Lilegere 7:15 - ZE'ELEGO PAALEGA

¹⁵ Ŋwana zuo ti ba ta'am paaɛ Yinɛ na'am kuka wa nɛŋan na wa, gee na'aha en beere en yilegɛ woo, la yu'uŋɔ a pu'uhegɔ yire wa puan wa, ti se'em en zi' na'am kuka kãtɛ wa zuo la wan gura ba.

Farefare Ninkaré

¹⁵ Bɛla n soe tɩ ba zɛ Nawẽnnɛ na'am bĩmbĩnne na nẽŋam, tõnna bɔ'ɔra ẽ wʋntɛɛŋa la yʋ'ʋŋɔ a yire la pʋam. Sɛka n zĩ na'am bĩmbĩnne zuo la n wʋn gu'ura ba.

Lilegere 7:15 Iomraidhean Croise

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

1 Korẽntɩ 3:16

Yamam ka mi' ti ya dela Yinɛ yire, ti Yinɛ Fa'a Sia la bɔna ya puan?

2 Korẽntɩ 6:16

Beni nuurɛ ti Yinɛ pu'uhegɔ yire la wan ku la baga zɔŋɔ? Se'ere en sɔi la, tumam dela Yinɛ vua wa pu'uhegɔ yire la, wuu Yinɛ mɛŋa en yele yeti, “Mam wan bɔna ba puan, kina la ba, n wan dɛna ba Yinɛ, ti ba me dɛna n nɛreba.

Hiburuduma 12:2

Tu biha suŋa suŋa Yezu en de sakerɛ nɛŋa daana, se'em daana n de sakerɛ la ba'ahegɔ daana la. Se'em ti nyɛɛma sɛ'a en dikɛ biŋe en la zuo, a daa ŋmibe mɛ ta paaɛ pumpuuredɔɔ la zuo, ka fabela dɔɔ zuo kum la nyanɛ la, nyaa wa'am na zi'a a zi'a zi'an Yinɛ na'am kuka la zuo, zuɔ nu'o.

Hiburuduma 8:1

Yeledaa sɛka en boi tumam en yeti sɛla wa puan dela dina wa. Tu tari la malema kiima en boi a tɔka, se'em en zi' Gani za'a Daana la na'am kuka la zuɔ nu'o saazuo ha,

Lilegere 11:19

Ti Yinɛ pu'uhegɔ yire la en boi saazuo ha la yu'ɛ, ti nɔpu'ulegɔ daka la zɛ'a pu'uhegɔ deo la puan, ti bugum nyagera, ti dameŋa damena, ti saa tahera, ti tiŋa miina, ti sakuga kãra ka'ara na.

Lilegere 13:6

Ti bunsɛla wa ya'ɛ a nuurɛ tuura Yinɛ, tuura a yu'urɛ la, la a tanɛ pu'uhegɔ yire la, la sɛba woo en boi tinsuŋan ha la.

Lilegere 20:10

Ti Sagena se'em en pã'ahɛ ba la, ba lobe eŋa bahɛ la bugum mɔgerɛ la en diti la tahi bugum la puan, zi'an ti bunsilemasio la, la a pumpã'ahum nɔtɔgeha la bɔna la, ti ba bɔna mɛlehegɔ puan bulika la yu'uŋɔ za'a, ka malum tara ba'ahegɔ.

Lilegere 21:22

Mam ka nyɛ pu'uhegɔ yire tiŋa la puan, se'ere en sɔi la, ka pu'uhegɔ yire dela Daana Yinɛ la, Gani za'a Daana la, la Pebila la mɛŋa.

Lilegere 22:3

Sɛla en de be'em lɔkɔ kan le puta bilam. Gee na'am kugekãtɛ en de Yinɛ la Pebila la dinɛ la wan bɔna bilam, ti a yamehi la na'aha en.

Lilegere 22:5

Ti yu'uŋɔ kan le bɔna. Nɛreba kan le bɔta bugum bii butolela, bii wuntɛɛŋa. Daana Yinɛ la en wan dɛna ba niihum, ti ba dɛna naduma wuuha ka tara ba'ahegɔ.

Lilegere 4:4

Ti sɛla en ze' kaaɛ na'am kuka kãtɛ wa mum, dela na'am kugehi pihiyi' la sinaahi, ti sɛba en zi' na'am kugehi sina wa zuto dɛna kiinduma pihiyi' la banaahi en bagɛ la na'am fupɛɛla, ti salema muhi vuga ba zuto.

Lilegere 4:8

Ti bunvɔɔhi sinaahi wa ayima woo tari la kelumpagehi siyoobe, pirɛ la nini ba yiŋa, la ba puan. Ti bulika la yu'uŋɔ za'a, ba kɔ'ɔm yuuna mɛ ka malum gɔ'ɔra. Ba yuuni yeti, “Fa'a, Fa'a, Fa'a, Daana Yinɛ, Gani za'a daana, se'em en daa de, gee kelum dɛna, gee wan wa'am na.”

Lilegere 4:9

Ti saŋa woo, bunduma wa han ni na'ahera, gee pɛgera, gee pu'uha se'em daana en zi' na'am kuka kãtɛ la zuo la, se'em en boi wuuha wuuha la,

Lilegere 7:9

Ŋwana en tole la, mam nyɛ la nɛrekuuŋɔ ti nɛra kan ta'am kãalɛ ba, en ze'ele tihi woo, buuri woo, nɛreba woo, la tugum woo puan na, zɛ'a na'am kuka kãtɛ la, la Pebila la nɛŋan, yɛ salema lɔge pɛɛla, zãla kunkɔɔreŋɔ vɔtɔ ba nu'uhen.