Lilegere 7:4 - ZE'ELEGO PAALEGA

⁴ Ti mam wum ti sɛba ti ba wan daalɛ ba la dela tuha kɔbega la tuha pihinaahi la a naahi, Izirale buuri woo puan.

Farefare Ninkaré

⁴ Tɩ mam wõm sɛba tɩ ba ẽŋɛ ba Nawẽnnɛ dãalgɔ la sõorɛ. Ba de la nẽrba tʋskɔbga la tʋspinaasɩ la anaasɩ (144'000). Ba ze'ele la Ɩsrayɛlɩ buuri la wuu pʋam.

Lilegere 7:4 Iomraidhean Croise

Amatie 19:28

Ti Yezu yele ba yeti, “N yeti ya la Yelemɛŋerɛ wa ti, sɛla woo paalega saŋa la han ta paaɛ, ti Asaala Dayua la zi'ire a suŋa na'am kuka la zuo ba'ahɛ, yamam sɛba en doohe mam la me wan zi'a na'am kugehi pia la tuyi' me bihera Izirale buuri pia la ba yi' la.

Aluki 14:22

Ti Da'aberɛ wa ta lebena yele ka daana wa yeti, ‘Fum yeti n iŋɛ se'em la tum ya, gee fole kelum bɔna.’

Aluki 22:30

ti ya ta ta'am di gee nyu la mam n dia zi'an n sɔ'ɔlum la puan, gee zi'a na'am kugehi zuo bihera Izirale buuri pia la bayi' la.

Tõoma 26:7

Nɔbiŋere se'ere ti tumam Izirale buuri pia la ayi' la mu'ɛ nini na'aha Yinɛ bulika la yu'uŋɔ woo, gee tara puti'irɛ ti tu beere wan to'e la. Naa naba, la dela putɛ'dina wa zuo ti Yuuduma wa zuuha mam wa.

Aromduma 9:27

Azaaya yuum kaahɛ Izirale yele yeti, “La Izirale buuri la kɔma en zo'e wuu kulega tintɔnɔ la, ba fii wa ma'a en wan nyɛ faarɛ.

Yemesi 1:1

Yemesi en de yameŋa bo' Yinɛ la Daana Yezu Kiresta la, en gulehɛ gɔŋɔ wa bɔ'ɔra yizuto pia la tuyi' la en nɔgɛ bɔna zi'an woo la. Mam pu'uheri ya na.

Lilegere 14:1

Ti mam bihɛ, ti pebila la en bala, zɛ'a Zaayɔn Zoore la zuo! Ti sɛba en boi la en la dela, nɛre tuha kɔbega la tuha pinaahi la tuha anaahi la ti ba gulehɛ Pebila la yu'urɛ la a Sɔ yu'urɛ labelɛ ba gbɛ'ɛra.

Lilegere 14:3

Ti ba yuuna yuum paalɛ na'am kuka kãtɛ la, la bunvɔɔhi banaahi la kiinduma la nɛŋan. Ti nɛra ka bɔna mina yuunɛ la, han dagena tuha kɔbega la tuha pinaahi la anaahi la ma'a ti ba yɔ to'e ba timpaberɛ wa zuo la.

Lilegere 7:5

Yuda buuri puan nɛre tuha pia la ayi' Aruben buuri puan, nɛre tuha pia la ayi'. Gad buuri puan, tuha pia la ayi'.

Lilegere 9:16

Pɛntiireba sɛba en yage yire zuo, maahum la, kãlɛ dela, tuha kɔbehi siyi. Mam wum ba kãlɛ dina wa mɛ.