Taitusi 3:7 - ZE'ELEGO PAALEGA

⁷ ti, en bo' tu buurɔ a zu'uhegɔ la zuo la, tu beere wan sɔna vom kan ba'ahɛ la ti tu tara bu puti'irɛ la.

Farefare Ninkaré

⁷ tɩ a yel-sõnnɛ na botɩ tõma masɛ a nẽŋam, lebge a kɔma wʋn yẽ vɔm n ka ba'asrɩ tɩ tõma tarɩ pʋtẽ'erɛ gu'ura la.

Taitusi 3:7 Iomraidhean Croise

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Amarkɩ 10:17

Yezu bahɛ bilam mɛ, gee bɔna sore zuo yɛ'ɛha, ti buraa zɔ paaɛ en, kpa duma a nɛŋan, soke en yeti, “Pa'alesunkɔ, beni en de n iŋɛ la n ta'am nyɛ vom kamba'ahɛ wa?”

Aromduma 11:6

Gee la yi han dɛna la zu'uhegɔ zuo, la le dagena tuuma, han dagena bala, zu'uhegɔ yi dagi zu'uhegɔ.

Aromduma 3:24

Ba nyɛ buurɔ doohe la zu'uhegɔ la en de bo'olum la, doohe faarɛ se'ere en boi Kiresta Yezu puan la,

Aromduma 3:28

Se'ere en sɔi la, tumam n gurɛ se'ere dela, Nɛra nyɛti buurɔ, la sakerɛ puan gee dagi a dole la kiha en gulehɛ bɔna ze'elego la puan.

Aromduma 4:16

Ŋwana zuo, la dela sakerɛ en bahɛ ti nɔbiŋere la, doohe zu'uhegɔ puan paaɛ Aberaham yaahi woo, dagi la sɛba ma'a n dole ze'elego la, gee sɛba me en tari Aberaham sakerɛ la taaba la. (A dela tu za'a sɔ,

Aromduma 4:4

Se'em woo en tum, ba ka bihɛ nyɛ a yɔɔrɛ la ti de dɛna bo'olum, gee la dela sɛla ti a tum to'e.

Aromduma 8:17

ti tu han dɛna Yinɛ kɔma, tu dela sɛba en wan sooe sɔna, tu dela Yinɛ kɔma wan sooe Yinɛ lɔgerɔ sɔna. Tu naaɛ mɛ la Kiresta sooe sɔna Yinɛ lɔgerɔ, tu han sirum namehɛ la en, tu me wan ta lagum nyɛ suŋa la en.

1 Korẽntɩ 6:11

Gee bala ti ya sɛba daa ana. Gee ba pee ya mɛ, ba sukɛ ya mɛ, ba bo' ya la buurɔ tu Daana Yezu Kiresta yu'urɛ la, la tu Yinɛ Sia la puan.

Galatɩ 2:16

Gee la bala za'a, tu mi' ti nɛra de ma'a la Yinɛ dagi la en tuni ze'elego la, gee en tari sakerɛ Yezu Kiresta puan. Ti tumam wa'am na nam Yezu Kiresta, ti tu dɛna ma'a la Yinɛ tu sakerɛ Kiresta puan, gee dagi tumam en tuni ze'elego tuuma se'em. Beni zuo, nɛra ka boi n wan ta'am dɛna ma'a la Yinɛ eŋa en tuni ze'elego tuuma la.

Galatɩ 3:29

Ti fum se'em n de Kiresta dinɛ, fum yi dela Aberaham yaaŋa, dɛna asooe sɔna daana wuu nɔbiŋere la en de se'em la.

Galatɩ 4:7

Bala, fum le dagena da'aberɛ, gee Yinɛ mɛŋa bia. Ti fum han dɛna la a bia, fum dela la asooe sɔna daana Yinɛ puan.

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

Taitusi 1:2

beere puti'irɛ en de vom kamba'ahɛ la, ti Yinɛ en ka pareni wa biŋe nuurɛ gee baŋɛ naam tiŋa wa la.

Taitusi 2:11

Se'ere en sɔi la, Yinɛ zu'uhegɔ la wa'am na tari la faarɛ na bo' nɛra woo,

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Hiburuduma 1:14

Suŋereba la za'a dagi la sabeeo Sia tuuma la puan, ti Yinɛ tuna ba ti ba tuna bɔ'ɔra sɛba en wan ta sooe vaaɛ faarɛ la?

Hiburuduma 11:7

Sakerɛ zuo ti Nowa, Yinɛ kagɛ en doohe yele sɛ'a en wan wa'am na, ti Nowa nam yetɔgum la ninmu'urɛ, gee kpa' daka kãtɛ la ti a faaɛ a yire. Yele dina ti Nowa yuum dikɛ gakɛ timpaberɛ wa, gee nyaa sooe vaaɛ tuntɔɔnɛ en dole sakerɛ puan la.

Hiburuduma 11:9

Sakerɛ zuo ti Aberaham ta zi'ire saŋa fii wa, tinsɛka puan ti Yinɛ biŋe nuurɛ ti a wan dikɛ bo' en la, wuu en de saana ka puan la, a ki'ire la suga puan, bala mɛa ti Aziki la Yakɔbe me iŋɛ, bamam sɛba la eŋa en lagum vaaɛ nɔbiŋere sɔ'ɔlum bumɔ mɛa la.

Hiburuduma 6:17

Bala mɛa ti Yinɛ en daa ta bɔta ti a pa'alɛ ti la niiɛ bo' sɛba en wan ta sooe sɔna a nɔbiŋere la en de a naanɛ se'ere en ka malum tɛɛra la, a pɔ la pɔtɛ ti de dɛna daalehum,

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

1 Pita 3:7

Sireba, bala mɛa, me zu'uhi ya ya pɔgeba, yan boi la taaba la, na'ahera fum pɔga, la eŋa en pun dɛna tɔregɔ lɔkɔ la, se'ere en sɔi la, ba wan ta to'e Yinɛ vom bo'olum la mɛ. Iti ya bala ti sɛla da gu'ura ya pu'uhegɔ.