bɔna mɛ la sɛba en wum Yinɛ yelehum wa gee gurɛ bu suŋa suŋa.”

Azã 13:17

Ya han mina yele ana wa, sum wan bɔna, ya han ita a.

Azã 8:36

Bala zuo, dayua la han faaɛ fum bahɛ, fum yeti fum sirum bɔna la fai.

Tõoma 13:43

Ban ta ba'ahɛ lageŋɔ la zamehegɔ yire la puan la, Ti Yuda buuri la zo'e zo'e la sɛba n kaabɛ ba mɛhi bo' Yuda pu'uhegɔ la dɔla Pɔɔl la Banabase poore, ti ba tɔgera bɔ'ɔra ba gee kpɛmeha ti ba kelum bɔna Yinɛ zu'uhegɔ la puan.

Tõoma 2:42

Ti nɛrebana wa kaabɛ ba mɛhi bo' tuntuneba pa'alegɔ la, la lageŋɔ la taaba, lagum ɔbera boroboro, la pu'uhegɔ.

Tõoma 26:22

Wa'am na paaɛ zina, Yinɛ n suŋɛ mam, ti mam ta'am zɛ'a ka'lam wa, tɔgera bɔ'ɔra nɛrekãreba la tarenduma, dagi la yele se'ere ha, gee sɛla ti nɔtɔgeheba la Moose yeti la wan wa'am na tum la zuo.

Aromduma 11:22

Bala, mini ya Yinɛ itesuŋɔ, la a kpe'eŋo seko ti a tara la. A nini mu'ɛ mɛ la sɛba en lu la, gee tara Yinɛ itesuŋɔ dɔla yamam, wuu ya han bɔna a sum la puan, bii a ŋmaaɛ yamam me bahɛ.

Aromduma 2:13

La dagi sɛba en kelehe ze'elego yɛla la en de tuuntɔɔ duma Yinɛ nɛŋan, gee sɛba en tuni ze'elego la en boti se'em la ti Yinɛ wan bo' ba buurɔ.

Aromduma 7:12

Bala, ze'elego la dela fa'a ti nuurɛ bu'a la dela Fa'a dɛna dɔ'ɔ, ana suŋa.

Aromduma 8:15

Ŋwana zuo la Ya ka to'e la Sia sɛka en bahɛ ti ya dɛna da'aba, le lu dabeem puan, gee ya to'e la Sia sɛka en bahɛ ti ya dɛna sɛba ti ba to'e ya bihera. Bala n bahɛ ti tu ni kaahɛ yeti “Aba” “Tu Sɔ suŋɔ.”

Aromduma 8:2

Beni zuo, ze'elego seko en boi Fa'a Sia la en de vom Kiresta Yezu puan la, faaɛ ya bahɛ la fai, ze'elego seko en tari be'em la kum la nu'uhen.

1 Korẽntɩ 15:58

Bala, n sunɔŋerɛ duma wa, ze' ya kankaŋi, da bikeri ya, kɔ'ɔm boni ya Daana la tuuma puan saŋa woo malum pa'ahera, se'ere en sɔi la, ya mi' ti Daana la puan ya tuunkãra la kan bahɛ yoo.

2 Korẽntɩ 13:5

Magehɛ ya mɛhi bihɛ nyaa ya vɔi sakerɛ la puan. Magehɛ ya mɛhi bihɛ, ya ka baŋɛ ti Kiresta boi ya puan? Han dagena ti ya sirum koŋe la ya magehɛ ya mɛhi bihɛ.

Galatɩ 2:4

Gee doohe la pumpɔreŋɔ sakereba ti nɛreba li'ihɛ tari ba na la, sɛba en iŋɛ bããlam kɛ̃ ti ba bihɛ fai sɛka ti tumam tara Kiresta Yezu puan, la ba ta'am bahɛ ti tu lebege yamehi la,

Galatɩ 5:1

Han dɛna fai, Kiresta en faaɛ tu bahɛ fai. Ze' ya kankaŋi bala zuo la, gee da le dikɛ ya mɛhi bo' da'aberɛ yɔgehega la.

Galatɩ 6:2

Ziiri ya taaba zeero, ŋwana ti Kiresta ze'elego la wan wa'am asira na.

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

1 Timoti 2:15

Gee la bala za'a, a wan nyɛ faarɛ doohe kɔma dɔgum puan, ba han kelum bɔna sakerɛ, nɔŋerɛ, tuuntɔɔ vom, la narehum.

1 Timoti 4:16

Bihɛ fum mɛŋa suŋa, la fum pa'alegɔ la. Kɔ'ɔm ita yele ana, se'ere en sɔi la, fum han ita yele ana, fum wan faaɛ fum mɛŋa, la fum kɛleheba la.

Hiburuduma 12:15

Bihɛ ya suŋa, ti ya se'em da koŋe Yinɛ zu'uhegɔ la. Da bahɛ ya ti too nyɛgerɛ yehe ya puan na, tari daaŋɔ wa'am na, ti ya doohe de puan galum nɛreba zo'e zo'e.

Yemesi 2:12

Bala, tɔgera gee ita wuu sɛba ti ba wan gakɛ la fai bɔŋa ze'elego la.

1 Pita 2:16

Yamam en de Yinɛ yamehi la, vɔni ya fai, gee la bala za'a, da dikɛ ya fai bɔŋa la tuna be'em.

1 Zã 2:24

Gee han dɛna yamam bahɛ ya ti sɛla ti fum wum pi'ileŋen ha la bɔna fum puan. Sɛla woo ti fum wum pi'ileŋen ha la han bɔna fum puan, fum wan bɔna la Dayua la, la Sɔ la.

Lilegere 14:13

Ti mam wum kua tinsuŋan la, ti ka yeti, “Gulehɛ dina wa biŋe yeti, Yehe zina yɛ'a ha, Sum wan bɔna la sɛba woo en ki Daana la sore dɔlega puan.” Sia la yeti, “Ɛ̃ɛ, Ba wan vo'ohe ba namehegɔ la puan, se'ere en sɔi la, ba tuuma la wan dɔla ba.”

Lilegere 22:14

Sum wan bɔna la sɛba en pee ba futo, bala ti ba wan tara sore ti ba paaɛ vom tia la, gee me ta'am doohe tiŋa la nayahi la puan kɛ̃.