Lilegere 3:21 - ZE'ELEGO PAALEGA

²¹ Se'em daana woo en nyaŋɛ, n wan bo' a daana zi'an ti a bɔna la mam, n na'am kuka la zuo, wuu mam mɛŋa en nyaŋɛ, gee ta zi'a la n Sɔ a na'am kuka la zuo se'em la.

Farefare Ninkaré

²¹ Nẽr-sɛka n yãŋɛ, mam wʋn botɩ a lagɩm na mam po zĩ'ire mam na'am bĩmbĩnne zuo, wʋ mam yãŋɛ po lagɩm na mam Sɔ Nawẽnnɛ zĩ'ire a na'am bĩmbĩnne zuo la.

Lilegere 3:21 Iomraidhean Croise

Amatie 19:28

Ti Yezu yele ba yeti, “N yeti ya la Yelemɛŋerɛ wa ti, sɛla woo paalega saŋa la han ta paaɛ, ti Asaala Dayua la zi'ire a suŋa na'am kuka la zuo ba'ahɛ, yamam sɛba en doohe mam la me wan zi'a na'am kugehi pia la tuyi' me bihera Izirale buuri pia la ba yi' la.

Amatie 25:21

Ti a Daana la yele en yeti, “Fum fara fara, fum dela da'aberɛ suŋa tari yelemɛŋerɛ.” Fum tari yelemɛŋerɛ lɔgerɔ fii wa puan la, n nyaa wan dikɛ lɔgerɔ kekeko iŋɛ fum nu'uhen. Lagum pa'ahɛ fum daana nyɛɛma la puan.

Amatie 28:18

Ti Yezu paaɛ ba na, yele ba yeti, “Paŋa za'a en boi saazuo ha, la timpaberɛ wa zuo dikɛ bo' la mam.

Aluki 22:30

ti ya ta ta'am di gee nyu la mam n dia zi'an n sɔ'ɔlum la puan, gee zi'a na'am kugehi zuo bihera Izirale buuri pia la bayi' la.

Azã 13:32

Yinɛ han nyɛ pɛka Dayua wa puan, Yinɛ mɛŋa wan bo' Dayua la me pɛka Dayua la mɛŋa puan, gee me iŋɛ de kalam.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

2 Timoti 2:12

Tu han ŋmibe, tu me wan di na'am la en, Tu han zagehɛ en, a mɛ wan zagehɛ tɔ,

Lilegere 1:6

gee iŋɛ tɔ ti tu dɛna sɔ'ɔlum, gee dɛna malema duma, tuna bɔ'ɔra a Yinɛ la Sɔ la, eŋa ti na'ahegɔ la kpe'eŋo dɛna a dinɛ wuuha wuuha. Taari.

Lilegere 12:11

Gee ba nyaŋɛ en mɛ la Pebila la ziim la, la ba nuurɛ yetɔgum, se'ere en sɔi la, ba daa ka fabele ba vom yele, la kum nɛŋan me.

Lilegere 17:14

Ba wan kɔ' zaberɛ la Pebila la, gee Pebila la wan nyaŋɛ ba. Se'ere en sɔi la, Pebila la en de Daanduma Daana, la Naduma naba. Ti sɛba en boi la en la, a yi' ba mɛ, gee loohe ba ti ba dɛna sakereba.”

Lilegere 2:7

Bahɛ ti se'em woo en tari tuba, a kɛleha Fa'a Sia la en yeti se'em bɔ'ɔra lageŋɔ duma la. Se'em woo en nyaŋɛ, N wan bo' en sore ti a di vom tia la wala la en boi Yinɛ vo'ohego zi'an la.

Lilegere 20:4

Ti mam nyɛ na'am kugehi, ti sɛba en zi' si zuto la, ba bo' ba la paŋa ti ba gakera. Mam me nyɛ sɛɛhi en de sɛba ti ba fige ba zuto, ban nam Yezu, gee muula Yinɛ yelehum la zuo. Bama ka lagum pu'uhɛ bunsilemasio la bii a naanɛ la, bii ba to'e a daalehum la ba gbɛ'ɛran bii ba nu'uhen. Ba vo'e me na, dɛna kiinduma, la Kiresta yuuma tuhere la puan.

Lilegere 20:6

Sum, la tuntɔɔnɛ dela sɛba en ta lagum vo'e yia vo'ore la dinɛ. Bana ti kum buyi' la ka le tana la. Gee ba wan dɛna malema duma bo' Yinɛ, la a Kiresta la, gee dɛna kiinduma la en, yuuma tuhere la puan.

Lilegere 5:10

Fum iŋɛ ba ti ba dɛna la malema duma buuri sɔ'ɔlum, tuna bɔ'ɔra Yinɛ,” ba wan sɔna timpaberɛ wa zuo biha.

Lilegere 6:2

Ti mam bihɛ, ti yeeho pɛɛlega en ze', ti bu ba'ara zãla tahɔ, ti ba dikɛ muŋa bo' en, ti a yehe na, dɛna nyaŋera, ti a nini mu'ɛ la nyaŋerɛ.

Lilegere 7:17

Se'ere en sɔi la, Pebila la en boi na'am kuka kãtɛ la zuo la en wan dɛna ba dunkiina, wan tari ba kina vom ko'sumɔ kulaa la puan ti ba nyuura, gee ti Yinɛ wan duuhe ba nintam woo ba ninin bahɛ.”