Lilegere 4:8 - ZE'ELEGO PAALEGA

⁸ Ti bunvɔɔhi sinaahi wa ayima woo tari la kelumpagehi siyoobe, pirɛ la nini ba yiŋa, la ba puan. Ti bulika la yu'uŋɔ za'a, ba kɔ'ɔm yuuna mɛ ka malum gɔ'ɔra. Ba yuuni yeti, “Fa'a, Fa'a, Fa'a, Daana Yinɛ, Gani za'a daana, se'em en daa de, gee kelum dɛna, gee wan wa'am na.”

Farefare Ninkaré

⁸ Bõn-vɔɔsɩ banaasɩ la ayɩla woo tarɩ la kempagsɩ bayoobɩ tɩ nini pɩrɛ ba zẽ'a woo, tilum na zuum. Yʋ'ʋŋɔ la wʋntɛɛŋa, ba yõonɩ mɛ ka gɔ'ɔra yetɩ: «Sõŋa, sõŋa, sõŋa, Zuudãana Nawẽnnɛ n de ke'eŋo wuu dãana n ãn sõŋa. Ẽŋa n daan boe, n ken bɔna, dee wʋn bɔna wakatɛ wuu.»

Lilegere 4:8 Iomraidhean Croise

Tõoma 20:31

Bala zuo la, ani ya wire, gee tɛra ti yuuma atã ti mam ka go'e n tɔgera bɔ'ɔra ya yu'uŋɔ la wuntɛɛŋa, ka'ana ya ayima ayima la ninmu'urɛ la nintam.

2 Korẽntɩ 6:18

N wan dɛna ya Sɔ, ti ya dɛna n kɔma. Daana la en de Gani Za'a Daana la en yele.”

1 Tesaloniki 2:9

Ya tɛri tumam n daa tuni gee nameha se'em, n suurɔ, tu daa tuni la bala yu'uŋɔ la wuntɛɛŋa za'a, ti tu da dɛna zeero bo' ya, tumam n muulɛ Yinɛ faarɛ yelehum la bɔ'ɔra ya la.

1 Timoti 4:16

Bihɛ fum mɛŋa suŋa, la fum pa'alegɔ la. Kɔ'ɔm ita yele ana, se'ere en sɔi la, fum han ita yele ana, fum wan faaɛ fum mɛŋa, la fum kɛleheba la.

2 Timoti 4:2

Muula yelehum la, kɔ'ɔm zɛ'a mɛ kankaŋi, sum saŋa bii be'ero saŋa, tɔgera tɛɛra, tahɛ, kpɛmeha, la pa'alegɔ sugeri zo'e, zo'e.

Hiburuduma 13:8

Yezu Kiresta dela bala mɛa zaam, zina, la saŋa woo.

Lilegere 1:4

Mam Yɔn en gulehɛ bɔ'ɔra lageŋɔ tuyopɔi la en boi Esiya tiŋa puan la. Zu'uhegɔ bɔna la ya, ti suma'ahum en ze'ele se'em daana en de, gee daa dɛna, la se'em en ye' na la, la sɛɛhi siyopɔi la en ze' a na'am kuka la nɛŋan la,

Lilegere 1:8

“Mam en de Alifa la Omega”, Daana Yinɛ la en yele. Se'em en de, se'em en daa de, la se'em en wan wa'am na la. Gani za'a Daana la.

Lilegere 11:17

yuuna yeti, “Tu bo' fum fara fara, Gani za'a Yinɛ wa, Se'em en de, gee daa pun dɛna, Se'ere en sɔi la, fum dikɛ la fum pankãtɛ la, pɔhɛ bihera tiŋa wa

Lilegere 14:11

Ti ba namehegɔ zu'uhi kɔ'ɔm gulegera zɔna saazuo ka tara ba'ahegɔ. Vo'ohego ka boi, beyiine, bii yu'uŋɔ bɔ'ɔra sɛba en na'ahɛ bunsilemasio la, la a naanɛ la, la se'em woo en to'e bunsilemasio la daalehum la en de a yu'urɛ la.”

Lilegere 14:3

Ti ba yuuna yuum paalɛ na'am kuka kãtɛ la, la bunvɔɔhi banaahi la kiinduma la nɛŋan. Ti nɛra ka bɔna mina yuunɛ la, han dagena tuha kɔbega la tuha pinaahi la anaahi la ma'a ti ba yɔ to'e ba timpaberɛ wa zuo la.

Lilegere 15:3

Ti ba nyaa yuuna Moose en de Yinɛ yameŋa yuunɛ la, la Pebila la yuunɛ la yeti, “Fum tuuma karegɛ mɛ gee dɛna pakerɛ, Daana Yinɛ kãtɛ wa. Fum sadɔtɔ za'a dela tuuntɔɔ la yelemɛŋerɛ, tihi wa za'a naba wa.

