Lilegere 5:11 - ZE'ELEGO PAALEGA

¹¹ Ti mam bihɛ, wum suŋereba kuuhi zo'e zo'e en kaaɛ na'am kuka kãtɛ la, la bunduma la, la kiinduma la. Ti ba kãlɛ kɛ̃'ɛra tuha pia la tuha tuha,

Farefare Ninkaré

¹¹ Tɩ mam le bɩsɛ, wõm malɛkadõma kʋʋŋɔ kõa, ba daan de la tʋsa nõorɛ tʋsa tʋsa. Ba daan gilge la na'am bĩmbĩnne na, la bõn-vɔɔsɩ banaasɩ, la kẽma la.

Lilegere 5:11 Iomraidhean Croise

Hiburuduma 12:22

Gee yamam paaɛ la zoore se'ere yu'urɛ en yi'iri Zaayɔn la puan na, tinsɛka en de Yinɛ vua wa tiŋa la puan, tinsɛka en de Yerusalɛm sɛka en boi saazuo ha la, ya paaɛ la suŋereba en zo'e kan ta'am kãalɛ la lageŋɔ kãtɛ en boi kuyima,

Azudi 1:14

Bana en bala ti Enɔki en de Adam buuri saŋa buyopɔi puan la yuum purɛ ba yele yeti, “Bihɛ ya, Daana la kini mɛ na la a tuulum nɛreba tuha pia,

Lilegere 19:6

Ti mam wum ti sɛla ana wuu nɛrekuuŋɔ kuuhi la, damena wuu ko'kiŋɔ en sũni la, damena wuu saa en dameni la, kaaha baha na yeti, “Haleluya! Tu Daana Yinɛ la, Gani za'a Daana la eŋa en de naba.

Lilegere 4:4

Ti sɛla en ze' kaaɛ na'am kuka kãtɛ wa mum, dela na'am kugehi pihiyi' la sinaahi, ti sɛba en zi' na'am kugehi sina wa zuto dɛna kiinduma pihiyi' la banaahi en bagɛ la na'am fupɛɛla, ti salema muhi vuga ba zuto.

Lilegere 4:6

Na'am kuka kãtɛ mɛa nɛŋan, sɛla en gã' wuu salema ateko la, ana yilaam. Ti sɛla en kaaɛ na'am kuka kãtɛ la, ka luga anaahi la za'a, dela bunvɔɔhi banaahi, ti ba zi'an woo tara nini, ba nɛŋa la ba poore za'a .

Lilegere 5:14

Ti bunvɔɔhi banaahi la yeti, “Taari.” Ti kiinduma la za'a lu tiŋa la na'ahegɔ.

Lilegere 5:6

Ti mam nyɛ ti na'am kuka kãtɛ la, la bunvɔɔhi banaahi la, la kiinduma la tiŋasuka, ti Pebila ze', ana wuu ba tabelɛ kɔregɛ ka mɛ la, tara iila ayopɔi la nini iyopɔi en de Yinɛ sɛɛhi siyopɔi la, ti Yinɛ tum si timpaberɛ wa zuo zi'an woo na la.

Lilegere 5:8

En to'e gɔŋɔ la, bunvɔɔhi banaahi la za'a, la kiinduma pihiyi' la banaahi la, lu mɛ Pebila la nama tiŋa, ti ba woo zãla duureŋa duureŋa, la salema laahi ti si pirɛ la nyuuŋo suŋɔ digelum en de Yinɛ nɛre sunduma la pu'uhegɔ.

Lilegere 7:11

Ti suŋereba za'a ze'ele kaaɛ na'am kuka kãtɛ la, la kiinduma la, la bunvɔɔhi banaahi la, ti ba za'a lu aliko na'am kuka kãtɛ la nɛŋan, na'ahɛ Yinɛ,

Lilegere 9:16

Pɛntiireba sɛba en yage yire zuo, maahum la, kãlɛ dela, tuha kɔbehi siyi. Mam wum ba kãlɛ dina wa mɛ.