Lilegere 6:12 - ZE'ELEGO PAALEGA

¹² En lorege daalehum buyoobe la, mam bihɛ ti tinmiiŋo kãtɛ en sige, ti wuntɛɛŋa wa sobege wuu susageŋɔ fuo la, ti ŋmare pɛɛlega mu'ɛ wuu ziim la,

Farefare Ninkaré

¹² Tɩ Pebila la lakɛ bõnɔ bʋyoobɩ dãana n tabɛ la, tɩ tẽŋa mĩim zozo'e, tɩ wʋntɛɛŋa lebge lika wʋ tãn-sabga, dee tɩ wõrga lebge mõlga wʋ zɩɩm na.

Lilegere 6:12 Iomraidhean Croise

Amatie 11:21

“Yele boi yamam Korazinduma zuo! Yele boi yamam Bɛtesaadaduma zuo! Se'ere en sɔi la, paŋa tuuma ana taaba wa han tum ni la Taai la Sidɔn tihi puan, ŋwana ma'a ba tee ni tole tole, gee yɛ susageŋɔ futo, vaaɛ tampɛgɛlum yeele ba mɛhi, pa'ali ti ba tee ya.

Amatie 24:29

“Namehegɔ dabeha la han tole, bilam bilam ti, wuntɛɛŋa wan sobege, ti ŋmarega kan niiɛ ka niifum la. Ti ŋmarebibehi ze'ele saazuo luta na, Saazuo pahi wan miim.

Amatie 24:7

Se'ere en sɔi la, tihi wan ihege pɛntɛrɛ la taaba, ti sɔ'ɔlum tɛ' pɛɛma la taaba. Kom pɛɛlega wan sigera zi'ihi zo'e zuto, ti tinmiiŋo sigera zi'ihi zo'e zo'e zuto.

Amatie 27:45

Ze'ele Wuntɛɛŋa yɛ'a ha, ti lika wa'am na pi' tiŋa la za'a tari ta paaɛ gogo kaareŋa butã bɔba.

Amatie 27:54

Pɛntiira la la sɛba n boi la en ti ba zɛ'a gura Yezu la en nyɛ sɛla woo en iŋɛ la, dabeem kãtɛ en kɛ̃ ba, ti ba yeti, “Yelemɛŋerɛ, buraa wa dela Yinɛ Dayua.”

Amatie 28:2

Ba yeti ba bihɛ ti tiŋa la miim mɛ. Se'ere en sɔi la, Daana suŋera en ze'ele saazuo sige na bilege yɔɔ kugere la lebe pooren, zi'a de zuo.

Amarkɩ 15:33

Ti la ta paaɛ gogo muma pia la ayi', wuntɛɛŋa ti lika wa'am na pi' timpaberɛ la za'a gareti tara bala la gogo atã.

Lilegere 11:13

Sankaŋa puan, ti tinmiiŋo kãtɛ damɛ, ti tiŋa la yiya puregerɛ pia lu, ti nɛreba tuha ayopɔi ki, tinmiiŋo la puan, ti dabeem kɛ̃ sɛba en yee la, ti ba dikɛ pɛka bo' Yinɛ en sɔi saazuo ha la.

Lilegere 16:18

Ti bugum nyagera, ti dameŋa damena, ti saa tahera, ti tinmiiŋo kãtɛ sige, tinmiiŋo seko en ka tabelɛ sige timpaberɛ wa zuo, nɛreba en pɔhɛ bɔna timpaberɛ wa zuo daarɛ na. Tinmiiŋo la ba' gaŋɛ mɛ.

Lilegere 16:8

Ti suŋera bunaahi daana la ka'ɛ a laa la bahɛ yintule zuo, ti ba bo' yintule la sore ti a taaɛ nɛreba la bugum.

Lilegere 8:12

Ti suŋera bu naahi daana la peebe a tintanɛ la, ti wuntɛɛŋa niihum buyina puregerɛ butã kiŋe, ti ŋmarega niihum buyina puregerɛ butã puan kiŋe, ti ŋmarebibehi me buyina puregerɛ butã puan me kiŋe, ti la bahɛ ti ba woo niihum buyina puregerɛ butã puan kiŋe, ti wuntɛɛŋa ka niira dabeherɛ la buyina puregerɛ butã puan, ti yu'uŋɔ me dɛna bala mɛa.

Lilegere 8:5

Ti suŋera wa dikɛ zu'uhi nyɔ'a dugela wa, mu'ɛ bugum kaabegɔ daka la zuo, pirɛ ka, dikɛ dugela la lobe bahɛ timpaberɛ wa zuo na, ti saa tahega, saa dameŋa, saa nyaka, la tinmiiŋo kɔ'ɔm gbiregera.