Lilegere 3:10 - ZE'ELEGO PAALEGA

¹⁰ Yamam en tari mam yelehum la en de sugeri, la ŋmibega la zuo, n wan gu' ya makerɛ se'ere en ye'ehe timpaberɛ wa zuo na ti de makɛ tiŋa wa zuo nɛreba za'a la puan.

Farefare Ninkaré

¹⁰ Yãma n sakɛ mam yetɔga la mõrgɛ sẽŋɛ nẽŋa na ĩyã, mam mẽ wʋn gu'ura ya sõŋa tɩ toogo sɛka n sẽm dũnia wuu zuo, tɩ a makɛ nẽr-sɛba wuu n boe dũnia zuo la, da paagɛ ya.

Lilegere 3:10 Iomraidhean Croise

Amatie 24:14

Saazuo sɔ'ɔlum faarɛ yelefum wa wan muulɛ paaɛ timpaberɛ wa zi'an woo, ti la dɛna aze' nyɛ daana bɔ'ɔra tihi za'a, gee ti ba'ahegɔ la baŋɛ wa'am na.

Amatie 26:41

Da gihi ya, gee pu'uhi ya ti ya da kɛ̃ makerɛ puan. Sia la kɔ'ɔm bɔta mɛ gee inganɛ la la n tari tɔregɔ.”

Amatie 6:13

Da tari tu kɛ̃ magehegɔ puan gee faaɛ tɔ be'em daana la nu'uhen bahɛ. [Sɔ'ɔlum la dela fum dinɛ, paŋa suŋa, wuuha wuuha, Amɛn. Yia yia gulehɛgɔ la tuseto ka tari ka'lam]

Amarkɩ 14:9

N yeti ya la yelemɛŋerɛ wa, zi'a woo timpaberɛ wa zuo, ti ba ta muula faarɛ yelehum wan tiiha tɔgera sɛla ti ka iŋɛ wa yele.”

Aluki 2:1

Dabeha aŋa puan la, ti Kaiza Agastus bo' nuurɛ ti ba gulehɛ Arome sɔ'ɔlum nɛreba za'a yu'ura.

Azã 17:6

“Mam dikɛ fum yu'urɛ wa pa'alɛ sɛba ti fum looe ba bo' mam timpaberɛ wa zuo la. Ba dela fum dinɛ, gee ti fum dikɛ ba bo' mam, ti ba me gurɛ fum yelehum la kankaŋi.

Aromduma 1:8

Yia, mam bo'ori Yinɛ fara Yezu puan ya za'a zuo, beni zuo, ya sakerɛ la yele to'e tiŋa wa zuo za'a mɛ.

1 Korẽntɩ 10:13

Makerɛ ka boi paaɛ ya gee ka tabelɛ paaɛ nɛrese'em. Yinɛ dela yelemɛŋerɛ daana, a kan bahɛ ti makerɛ paaɛ ya gaŋɛ ya paŋa tɛka. Gee makerɛ la puan, a wan pa'alɛ ya sore ti ya ŋmibe de puan.

Efɛɛzɩ 6:13

Bala zuo la, bobe ya mɛhi la Yinɛ zaberɛ lɔgerɔ la za'a, bala ti ya wan ta'am sɛ' ze'ele dabehebe'o la daarɛ kankaŋɛ, dabehebe'o daarɛ la han ta paaɛ ya na. Ti ya me han ta zabɛ paaɛ de ba'ahegɔ, ya wan kelum ta'am sɛ' ze'ele kankaŋɛ.

2 Timoti 2:12

Tu han ŋmibe, tu me wan di na'am la en, Tu han zagehɛ en, a mɛ wan zagehɛ tɔ,

Yemesi 3:12

N suurɔ wa, Kinkaŋa wan ta'am wam ta'ama? Bii sinsabega wam mu'uro? La kan malum iŋɛ ti ko'om en tari yaarum, bule ko'sumɔ.

1 Pita 4:12

N sunɔŋerɛ duma wa, da bahɛ ya ti la iŋɛ ya pakerɛ, la namehɛ tuulɛ wa en boi ya puan ti bu makɛ ya bihɛ wa, ti la ana wuu yele saanɛ bo' ya.

