Taitusi 1:2 - ZE'ELEGO PAALEGA

² beere puti'irɛ en de vom kamba'ahɛ la, ti Yinɛ en ka pareni wa biŋe nuurɛ gee baŋɛ naam tiŋa wa la.

Farefare Ninkaré

² Tɩ tarɩ pʋtẽ'erɛ tɩ tɩ wʋn yẽ la vɔm n ka ba'asrɩ, tɩ Nawẽnnɛ n dagɩ põmpɔrma la daan bĩŋe nõorɛ halɩ tɩ dũnia nãn ka nãam.

Taitusi 1:2 Iomraidhean Croise

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Amatie 25:46

Ti bana wa wan kiŋɛ namehegɔ seko n ka tari ba'ahegɔ puan, gee ti tuuntɔɔ duma la me kɛ̃ vom kamba'ahɛ puan.”

Amarkɩ 10:17

Yezu bahɛ bilam mɛ, gee bɔna sore zuo yɛ'ɛha, ti buraa zɔ paaɛ en, kpa duma a nɛŋan, soke en yeti, “Pa'alesunkɔ, beni en de n iŋɛ la n ta'am nyɛ vom kamba'ahɛ wa?”

Amarkɩ 10:30

gee kan nyɛ ba kɔbehi kɔbehi timpaberɛ wa zuo. A daana wan malum nyɛ yiya, suurɔ, maduma, kɔma, la vatɔ gee me nyɛ namehegɔ pa'ahɛ, gee ti ba'ahegɔ saŋa han ta paaɛ, a daana wan nyɛ vom kamba'ahɛ.

Azã 10:28

Mam bo'ori si la vomkanba'ahɛ, ti si kan malum bahɛ yoo. Se'em me ka boi wan ta'am zɛ piihi wa mam nu'en faaɛ.

Azã 17:2

Fum n bo' mam kpe'eŋo ti n sɔna asaala woo, la n dikɛ vomkanba'ahɛ bo' sɛba woo ti fum dikɛ bo' mam la.

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

Azã 5:39

“Ya viiheri pa'alegɔ gɔnɔ la puan la daare woo, se'ere n sɔi la ya ti'ihɛ ti vom kamba'ahɛ yɛla n boi bini, gee gɔnɔ tuna mɛa n bala tɔgera mam yele la.

Azã 6:54

Se'em en obe mam inganɛ, gee nyu mam ziim la n wan tari vomkanba'ahɛ, ti n ihige en ba'ahegɔ daarɛ.

Azã 6:68

Ti Simɔn Pita lerege en yeti, “Daana, to yeti tu kiŋɛ ta paaɛ la ani? Fum n tari vomkanba'ahɛ yelehum la.

Tõoma 15:18

nɛreba bɔkera yele ana yuuma yuuma ha la.’

Aromduma 1:2

yelehum sebo ti Yinɛ biŋe nuurɛ wunse'eren ha, doohe a nɔtɔgeheba puan, Fa'a gɔnɔ la puan la.

Aromduma 16:25

Nananawa wa, pɛka dɛna Yinɛ se'em en wan ta'am kpemehe ya la yelehum la ti n bo' ya la, la mam n muulɛ Yezu Kiresta bo' ya se'em, yele se'ere en sugɛ gã'a diimen diimen ha se'em,

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

Aromduma 5:2

Se'em puan ti tu doohe nyɛ yɔ'ɔ doohe (sakerɛ) puan ti tu tara zu'uhegɔ seko ti tu yaga ku zuo wa, gee me ŋmɛ'ɛra nyu'ɔ la tumam beere wan lagum nyɛ Yinɛ suŋa la.

Aromduma 5:21

bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

Aromduma 5:4

ti ŋmibega bɔ'ɔra tu aŋa en bi'ɛ, ti aŋa en bi'ɛ la bɔ'ɔra tɔ beere puti'irɛ,

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

1 Tesaloniki 2:15

Sɛba en ku' Daana Yezu, la nɔtɔgeheba la, gee sa'ɛ tu bahɛ yiŋa la. Ba ba' tum sagum la Yinɛ suure, gee ka sakera bɔ'ɔra se'em se'em,

1 Tesaloniki 5:8

Gee tumam en de beyiine kɔma la, bahɛ ya ti tu tara tu mɛhi suŋa, gee yɛ sakerɛ la nɔŋerɛ ti la dɛna tu nyu'ɔ tɛ'ɛlega, Gee han dɛna tu zuo wanɛ, tu vuge faarɛ en de tu beere puti'irɛ la.

1 Timoti 6:12

Zabɛ sakerɛ zabesunɛ la, gurɛ vom kamba'ahɛ la, se'ere zuo ti ba yi' fum la, la se'ere ti fum purɛ yelemɛŋerɛ purega la nɛreba zo'e zo'e nɛŋan la.

1 Timoti 6:19

Ŋwana ti ba wan ka'aha lɔgeseto en wan bo' ba beere ɛ̃berɛ sunɛ la biŋera saazuo ha, la ba beere tara vom sebo en sirum de vom la.

2 Timoti 1:1

Pɔɔl, Kiresta Yezu tuntuna, Yinɛ suboolum puan, doohe nɔbiŋere la en biŋe doohe vom sebo en boi Kiresta Yezu puan la zuo.

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

2 Timoti 2:10

Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.

2 Timoti 2:13

Tumam han ka tara sakerɛ, eŋa nuun dela a sakerɛ daana. Se'ere en sɔi la, eŋa kan ta'am zagehɛ a mɛŋa.

2 Timoti 2:15

Kpeŋe fum mɛŋa la fum kaabɛ fum mɛŋa suŋa bo' Yinɛ wuu se'em ti Yinɛ mɛŋa nam la. Tuntuna sɛka en ka de a zɔta valum, pa'ala yelemɛŋerɛ yelehum la tuuntɔɔ.

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Taitusi 2:7

Bahɛ ti naŋa bɔna fum puan zi'an woo, ti fum dɛna tuunsuma daana ti ba wan tɔgehɛ, fum pa'alegɔ puan, pa'ala la yɛm la paŋa,

Taitusi 3:7

ti, en bo' tu buurɔ a zu'uhegɔ la zuo la, tu beere wan sɔna vom kan ba'ahɛ la ti tu tara bu puti'irɛ la.

1 Zã 2:25

Sɛla ti Yinɛ mɛŋa biŋe nuurɛ la tɔ n ŋwana, Yinɛ vom sumɔ n kamba'ahɛ.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

Azudi 1:21

Dikɛ ya mɛhi iŋɛ Yinɛ nɔŋerɛ la puan, gee la ya biha tu Daana Yezu Kiresta nimbɔ'zɔrɛ la en dole yɛ'a vom kamba'ahɛ puan la.

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 17:8

Bunsilemasio la ti fum nyɛ ni la, daa vɔi mɛ, gee ki, gee nyaa bɔna bini ti ku ze'ele boko kãtɛ la en boi tiŋa tiŋa ha la dooe na, ti ba sagum en. Ti sɛba woo en boi timpaberɛ wa zuo ti ba yu'ura ka gulehɛ bɔna vom gɔŋɔ la puan tiŋa wa pi'ileŋo puan na la, la wan ta iŋɛ ba pakerɛ ba han le ta nyɛ bunsilemasio la, beni zuo, ku daa boi mɛ, gee ki, gee le yeti ku vo'e na.