Yemesi 1:12 - ZE'ELEGO PAALEGA

¹² Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

Farefare Ninkaré

¹² Nẽr-sɛka n wĩbri nãmsgɔ pʋam tarɩ zu-yẽlga. Se'ere n soe la, ẽn ze'ele kãŋkãŋɛ la, Nawẽnnɛ wʋn bɔ ẽ bɔ'a n de vɔm n ka ba'asrɩ tɩ a bĩŋe nõorɛ tɩ a bɔ sɛba n nõŋɛ ẽ na.

Yemesi 1:12 Iomraidhean Croise

Amatie 10:22

Nɛra woo wan ta yaaɛ ya mam zuo, gee se'em n ŋmibe ze'ele ta paaɛ ba'ahegɔ n wan nyɛ faarɛ.

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Aluki 6:22

“Sum boi mɛ la ya, nɛreba han yaaɛ ya, ka dikera ya pa'ahɛ nɛreba puan, tuura ya gee Sagena ya yu'ura Asaala Dayua wa zuo,

Aromduma 5:4

ti ŋmibega bɔ'ɔra tu aŋa en bi'ɛ, ti aŋa en bi'ɛ la bɔ'ɔra tɔ beere puti'irɛ,

Aromduma 8:28

Tu mi ti sɛla woo tuni naara taaba tara la sum bɔ'ɔra la sɛba en nɔŋɛ Yinɛ, sɛba ti Yinɛ yi' doohe a puti'iren la.

1 Korẽntɩ 2:9

Gee wuu lan gulehɛ se'em yeti, “Sɛla ti niho ka tabelɛ nyɛ, bii tuberɛ wum, bii asaala suure tabelɛ bɔkɛ dɛ, Sɛla ti Yinɛ maahum biŋe sɛba en nɔŋɛ en la” —

1 Korẽntɩ 8:3

Gee se'em en nɔŋɛ Yinɛ, Yinɛ mi' en mɛ.

1 Korẽntɩ 9:25

Zɔteba kpemehere ba mɛhi la ba tana ba mɛhi tara sɛla woo puan. Ba iti dina wa ti ba to'e la muŋa sɛka en ta' Sagena, gee tumam dela muŋa sɛka en ka ta' sageni.

2 Timoti 2:15

Kpeŋe fum mɛŋa la fum kaabɛ fum mɛŋa suŋa bo' Yinɛ wuu se'em ti Yinɛ mɛŋa nam la. Tuntuna sɛka en ka de a zɔta valum, pa'ala yelemɛŋerɛ yelehum la tuuntɔɔ.

2 Timoti 4:8

Nananawa yɛ'a ha, sɛla en dikɛ biŋe gura mam dela, tuuntɔɔ vom muŋa, sɛka ti Daana la en de tuuntɔɔ gakera la, wan dikɛ bo' mam de daarɛ, gee dagi mam ma'a, gee sɛba woo en me guri Yezu lɛbega na la.

Hiburuduma 10:32

Gee tiihɛ dabeha aŋa ha la, yan daa nyɛ niihum la, ya daa ŋmiberi mɛ la zika kãtɛ namehegɔ puan,

Hiburuduma 11:17

Sakerɛ zuo, ti Aberaham, Yinɛ wa makɛ en, ti a dikɛ Aziki kaabɛ. Eŋa se'em en to'e a nɔbiŋere lɔkɔ la, yuum maahum mɛ ti a dikɛ a dayɔba'arɛ wa kaabɛ.

Hiburuduma 12:5

Ya me pun tamɛ kpemehego seko en gulehɛ pa'alɛ ti ya dela Yinɛ kɔma la. La yeti, “N bia, da bihɛ Daana tube-dɔlegerɛ la yoo, bii fum suure sagum, a han dɔlegɛ fum tuberɛ.

Hiburuduma 6:15

Bala ti Aberaham me yuum tari sugeri ŋmibera la, a yuum sirum ta to'e nɔbiŋere la mɛ.

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

Yemesi 5:11

Yelemɛŋerɛ, tu yi'iri sɛba en sakɛ ŋmibega la, la sunduma. Ya wum Yobe ŋmibega la yele, ya me baŋɛ Daana la puti'irɛ yele dinɛ, Daana la en tari giile la nimbɔ'zɔrɛ se'em.

1 Pita 3:14

Gee ya han pun nameha yan iti sɛla en de ma'a zuo, sum boi mɛ la ya. Da zoti ya ba, gee me da bahɛ ti la daana ya,

1 Pita 4:13

Gee nyɛɛni ya, la yan lagum tuta Kiresta namehegɔ la, bala ti ya me wan ta vɔɔla la nyɛɛma, a han ta niiɛ na la a suŋa la.

1 Pita 4:14

Ba han tuura ya Kiresta yu'urɛ zuo, sum en dole ya, beni zuo, sia sɛka en de suŋa la, dɛna Yinɛ Sia la, en boi la ya.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

1 Pita 5:4

Ti dunkiin naba la han ta niiɛ na, ya wan di suŋa muŋa sɛka en ka pelegere la.

1 Zã 4:19

Tumam tari nɔŋerɛ, beni zuo, eŋa en nɔŋɛ tu yia.

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 3:19

Mam taheri gee dɔlegera la sɛba ti n nɔŋɛ la tuba. Bala, mu'ɛ ya nini gee tee.

Lilegere 3:21

Se'em daana woo en nyaŋɛ, n wan bo' a daana zi'an ti a bɔna la mam, n na'am kuka la zuo, wuu mam mɛŋa en nyaŋɛ, gee ta zi'a la n Sɔ a na'am kuka la zuo se'em la.