2 Pita 2:9

bala, Daana la mi' en faari tuuntɔɔ duma magehegɔ puan se'em bahɛ mɛ, gee bahɛ ti be'em duma bɔna namehegɔ puan gura gakerɛ dabeherɛ la,

Lilegere 1:9

Mam Yɔn, ya suuɔ, se'em la yamam en lagum bɔna Yezu puan, lagum nyɛ namehegɔ, a sɔ'ɔlum la, la a sugeri ŋmibega la, n wa bɔna la tiŋa en boi ko'om tiŋasuka ti ba yi'ira ka Patimose, mam muuli Yinɛ yelehum la, la mam en de Yezu aze'nyɛ daana la zuo.

Lilegere 11:10

Ti timpaberɛ wa zuo nɛreba wan nyɛɛna la ba kum la, bɔ'ɔra taaba bo'olum, se'ere en sɔi la, nɔtɔgeheba bana ba yi' wa daa ba kpa' la timpaberɛ wa zuo nɛreba za'a nyɔya.

Lilegere 13:10

La han dɛna la ba nyɔgɛ ya, ba nyɔgere ya yɛ'a mɛ, ya han ku mɛ la su'a, su'a en kuuri ya. Ŋwana dela sɛba en de nɛresunduma la, ya ŋmibera, gee sɛ zɛ'a ya sakerɛ la puan.

Lilegere 13:14

Ti doohe la kirehi wa ti ba bo' sore ti a ze'ele yia bunsilemasio la na'arɛ tum bo' en la, ti a nyaŋɛ pã'ahɛ timpaberɛ wa zuo nɛreba za'a, yɛta ba yeti, ba maalɛ yia bunsilemasio la ti su'a pɔgelum en gee ti a sina gee vɔna la naanɛ,

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 14:12

Ŋwana yi'iri la nɛresunduma la ti ba ŋmibe, la sɛba woo en tari Yinɛ nuurɛ la, gee gurɛ Yezu sakerɛ la kankaŋi la.

Lilegere 14:6

Ti mam nyɛ ti suŋera ayima ɛgeri sagbama wa zuo, tara faarɛ yelehum la en ka tari ba'ahegɔ la, ti a muulɛ bo' sɛba en vɔi timpaberɛ wa zuo, tiŋa woo, buuri woo, la tugum woo, la nɛreba woo.

Lilegere 16:14

Bana wa dela kulekpa'bɛ'ɛhi se'ehi en tuna kirehi, kina timpaberɛ wa zuo na'kãreba nɛŋan, ti ba lagehɛ ba gura zaberɛ, dabeherɛ kãtɛ la en de Gani Za'a Yinɛ dabeherɛ la puan.

Lilegere 17:2

Se'em ti timpaberɛ wa zuo na'duma tum yaluntuuma la en, ti timpaberɛ wa zuo nɛreba tum yaalum tuuma la en ta buge wuu ba nyu la daam la.”

Lilegere 17:8

Bunsilemasio la ti fum nyɛ ni la, daa vɔi mɛ, gee ki, gee nyaa bɔna bini ti ku ze'ele boko kãtɛ la en boi tiŋa tiŋa ha la dooe na, ti ba sagum en. Ti sɛba woo en boi timpaberɛ wa zuo ti ba yu'ura ka gulehɛ bɔna vom gɔŋɔ la puan tiŋa wa pi'ileŋo puan na la, la wan ta iŋɛ ba pakerɛ ba han le ta nyɛ bunsilemasio la, beni zuo, ku daa boi mɛ, gee ki, gee le yeti ku vo'e na.

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 3:8

“N mi' ya tuuma. Bihɛ yaa, N yu'ɛ la kuleŋa biŋe ya, ti se'em ka bɔna wan yu' ka. Mam mi' ti ya tari paŋa fii wa, gee la bala za'a, ya tari mam yelehum la mɛ suŋa suŋa, ka zagehɛ mam yu'urɛ la.

Lilegere 6:10

Ti ba kaahɛ la kɔkɛ'ɛŋa yeti, “Gaŋeza'a Daana, Fa'a la Yelemɛŋerɛ Daana, la yeti la yuue la ŋwani gee ti fum gakɛ gee lerege timpaberɛ zuo duma wa en ka'ɛ tumam ziim wa se'em la?”

Lilegere 8:13

Ti mam bihɛ, wum ti tugeho kaaheri kɔkɛ'ɛŋa gee ɛgera saazuo ha, yɛta yeti, “Yele kãtɛ, Yele kãtɛ, Yele kãtɛ boi timpaberɛ wa nɛreba zuo, suŋereba batã wa han peebe ba tintana la ti ba bɔna bini ti ba peebe la!”