Lilegere 7:14 - ZE'ELEGO PAALEGA

¹⁴ Ti mam yele en yeti, “Naa, fum en de se'em en mi'.” Ti a nyaa yele mam yeti, “Bana dela sɛba en ze'ele namehegɔ kãtɛ puan yehe na. Ba pee ba futo mɛ, ti tu pelege kirikiri Pebila la ziim la puan.

Farefare Ninkaré

¹⁴ Tɩ mam lerge ẽ yetɩ: «M zuudãana, fõn mi.» Tɩ a yele mam yetɩ: «Ba de la nẽr-sɛba n ze'ele toog-kãtɛ pʋam na. Ba peege ba futo mɛ Pebila la zɩɩm pʋam tɩ ba pelge.

Lilegere 7:14 Iomraidhean Croise

Amatie 24:21

Se'ere en sɔi la, hankaŋa namehegɔ la wan ba' gaŋɛ mɛ, ka tabelɛ bɔna tiŋa wa pi'ileŋo puan ta paaɛ zina na, aayi, gee me pun kan le makɛ wa'am na.

Amarkɩ 13:19

Se'ere en sɔi la, dabeha aŋa ta yeti ka dɛna la kumpiinɔ seto n ka tabelɛ bɔna Yinɛ n pi'ilum timpaberɛ wa maalegɔ na la, gee me pun kan le malum bɔna.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Tõoma 14:22

Ba doohe malum kpe'em zahereba la gee kpemehe ba ti ba bɔna ba sakerɛ la puan, yɛta ba yeti, “Tu wan doohe la namehegɔ zo'e zo'e puan gee kɛ̃ Yinɛ sɔ'ɔlum la puan.”

Aromduma 5:3

La dagi bala ma'a, gee tu me ŋmɛ'ɛri nyu'urɔ mɛ la tu namehegɔ la, gee mina ti namehegɔ wa bo'ori tu la ŋmibega,

1 Korẽntɩ 6:11

Gee bala ti ya sɛba daa ana. Gee ba pee ya mɛ, ba sukɛ ya mɛ, ba bo' ya la buurɔ tu Daana Yezu Kiresta yu'urɛ la, la tu Yinɛ Sia la puan.

2 Tesaloniki 1:4

Ŋwana zuo, tumam mɛhi ŋmɛ'ɛri la nyɔ' ya zuo, Yinɛ lageŋɔ la puan, la yan sɛ ze'ele kankaŋi gee tara sakerɛ ya mɛlehegɔ a too seko puan ti ya ŋmibera wa.

Hiburuduma 13:12

Bala zuo ti Yezu namehɛ tiŋa la yiŋa ha, ti a pee nɛreba be'em la a mɛŋa ziim.

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

1 Pita 1:19

gee Kiresta tuulum ziim en ani wuu kaabegɔ pebila en ka bɛ̃' bii tara dɛkɔ se'em la.

1 Zã 1:7

Gee tu han vɔna niihum la kankaŋi, wuu eŋa mɛŋa en boi niihum puan se'em la, tu wan bɔna taaba kankaŋi, ti a Dayua Yezu ziim la pɛɛra tɔ, tuure woo puan bahera.

Lilegere 1:5

la Yezu Kiresta en de yelemɛŋerɛ aze'nyɛ daana la, dɛna ki'induma bikiima la, dɛna timpaberɛ wa zuo naduma naba la. Eŋa se'em en nɔŋɛ tɔ, gee faaɛ tɔ tu be'em puan bahɛ, la a mɛŋa ziim la,

Lilegere 12:11

Gee ba nyaŋɛ en mɛ la Pebila la ziim la, la ba nuurɛ yetɔgum, se'ere en sɔi la, ba daa ka fabele ba vom yele, la kum nɛŋan me.

Lilegere 15:2

Ti mam nyɛ ti sɛla niiɛ na, ana wuu ateko la, gee dɛna salema nyagera, ti bugum gɛregɛ ko'om la puan. Ti sɛba en nyaŋɛ bunsilemasio la, ka pu'uhɛ a naanɛ la, ka to'e a yu'urɛ la, la a kãlɛ la, nyaa zɛ'a salema ateko wa nuuren, pɛga kɔlɔ ti Yinɛ dikɛ bo' ba.

Lilegere 17:6

Ti mam nyɛ ti pɔka wa buge mɛ la en nyu Yinɛ nɛresunduma ziim, la sɛba en muuli Yezu yele la sukpe'ene la ziim la. Mam en nyɛ ka la, la ba' iŋɛ mam la pakerɛ.

Lilegere 2:9

“N mi' ya pɔgeleŋɔ, la ya nɔŋɔ, la yan pun tara la za'a. N mi' yu'sageŋɔ seko n paari ya, doohe sɛba en yeti ba dela Yuda buuri gee dagena, gee dɛna Sagena la lageŋɔ yire la.

Lilegere 22:14

Sum wan bɔna la sɛba en pee ba futo, bala ti ba wan tara sore ti ba paaɛ vom tia la, gee me ta'am doohe tiŋa la nayahi la puan kɛ̃.

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.

Lilegere 7:9

Ŋwana en tole la, mam nyɛ la nɛrekuuŋɔ ti nɛra kan ta'am kãalɛ ba, en ze'ele tihi woo, buuri woo, nɛreba woo, la tugum woo puan na, zɛ'a na'am kuka kãtɛ la, la Pebila la nɛŋan, yɛ salema lɔge pɛɛla, zãla kunkɔɔreŋɔ vɔtɔ ba nu'uhen.