Lilegere 5:9 - ZE'ELEGO PAALEGA

⁹ Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.

Farefare Ninkaré

⁹ Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.

Lilegere 5:9 Iomraidhean Croise

Amatie 20:28

Wuu Asaala Dayua la n ka wa'am na ti ba tuna bɔ'ɔra en, gee a tugum tuna bɔ'ɔra, pun ta dikɛ a vom yɔ to'e nɛreba zo'e zo'e se'em la.”

Amatie 26:28

Mam nɔpu'ulegɔ ziim n bala, wan ka'ɛ bo' nɛreba zo'e zo'e yelebe'ero sugeri dia.

Tõoma 20:28

Biheri ya, ya mɛhi suŋa, gee me biha piihi la ti Fa'a Sia la dikɛ ya ti ya biha la. Ya biha Yinɛ lageŋɔ la ti a dikɛ a mɛŋa Dayua ziim to'e ku la.

1 Korẽntɩ 6:20

Se'ere en sɔi la, ba da' ya mɛ la da'alum, bala zuo, na'ahɛ ya Yinɛ la ya inganɛ la.

1 Korẽntɩ 7:23

Ba da' ya mɛ la da'alum, da deni ya da'aba bo' saaleba kpɛ'ɛnduma.

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Efɛɛzɩ 5:19

tari yuum suma tɔgera bɔ'ɔra taaba, kpemehego yuuma la na'ahegɔ yuuma, la Sia yuuma sɛ'a n boi ya puan. Yuuni ya la pupeelum ya suya puan bɔ'ɔra Daana la.

Kolɔsɩ 1:14

se'em puan ti tu nyɛ faarɛ, la yele be'ero sugeri dia.

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Hiburuduma 11:14

Nɛresɛba en tɔgeri ŋwana la, la niiɛ mɛ ti ba eere la ba mɛŋa tiŋa ti ba zi'ire.

2 Pita 2:1

Gee nɔtɔgeheba pumparenduma en yuum ihege na bɔna nɛreba la puan, wuu pumparenduma pa'aleba en wan bɔna ya puan se'em la, sɛba en wan li'ihɛ tari sageŋɔ puti'ira wa'am ya puan na. Ba wan pun ta zagehɛ ba Daana se'em en da' ba la, tari sageŋɔ wa'am ba mɛhi zuo na kalam.

1 Zã 1:7

Gee tu han vɔna niihum la kankaŋi, wuu eŋa mɛŋa en boi niihum puan se'em la, tu wan bɔna taaba kankaŋi, ti a Dayua Yezu ziim la pɛɛra tɔ, tuure woo puan bahera.

1 Zã 2:2

Eŋa en de akaabɛ to'e kaabegɔ bo' tumam tuure la, dagi tumam ma'a tuure la, gee tiŋa wa zuo za'a tuure.

Lilegere 10:11

Ti ba nyaa yele mam yeti, “ Fum dela fum le purɛ bahɛ nɛreba kekeko zuo, la tihi, la yetɔgum buuri buuri, la na'duma zuto.”

Lilegere 11:9

Dabeha atã la girego, ti nɛreba, la ba suurɔ, buuri yima yima, la tugum yima yima, la tihi nɛreba wan kina limeha kum la, gee zagehɛ ti ba kan pi' ba yɔɔ seko puan.

Lilegere 13:7

Ti ba me le bo' en sore ti a zabɛ la nɛresunduma la nyaŋɛ ba. Ba bo' en la kpe'eŋo ti a sɔna buuri woo, la nɛreba woo, la tugum woo la tihi woo.

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 14:6

Ti mam nyɛ ti suŋera ayima ɛgeri sagbama wa zuo, tara faarɛ yelehum la en ka tari ba'ahegɔ la, ti a muulɛ bo' sɛba en vɔi timpaberɛ wa zuo, tiŋa woo, buuri woo, la tugum woo, la nɛreba woo.

Lilegere 15:3

Ti ba nyaa yuuna Moose en de Yinɛ yameŋa yuunɛ la, la Pebila la yuunɛ la yeti, “Fum tuuma karegɛ mɛ gee dɛna pakerɛ, Daana Yinɛ kãtɛ wa. Fum sadɔtɔ za'a dela tuuntɔɔ la yelemɛŋerɛ, tihi wa za'a naba wa.

Lilegere 17:15

Ti suŋera la yele mam yeti, “Ko'om la ti fum nyɛ ni sebo ti yiyɛkɛka la zi' ni bu zuo la, ze'ele bo' la timpaberɛ wa zuo nɛreba, nɛrebɔbegɔ, tihi, la tugum.

Lilegere 4:11

“Fu nari mɛ, tu Daana la tu Yinɛ, ti fum to'e pɛka la na'ahegɔ la paŋa, se'ere en sɔi la, fum naam sɛla woo , ti fum sumboolum zuo ti ba bɔna, ti fum en naam ba.”

Lilegere 5:12

yuuna la ba kuuhi za'a yeti, “ Pebila la ti ba kɔregɛ la nari mɛ ti ka to'e paŋa, tarega, yɛm la kpe'eŋo la na'ahegɔ, la suŋa, la sum.”

Lilegere 5:6

Ti mam nyɛ ti na'am kuka kãtɛ la, la bunvɔɔhi banaahi la, la kiinduma la tiŋasuka, ti Pebila ze', ana wuu ba tabelɛ kɔregɛ ka mɛ la, tara iila ayopɔi la nini iyopɔi en de Yinɛ sɛɛhi siyopɔi la, ti Yinɛ tum si timpaberɛ wa zuo zi'an woo na la.