Lilegere 15:7

Ti bunvɔɔhi banaahi la ayima, bo' suŋereba bayopɔi wa, salema laahi siyopɔi en pirɛ la Yinɛ sunsunyiim, Yinɛ se'ere en vɔi wuuha wuuha la.

Lilegere 16:14

Bana wa dela kulekpa'bɛ'ɛhi se'ehi en tuna kirehi, kina timpaberɛ wa zuo na'kãreba nɛŋan, ti ba lagehɛ ba gura zaberɛ, dabeherɛ kãtɛ la en de Gani Za'a Yinɛ dabeherɛ la puan.

Lilegere 16:7

Ti mam wum ti kaabegɔ bimbine la kɔkɛ yeti, “Ɛ̃ɛ, Daana Yinɛ, Gani za'a Daana, Fum gakerɛ wa dela yelemɛŋerɛ la tuuntɔɔ!”

Lilegere 19:15

Ti su'a ze'ele a nuuren yehe na, sɔ'sɛka ti a wan dikɛ zabɛ tihi nyaŋɛ, sooe si biha la pɛregerɛ. A wan sagum daam ŋmɛkerɛ zi'an la, la Gani za'a Yinɛ wa sunsunyiim tuulɛ.

Lilegere 19:4

Ti kiinduma pihiyi' la banaahi la, la bunvɔɔhi banaahi la, lu tiŋa na'ahɛ Yinɛ en zi' na'am kuka kãtɛ la zuo la yeti, “Amɛn. Haleluya!”

Lilegere 21:22

Mam ka nyɛ pu'uhegɔ yire tiŋa la puan, se'ere en sɔi la, ka pu'uhegɔ yire dela Daana Yinɛ la, Gani za'a Daana la, la Pebila la mɛŋa.

Lilegere 3:7

“Suŋera se'em en boi Filadelefiya tiŋa lageŋɔ la puan la ti n guleha bɔ'ɔra. Yetɔgebuna ze'ele la Fa'a daana la, se'em en de yelemɛŋerɛ daana la, zi'an na. Se'em en tari Deviti yire kparehega la, Se'em en yu'ɛ ti se'em ka bɔna yu'ura la, Se'em en yu' ti se'em ka bɔna wan yu'ɛ la.

Lilegere 4:4

Ti sɛla en ze' kaaɛ na'am kuka kãtɛ wa mum, dela na'am kugehi pihiyi' la sinaahi, ti sɛba en zi' na'am kugehi sina wa zuto dɛna kiinduma pihiyi' la banaahi en bagɛ la na'am fupɛɛla, ti salema muhi vuga ba zuto.

Lilegere 4:6

Na'am kuka kãtɛ mɛa nɛŋan, sɛla en gã' wuu salema ateko la, ana yilaam. Ti sɛla en kaaɛ na'am kuka kãtɛ la, ka luga anaahi la za'a, dela bunvɔɔhi banaahi, ti ba zi'an woo tara nini, ba nɛŋa la ba poore za'a .

Lilegere 4:9

Ti saŋa woo, bunduma wa han ni na'ahera, gee pɛgera, gee pu'uha se'em daana en zi' na'am kuka kãtɛ la zuo la, se'em en boi wuuha wuuha la,

Lilegere 5:6

Ti mam nyɛ ti na'am kuka kãtɛ la, la bunvɔɔhi banaahi la, la kiinduma la tiŋasuka, ti Pebila ze', ana wuu ba tabelɛ kɔregɛ ka mɛ la, tara iila ayopɔi la nini iyopɔi en de Yinɛ sɛɛhi siyopɔi la, ti Yinɛ tum si timpaberɛ wa zuo zi'an woo na la.

Lilegere 6:1

Ti mam nyɛ ti Pebila la lorege daalehum bayopɔi la a yima, ti mam wum ti bunvɔɔhi banaahi la a yima yi' bahɛ na la kua en ani woo saa dameŋa yeti,“Wa'ana.”

Lilegere 6:6

ti mam wum ti sɛla ana wuu kua la, ze'ele bunvɔɔhi banaahi la zi'an na yɛta yeti, “Makɛ ki la wula ti la dɛna daanyinɛ tuuma yɔɔrɛ, gee dikɛ wambila makɛ kemɔlega ti la dɛna daanyinɛ yɔɔrɛ, gee da sagum olive kaam la, la daam la.”

Lilegere 7:11

Ti suŋereba za'a ze'ele kaaɛ na'am kuka kãtɛ la, la kiinduma la, la bunvɔɔhi banaahi la, ti ba za'a lu aliko na'am kuka kãtɛ la nɛŋan, na'ahɛ Yinɛ,

Lilegere 7:15

Ŋwana zuo ti ba ta'am paaɛ Yinɛ na'am kuka wa nɛŋan na wa, gee na'aha en beere en yilegɛ woo, la yu'uŋɔ a pu'uhegɔ yire wa puan wa, ti se'em en zi' na'am kuka kãtɛ wa zuo la wan gura ba.